నిజామాబాద్ జిల్లాలోని బోధన్ పట్టణంలో అరుణోదయ సాంస్కృతిక సమాఖ్య ఆధ్వర్యంలో మహాకవి శ్రీశ్రీకి మంగళవారం ఘనంగా నివాళులర్పించారు. బోధన్ మండలం, స్థానిక తాలూకా రైస్ మిల్ అసోసియేషన్ భవనంలో జరిగిన ఈ కార్యక్రమంలో శ్రీశ్రీ చిత్రపటానికి పూలమాలలు వేసి శ్రద్ధాంజలి ఘటించారు. ఈ సందర్భంగా అరుణోదయ సాంస్కృతిక సమాఖ్య రాష్ట్ర ఉపాధ్యక్షులు కే. గంగాధర్ మాట్లాడుతూ, శ్రీశ్రీ అప్పట్లో సమాజంలోని వాస్తవాలకు అక్షర రూపం ఇచ్చారని పేర్కొన్నారు. ఆయన పదునైన పదాలు, లోతైన భావాలతో స్వార్థపరులు, లంచగొండులు, సాటి మనిషి శ్రమను దోచుకునే దుర్మార్గులకు, సమసమాజాన్ని అంగీకరించని నీచులకు సింహస్వప్నంగా మారారని వివరించారు. పీడితులు, తాడితులు, అణగారిన వర్గాలకు మాత్రం శ్రీశ్రీ ఆప్తుడయ్యారని, దోపిడీలు, దౌర్జన్యాలు ఇకపై చెల్లవని ఆయన సవాల్ విసిరారని గంగాధర్ కొనియాడారు. గుప్పెడు అక్షరాలతో అనంతమైన భావాలు ఆయన రచనల్లో నాట్యమాడతాయని, శ్రీశ్రీ సాహిత్యానికి కన్నీటిని ఉప్పెనగా మార్చే శక్తి, శక్తిహీనులను పోరాట యోధులుగా మార్చే స్ఫూర్తి ఉందని ప్రశంసించారు. ఈ కార్యక్రమంలో పి. శంకర్, బి. సాయిలు, దేవయ్య, రమేష్, లాలయ్య, గంగాధర్, రాములు తదితరులు పాల్గొన్నారు.

RAHUL

బోధన్, నిజామాబాద్, తెలంగాణ•

16 hrs ago

నిజామాబాద్ జిల్లాలోని బోధన్ పట్టణంలో అరుణోదయ సాంస్కృతిక సమాఖ్య ఆధ్వర్యంలో మహాకవి శ్రీశ్రీకి మంగళవారం ఘనంగా నివాళులర్పించారు. బోధన్ మండలం, స్థానిక తాలూకా రైస్ మిల్ అసోసియేషన్ భవనంలో జరిగిన ఈ కార్యక్రమంలో శ్రీశ్రీ చిత్రపటానికి పూలమాలలు వేసి శ్రద్ధాంజలి ఘటించారు. ఈ సందర్భంగా అరుణోదయ సాంస్కృతిక సమాఖ్య రాష్ట్ర ఉపాధ్యక్షులు కే. గంగాధర్

మాట్లాడుతూ, శ్రీశ్రీ అప్పట్లో సమాజంలోని వాస్తవాలకు అక్షర రూపం ఇచ్చారని పేర్కొన్నారు. ఆయన పదునైన పదాలు, లోతైన భావాలతో స్వార్థపరులు, లంచగొండులు, సాటి మనిషి శ్రమను దోచుకునే దుర్మార్గులకు, సమసమాజాన్ని అంగీకరించని నీచులకు సింహస్వప్నంగా మారారని వివరించారు. పీడితులు, తాడితులు, అణగారిన వర్గాలకు మాత్రం శ్రీశ్రీ ఆప్తుడయ్యారని, దోపిడీలు, దౌర్జన్యాలు ఇకపై చెల్లవని

ఆయన సవాల్ విసిరారని గంగాధర్ కొనియాడారు. గుప్పెడు అక్షరాలతో అనంతమైన భావాలు ఆయన రచనల్లో నాట్యమాడతాయని, శ్రీశ్రీ సాహిత్యానికి కన్నీటిని ఉప్పెనగా మార్చే శక్తి, శక్తిహీనులను పోరాట యోధులుగా మార్చే స్ఫూర్తి ఉందని ప్రశంసించారు. ఈ కార్యక్రమంలో పి. శంకర్, బి. సాయిలు, దేవయ్య, రమేష్, లాలయ్య, గంగాధర్, రాములు తదితరులు పాల్గొన్నారు.