हिंगणघाट : राष्ट्रीय महामार्गावर भीषण अपघात, कामगाराचा जागीच मृत्यू हिंगणघाट वर्धा शहराजवळील राष्ट्रीय महामार्ग क्रमांक १४४ वर आज दुपारी भीषण अपघात घडून एका कामगाराचा जागीच मृत्यू झाल्याची दुर्दैवी घटना समोर आली आहे. मृतकाचे नाव गजानन नबेश्वर जवादे (वय ३५, रा. पोहणा वेणी) असे आहे. गजानन हे हिंगणघाट येथील पद्मावती व साईकृपा जिनिंग येथे कापसाच्या गठ्ठ्यांना पट्टी लावण्याचे काम करत होते. माहितीनुसार, आज गावातील यात्रा आटोपून ते कंपनीच्या कामावर जाण्यासाठी मोटारसायकलने निघाले होते. शहरातील मारुती शोरूमजवळील रस्त्यावर वळण घेत असताना त्यांची दुचाकी घसरून ते रस्त्यावर पडले. त्याच वेळी राष्ट्रीय महामार्गावरून भरधाव वेगाने येणाऱ्या ट्रकने त्यांच्या दुचाकीला जोरदार धडक दिली. धडक इतकी भीषण होती की गजानन जवादे यांचा जागीच मृत्यू झाला. अपघातानंतर परिसरात एकच खळबळ उडाली. गजानन यांचा विवाह झाला होता; मात्र ते पत्नीपासून विभक्त राहत होते. त्यांना एक मुलगी असून ती आईकडेच राहते. त्यांच्या पश्चात वृद्ध वडील असून ते शेतीमजुरी करून उदरनिर्वाह करतात. या घटनेने परिसरात हळहळ व्यक्त होत असून पोलिसांकडून पुढील तपास सुरू आहे.

Ravi yenorkar PRESS -IN BCN NEWS

हिंगणघाट, वर्धा, महाराष्ट्र•

23 hrs ago

हिंगणघाट : राष्ट्रीय महामार्गावर भीषण अपघात, कामगाराचा जागीच मृत्यू हिंगणघाट वर्धा शहराजवळील राष्ट्रीय महामार्ग क्रमांक १४४ वर आज दुपारी भीषण अपघात घडून एका कामगाराचा जागीच मृत्यू झाल्याची दुर्दैवी घटना समोर आली आहे. मृतकाचे नाव गजानन नबेश्वर जवादे (वय ३५, रा. पोहणा वेणी) असे आहे. गजानन हे हिंगणघाट येथील पद्मावती व साईकृपा जिनिंग येथे कापसाच्या गठ्ठ्यांना पट्टी लावण्याचे काम करत होते. माहितीनुसार, आज गावातील यात्रा आटोपून ते कंपनीच्या कामावर जाण्यासाठी मोटारसायकलने निघाले होते. शहरातील मारुती शोरूमजवळील रस्त्यावर वळण घेत असताना त्यांची दुचाकी घसरून ते रस्त्यावर पडले. त्याच वेळी राष्ट्रीय महामार्गावरून भरधाव वेगाने येणाऱ्या ट्रकने त्यांच्या दुचाकीला जोरदार धडक दिली. धडक इतकी भीषण होती की गजानन जवादे यांचा जागीच मृत्यू झाला. अपघातानंतर परिसरात एकच खळबळ उडाली. गजानन यांचा विवाह झाला होता; मात्र ते पत्नीपासून विभक्त राहत होते. त्यांना एक मुलगी असून ती आईकडेच राहते. त्यांच्या पश्चात वृद्ध वडील असून ते शेतीमजुरी करून उदरनिर्वाह करतात. या घटनेने परिसरात हळहळ व्यक्त होत असून पोलिसांकडून पुढील तपास सुरू आहे.