తాగునీటి కోసం రోడ్డెక్కిన గ్రామస్తులు ఏడు రోజులుగా నేటి సరఫరా బంద్ కలుషిత నేటితో చర్మ వ్యాధులు ఇబ్బందులు ముత్యాలమ్మ గుడి ప్రాంతంలో ఖాళీ బిందెలతో రాస్తారోకో అరుణ ప్రభ:- భద్రాద్రి కొత్తగూడెం జిల్లా బూర్గంపాడు మండలం సారపాక తాగునీటి కోసం ముత్యాలమ్మ గుడి ప్రాంతానికి చెందిన గ్రామస్తులు రోడ్డెక్కారు. గత ఏడు రోజులుగా తమ ప్రాంతానికి తాగునీరు సరఫరా కావడం లేదని, పలుమార్లు గ్రామపంచాయతీ అధికారుల దృష్టికి తీసుకెళ్లినా సమస్య పరిష్కారం కాలేదని ఆవేదన వ్యక్తం చేస్తూ గ్రామస్తులు మెయిన్‌ రోడ్డుపై ఖాళీ బిందెలతో బైఠాయించి నిరసన తెలిపారు. గ్రామస్తులు మాట్లాడుతూ.. తాగునీటి కోసం తీవ్ర ఇబ్బందులు పడుతున్నామని తెలిపారు. తమ ప్రాంతంలో ఉన్న బావి, బోరు నుంచి మోటార్‌ ద్వారా వస్తున్న నీరు మురికిగా ఉండటంతో కనీసం వినియోగించుకోలేని పరిస్థితి ఉందన్నారు. ఆ నీటిని ఉపయోగించడం వల్ల తమకు, ముఖ్యంగా చిన్నారులకు చర్మ సంబంధిత సమస్యలు, దురదలు తదితర ఇబ్బందులు ఎదురవుతున్నాయని ఆవేదన వ్యక్తం చేశారు. ఇప్పటికే పలువురు పిల్లలు చర్మ సమస్యలతో బాధపడుతున్నారని తెలిపారు. గతంలో తమ తాగునీటి సమస్యను కలెక్టర్‌, స్థానిక ఎమ్మెల్యే దృష్టికి తీసుకెళ్లగా స్పందించి కొంతకాలం నీటి సరఫరా అందించారని గ్రామస్తులు తెలిపారు. అయితే ప్రస్తుతం మళ్లీ ఏడు రోజులుగా తాగునీరు రావడం లేదన్నారు. సమస్యను పలుమార్లు పంచాయతీ కార్యాలయంలో ఫిర్యాదు చేసినా పరిష్కారం కాలేదని పేర్కొన్నారు. శాశ్వత పరిష్కారం చూపే వరకు నిరసన విరమించేది లేదని గ్రామస్తులు స్పష్టం చేస్తూ సుమారు గంటపాటు రోడ్డుపై బైఠాయించారు. దీంతో రహదారిపై ఇరువైపులా వాహనాలు నిలిచిపోయాయి. సమాచారం అందుకున్న పోలీసులు సంఘటనా స్థలానికి చేరుకుని గ్రామస్తులతో మాట్లాడారు. తాగునీటి సమస్య పరిష్కారానికి చర్యలు తీసుకుంటామని హామీ ఇవ్వడంతో గ్రామస్తులు నిరసన విరమించారు. ప్రస్తుతం తాత్కాలికంగా వాటర్ ట్యాంకర్ ద్వారా వారికి నీటిని అందించే చర్యలు పంచాయతీ అధికారులు చేపట్టారు. అయితే కలుషిత నీటి సమస్యను కూడా పరిశీలించి స్వచ్ఛమైన తాగునీటిని శాశ్వతంగా అందించాలని గ్రామస్తులు కోరారు. ఇట్టి విషయమై పంచాయతీ కార్యదర్శి గారిని వివరణ అడగగా పైనుండి నీరు ఎక్కువగా అందకపోవడం వల్ల వాటర్ ట్యాంకులు నిండకపోవడం దానివల్ల నీటి కొరత ఏర్పడిందని తెలియజేశారు. వారికి ప్రత్యేకించి రేపు పైప్లైన్ ఏర్పాటు చేస్తున్నామని తెలియజేశారు. రేపటి నుండే ఆ పనులు ప్రారంభిస్తున్నామని కూడా తెలియజేశారు.

Banatha. Raja

బుర్గుంపహాడ్, భద్రాద్రి కొత్తగూడెం, తెలంగాణ•

22 hrs ago

తాగునీటి కోసం రోడ్డెక్కిన గ్రామస్తులు ఏడు రోజులుగా నేటి సరఫరా బంద్ కలుషిత నేటితో చర్మ వ్యాధులు ఇబ్బందులు ముత్యాలమ్మ గుడి ప్రాంతంలో ఖాళీ బిందెలతో రాస్తారోకో అరుణ ప్రభ:- భద్రాద్రి కొత్తగూడెం జిల్లా బూర్గంపాడు మండలం సారపాక తాగునీటి కోసం ముత్యాలమ్మ గుడి ప్రాంతానికి చెందిన గ్రామస్తులు రోడ్డెక్కారు. గత ఏడు రోజులుగా తమ ప్రాంతానికి తాగునీరు సరఫరా కావడం లేదని, పలుమార్లు గ్రామపంచాయతీ అధికారుల దృష్టికి తీసుకెళ్లినా సమస్య పరిష్కారం కాలేదని ఆవేదన వ్యక్తం చేస్తూ గ్రామస్తులు మెయిన్‌ రోడ్డుపై ఖాళీ బిందెలతో బైఠాయించి నిరసన తెలిపారు. గ్రామస్తులు మాట్లాడుతూ.. తాగునీటి కోసం తీవ్ర ఇబ్బందులు పడుతున్నామని తెలిపారు. తమ ప్రాంతంలో ఉన్న బావి, బోరు నుంచి మోటార్‌ ద్వారా వస్తున్న

నీరు మురికిగా ఉండటంతో కనీసం వినియోగించుకోలేని పరిస్థితి ఉందన్నారు. ఆ నీటిని ఉపయోగించడం వల్ల తమకు, ముఖ్యంగా చిన్నారులకు చర్మ సంబంధిత సమస్యలు, దురదలు తదితర ఇబ్బందులు ఎదురవుతున్నాయని ఆవేదన వ్యక్తం చేశారు. ఇప్పటికే పలువురు పిల్లలు చర్మ సమస్యలతో బాధపడుతున్నారని తెలిపారు. గతంలో తమ తాగునీటి సమస్యను కలెక్టర్‌, స్థానిక ఎమ్మెల్యే దృష్టికి తీసుకెళ్లగా స్పందించి కొంతకాలం నీటి సరఫరా అందించారని గ్రామస్తులు తెలిపారు. అయితే ప్రస్తుతం మళ్లీ ఏడు రోజులుగా తాగునీరు రావడం లేదన్నారు. సమస్యను పలుమార్లు పంచాయతీ కార్యాలయంలో ఫిర్యాదు చేసినా పరిష్కారం కాలేదని పేర్కొన్నారు. శాశ్వత పరిష్కారం చూపే వరకు నిరసన విరమించేది లేదని గ్రామస్తులు స్పష్టం చేస్తూ సుమారు గంటపాటు రోడ్డుపై బైఠాయించారు. దీంతో రహదారిపై

ఇరువైపులా వాహనాలు నిలిచిపోయాయి. సమాచారం అందుకున్న పోలీసులు సంఘటనా స్థలానికి చేరుకుని గ్రామస్తులతో మాట్లాడారు. తాగునీటి సమస్య పరిష్కారానికి చర్యలు తీసుకుంటామని హామీ ఇవ్వడంతో గ్రామస్తులు నిరసన విరమించారు. ప్రస్తుతం తాత్కాలికంగా వాటర్ ట్యాంకర్ ద్వారా వారికి నీటిని అందించే చర్యలు పంచాయతీ అధికారులు చేపట్టారు. అయితే కలుషిత నీటి సమస్యను కూడా పరిశీలించి స్వచ్ఛమైన తాగునీటిని శాశ్వతంగా అందించాలని గ్రామస్తులు కోరారు. ఇట్టి విషయమై పంచాయతీ కార్యదర్శి గారిని వివరణ అడగగా పైనుండి నీరు ఎక్కువగా అందకపోవడం వల్ల వాటర్ ట్యాంకులు నిండకపోవడం దానివల్ల నీటి కొరత ఏర్పడిందని తెలియజేశారు. వారికి ప్రత్యేకించి రేపు పైప్లైన్ ఏర్పాటు చేస్తున్నామని తెలియజేశారు. రేపటి నుండే ఆ పనులు ప్రారంభిస్తున్నామని కూడా తెలియజేశారు.