மீன்வளத்துறை அமைச்சர் ஸ்ரீநாத் இன்று சென்னை காசிமேட்டில் ஆய்வு மேற்கொண்டார். கடலில் கட்சியினருடனும் அதிகாரிகளுடனும் ஒரு விசைப்படகில் பயணம் செய்து கரைக்கு வந்த பிறகு, அவரிடம் சென்னை செங்கை சிங்காரவேலர் விசைப்படகு உரிமையாளர் சங்கத்தினர் கோரிக்கை வைத்தனர். முந்தைய அமைச்சர்கள் மீனவர்களுக்கு எதுவும் செய்யாத காரணத்தினால் தோற்கடிக்கப்பட்டார்கள் என்றும், தற்போதைய அமைச்சர் அவர்களுக்கு எவ்வளவோ மேல் என்றும் சங்கத்தினர் குறிப்பிட்டனர். சங்கத்தைச் சேர்ந்த விஜேஷ், சென்னையில் 200 குதிரைத்திறன் கொண்ட இன்ஜின்களை மட்டுமே பயன்படுத்த வேண்டும் என்று சட்டம் இருக்கும் நிலையில், இங்குள்ள சிலர் அதனைப் பின்பற்றாமல் 500 குதிரைத்திறன் கொண்ட அதிவேக இன்ஜின்களைப் பயன்படுத்தி வருவதாகக் குற்றம்சாட்டினார். இதனால் ஒரு சில விசைப்படகுகள் வைத்திருக்கும் மீனவர்களின் வாழ்வாதாரம் பாதிக்கப்படுவதாகவும், அதனை உடனடியாகவும் விரைவாகவும் சரி செய்ய வேண்டும் என்றும் அவர் வலியுறுத்தினார். இந்த குற்றச்சாட்டுக்களை கேட்ட அமைச்சர் ஸ்ரீநாத், அதற்கான நடவடிக்கை மேற்கொள்ளப்படும் என உறுதியளித்தார். பின்னர் செய்தியாளர்களிடம் பேசிய விஜேஷ், சென்னையில் தடை செய்யப்பட்ட அதிவேக இன்ஜின்களைப் பயன்படுத்தி வருபவர்களை உடனடியாகக் கண்டறிந்து சரி செய்ய வேண்டும் என்று தாங்கள் சார்பில் கோரிக்கை வைத்ததாகத் தெரிவித்தார். கடந்த 15 ஆண்டுகளாக மீன்வளத் துறையில் அமைச்சர்களாக இருந்த ஜெயக்குமார், அனிதா ராதாகிருஷ்ணன் உட்பட யாரும் மீனவர்களின் நலனை கருத்தில் கொள்ளாமல் ஏமாற்றியதாகவும், அதற்கு பரிசாகவே மக்கள் அவர்களை தோற்கடித்ததாகவும் அவர் கூறினார். முன்பிருந்த அமைச்சர்களைப் பார்ப்பதற்கே பல கஷ்டங்கள் இருந்ததாகவும், குறைகளைக் கேட்டால் செவிமடுத்துக் கேட்கும் தற்போதைய அமைச்சர் ஸ்ரீநாத் அவர்களுக்கு எவ்வளவோ பரவாயில்லை என்றும் விஜேஷ் புகழாரம் சூட்டினார். இத்துறை சார்ந்து நிறைய நடப்பதாகவும், அதை சரி செய்ய வேண்டும் என்றும் அமைச்சரிடம் கோரிக்கை விடுக்கப்பட்டது.

Mohan

தண்டையார்பேட்டை, சென்னை, தமிழ்நாடு•

5 hrs ago

மீன்வளத்துறை அமைச்சர் ஸ்ரீநாத் இன்று சென்னை காசிமேட்டில் ஆய்வு மேற்கொண்டார். கடலில் கட்சியினருடனும் அதிகாரிகளுடனும் ஒரு விசைப்படகில் பயணம் செய்து கரைக்கு வந்த பிறகு, அவரிடம் சென்னை செங்கை சிங்காரவேலர் விசைப்படகு உரிமையாளர் சங்கத்தினர் கோரிக்கை வைத்தனர். முந்தைய அமைச்சர்கள் மீனவர்களுக்கு எதுவும் செய்யாத காரணத்தினால் தோற்கடிக்கப்பட்டார்கள் என்றும், தற்போதைய அமைச்சர் அவர்களுக்கு எவ்வளவோ மேல் என்றும் சங்கத்தினர் குறிப்பிட்டனர். சங்கத்தைச் சேர்ந்த விஜேஷ், சென்னையில் 200 குதிரைத்திறன் கொண்ட இன்ஜின்களை மட்டுமே பயன்படுத்த வேண்டும் என்று சட்டம் இருக்கும் நிலையில், இங்குள்ள சிலர் அதனைப் பின்பற்றாமல் 500 குதிரைத்திறன் கொண்ட அதிவேக இன்ஜின்களைப் பயன்படுத்தி வருவதாகக் குற்றம்சாட்டினார். இதனால் ஒரு சில விசைப்படகுகள் வைத்திருக்கும் மீனவர்களின் வாழ்வாதாரம் பாதிக்கப்படுவதாகவும், அதனை உடனடியாகவும் விரைவாகவும் சரி செய்ய வேண்டும் என்றும் அவர் வலியுறுத்தினார். இந்த

குற்றச்சாட்டுக்களை கேட்ட அமைச்சர் ஸ்ரீநாத், அதற்கான நடவடிக்கை மேற்கொள்ளப்படும் என உறுதியளித்தார். பின்னர் செய்தியாளர்களிடம் பேசிய விஜேஷ், சென்னையில் தடை செய்யப்பட்ட அதிவேக இன்ஜின்களைப் பயன்படுத்தி வருபவர்களை உடனடியாகக் கண்டறிந்து சரி செய்ய வேண்டும் என்று தாங்கள் சார்பில் கோரிக்கை வைத்ததாகத் தெரிவித்தார். கடந்த 15 ஆண்டுகளாக மீன்வளத் துறையில் அமைச்சர்களாக இருந்த ஜெயக்குமார், அனிதா ராதாகிருஷ்ணன் உட்பட யாரும் மீனவர்களின் நலனை கருத்தில் கொள்ளாமல் ஏமாற்றியதாகவும், அதற்கு பரிசாகவே மக்கள் அவர்களை தோற்கடித்ததாகவும் அவர் கூறினார். முன்பிருந்த அமைச்சர்களைப் பார்ப்பதற்கே பல கஷ்டங்கள் இருந்ததாகவும், குறைகளைக் கேட்டால் செவிமடுத்துக் கேட்கும் தற்போதைய அமைச்சர் ஸ்ரீநாத் அவர்களுக்கு எவ்வளவோ பரவாயில்லை என்றும் விஜேஷ் புகழாரம் சூட்டினார். இத்துறை சார்ந்து நிறைய நடப்பதாகவும், அதை சரி செய்ய வேண்டும் என்றும் அமைச்சரிடம் கோரிக்கை விடுக்கப்பட்டது.