ମ ସତ୍ୟବାଦୀରେ ଜାଗର ଅବସରେ ଚାଟ୍ ଖାଇ ୨୫ରୁ ଅଧିକ ଶିଶୁ ଅସୁସ୍ଥ। ନକଲି ସସ୍ ଓ ରଙ୍ଗ ମିଶ୍ରିତ ଖାଦ୍ୟ ଅଭିଯୋଗ, ଡାକ୍ତର ଅଭାବରୁ ପୁରୀକୁ ସ୍ଥାନାନ୍ତର ସତ୍ୟବାଦୀ ବ୍ଲକ୍ ସରଙ୍ଗାଯୋଡ଼ି ପଞ୍ଚାୟତ ଅଧୀନ ଝଜା ମୁଣ୍ଡାଇ ଗ୍ରାମରେ ଗତକାଲି ଜାଗର ଉପଲକ୍ଷେ ଆୟୋଜିତ ଉତ୍ସବ ସମୟରେ ଦୁର୍ଭାଗ୍ୟଜନକ ଘଟଣା ଘଟିଛି। ଶିବ ମନ୍ଦିର ନିକଟରେ ଥିବା ଅସ୍ଥାୟୀ ଦୋକାନରୁ ଚାଟ୍ ଖାଇ ୨୫ରୁ ଅଧିକ ଶିଶୁ ହଠାତ୍ ଅସୁସ୍ଥ ହୋଇପଡ଼ିଥିବା ଖବର ମିଳିଛି। ଅଭିଭାବକମାନଙ୍କ ଅଭିଯୋଗ ଅନୁଯାୟୀ, ଚାଟ୍‌ରେ ନକଲି ସସ୍ ଓ କୃତ୍ରିମ ରଙ୍ଗ ମିଶାଯାଇଥିବାରୁ ଶିଶୁମାନେ ବାନ୍ତି, ପେଟ ବେଦନା ଓ ମୁର୍ଛା ଭଳି ଲକ୍ଷଣରେ ପୀଡ଼ିତ ହୋଇଥିଲେ। ଘଟଣା ପରେ ଗ୍ରାମରେ ଆତଙ୍କ ସୃଷ୍ଟି ହୋଇଥିଲା ଏବଂ ଅସୁସ୍ଥ ଶିଶୁମାନଙ୍କୁ ତୁରନ୍ତ ସତ୍ୟବାଦୀ ଡାକ୍ତରଖାନାକୁ ନିଆଯାଇଥିଲା। କିନ୍ତୁ ସତ୍ୟବାଦୀ ଡାକ୍ତରଖାନାରେ ପର୍ଯ୍ୟାପ୍ତ ଡାକ୍ତର ଓ ଆବଶ୍ୟକ ଚିକିତ୍ସା ସୁବିଧା ନଥିବାରୁ କେତେକ ଗୁରୁତର ଅବସ୍ଥାର ଶିଶୁମାନଙ୍କୁ ପୁରୀ ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ଜଣାପଡ଼ିଛି। ଘଟଣାକୁ ନିନ୍ଦା କରି ସ୍ଥାନୀୟ ବାସିନ୍ଦା ଓ ସମାଜସେବୀ ସୁଶୀଲ କୁମାର ସାହୁ କହିଛନ୍ତି ଯେ, ଏପରି ଅବ୍ୟବସ୍ଥା ଓ ଖାଦ୍ୟର ଗୁଣନିୟନ୍ତ୍ରଣ ଅଭାବ ଉପରେ ପ୍ରଶାସନ ତତ୍କ୍ଷଣାତ୍ କଠୋର ପଦକ୍ଷେପ ନେବା ଆବଶ୍ୟକ। ଦୋଷୀ ବ୍ୟକ୍ତିଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଦାବି କରାଯାଇଛି। ସ୍ଥାନୀୟ ଲୋକମାନେ ଜାଗର ଓ ଅନ୍ୟାନ୍ୟ ଉତ୍ସବ ସମୟରେ ଖାଦ୍ୟ ବିକ୍ରୟରେ କଟକଣା ଓ ସ୍ୱାସ୍ଥ୍ୟ ବିଭାଗର ଯାଞ୍ଚକୁ ଜୋରଦାର କରିବା ପାଇଁ ଦାବି କରିଛନ୍ତି। ଘଟଣାକୁ ନେଇ ପ୍ରଶାସନ ପକ୍ଷରୁ ତଦନ୍ତ ଆରମ୍ଭ ହୋଇଥିବା ସୂଚନା ମିଳିଛି।(ଡ଼ଃ ମନୋଜ କୁମାର ବଳିଆରସିଂ,ପୁରୀ)

Manoj kumar baliyarsingh

ସାମ୍ବାଦିକ ପୁରୀ (M), ପୁରୀ, ଓଡ଼ିଶା•

23 hrs ago

ମ ସତ୍ୟବାଦୀରେ ଜାଗର ଅବସରେ ଚାଟ୍ ଖାଇ ୨୫ରୁ ଅଧିକ ଶିଶୁ ଅସୁସ୍ଥ। ନକଲି ସସ୍ ଓ ରଙ୍ଗ ମିଶ୍ରିତ ଖାଦ୍ୟ ଅଭିଯୋଗ, ଡାକ୍ତର ଅଭାବରୁ ପୁରୀକୁ ସ୍ଥାନାନ୍ତର ସତ୍ୟବାଦୀ ବ୍ଲକ୍ ସରଙ୍ଗାଯୋଡ଼ି ପଞ୍ଚାୟତ ଅଧୀନ ଝଜା ମୁଣ୍ଡାଇ ଗ୍ରାମରେ ଗତକାଲି ଜାଗର ଉପଲକ୍ଷେ ଆୟୋଜିତ ଉତ୍ସବ ସମୟରେ ଦୁର୍ଭାଗ୍ୟଜନକ ଘଟଣା ଘଟିଛି। ଶିବ ମନ୍ଦିର ନିକଟରେ ଥିବା ଅସ୍ଥାୟୀ ଦୋକାନରୁ

ଚାଟ୍ ଖାଇ ୨୫ରୁ ଅଧିକ ଶିଶୁ ହଠାତ୍ ଅସୁସ୍ଥ ହୋଇପଡ଼ିଥିବା ଖବର ମିଳିଛି। ଅଭିଭାବକମାନଙ୍କ ଅଭିଯୋଗ ଅନୁଯାୟୀ, ଚାଟ୍‌ରେ ନକଲି ସସ୍ ଓ କୃତ୍ରିମ ରଙ୍ଗ ମିଶାଯାଇଥିବାରୁ ଶିଶୁମାନେ ବାନ୍ତି, ପେଟ ବେଦନା ଓ ମୁର୍ଛା ଭଳି ଲକ୍ଷଣରେ ପୀଡ଼ିତ ହୋଇଥିଲେ। ଘଟଣା ପରେ ଗ୍ରାମରେ ଆତଙ୍କ ସୃଷ୍ଟି ହୋଇଥିଲା ଏବଂ ଅସୁସ୍ଥ ଶିଶୁମାନଙ୍କୁ ତୁରନ୍ତ ସତ୍ୟବାଦୀ ଡାକ୍ତରଖାନାକୁ

ନିଆଯାଇଥିଲା। କିନ୍ତୁ ସତ୍ୟବାଦୀ ଡାକ୍ତରଖାନାରେ ପର୍ଯ୍ୟାପ୍ତ ଡାକ୍ତର ଓ ଆବଶ୍ୟକ ଚିକିତ୍ସା ସୁବିଧା ନଥିବାରୁ କେତେକ ଗୁରୁତର ଅବସ୍ଥାର ଶିଶୁମାନଙ୍କୁ ପୁରୀ ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ଜଣାପଡ଼ିଛି। ଘଟଣାକୁ ନିନ୍ଦା କରି ସ୍ଥାନୀୟ ବାସିନ୍ଦା ଓ ସମାଜସେବୀ ସୁଶୀଲ କୁମାର ସାହୁ କହିଛନ୍ତି ଯେ, ଏପରି ଅବ୍ୟବସ୍ଥା ଓ ଖାଦ୍ୟର ଗୁଣନିୟନ୍ତ୍ରଣ ଅଭାବ ଉପରେ ପ୍ରଶାସନ ତତ୍କ୍ଷଣାତ୍ କଠୋର

ପଦକ୍ଷେପ ନେବା ଆବଶ୍ୟକ। ଦୋଷୀ ବ୍ୟକ୍ତିଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଦାବି କରାଯାଇଛି। ସ୍ଥାନୀୟ ଲୋକମାନେ ଜାଗର ଓ ଅନ୍ୟାନ୍ୟ ଉତ୍ସବ ସମୟରେ ଖାଦ୍ୟ ବିକ୍ରୟରେ କଟକଣା ଓ ସ୍ୱାସ୍ଥ୍ୟ ବିଭାଗର ଯାଞ୍ଚକୁ ଜୋରଦାର କରିବା ପାଇଁ ଦାବି କରିଛନ୍ତି। ଘଟଣାକୁ ନେଇ ପ୍ରଶାସନ ପକ୍ଷରୁ ତଦନ୍ତ ଆରମ୍ଭ ହୋଇଥିବା ସୂଚନା ମିଳିଛି।(ଡ଼ଃ ମନୋଜ କୁମାର ବଳିଆରସିଂ,ପୁରୀ)