ବରିଷ୍ଠ ଲାଇନମ୍ୟାନ ସନ୍ୟାସୀ ମୁର୍ମୁଙ୍କ ଅବସରକାଳୀନ ବିଦାୟ ସମ୍ବର୍ଦ୍ଧନା ସଭା ଅନୁଷ୍ଠିତ କରଞ୍ଜିଆ,୧/୮ (ପାର୍ଥ ପ୍ରଶନ୍ନ ମିଶ୍ର): କରଞ୍ଜିଆ ବିଦ୍ୟୁତ ବିଭାଗ ସେକ୍ସନ–୨ରେ କାର୍ଯ୍ୟରତ ବରିଷ୍ଠ ଲାଇନମ୍ୟାନ ‘ଏ’ ସନ୍ୟାସୀ ମୁର୍ମୁଙ୍କ ଅବସର ଉପଲକ୍ଷେ ରାଇରଙ୍ଗପୁର ନିର୍ବାହୀ ଯନ୍ତ୍ରୀଙ୍କ କାର୍ଯ୍ୟାଳୟ ପରିସରରେ ଏକ ସାଦର ବିଦାୟ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା। ନିର୍ବାହୀ ଯନ୍ତ୍ରୀ ଇଂ. ଆଶୁତୋଷ ପଣ୍ଡାଙ୍କ ସଭାପତିତ୍ୱରେ ଆୟୋଜିତ ଏହି ସଭାରେ ଡେପୁଟି ମ୍ୟାନେଜର (କମର୍ସ) ଶ୍ରୀ ଚିତ୍ତରଞ୍ଜନ ମହାପାତ୍ର, ସହକାରୀ ଯନ୍ତ୍ରୀ ଇଂ. ଏମ୍. ପ୍ରସାଦ ରାଓ, କନିଷ୍ଠ ଯନ୍ତ୍ରୀ ଇଂ. ଅଜିତ କୁମାର ସାମଲଙ୍କ ସମେତ ବହୁ କର୍ମଚାରୀ ଉପସ୍ଥିତ ଥିଲେ। ବକ୍ତାମାନେ ଶ୍ରୀ ମୁର୍ମୁଙ୍କ ଦୀର୍ଘ କର୍ମଜୀବନ, କର୍ତ୍ତବ୍ୟନିଷ୍ଠା, ସମୟାନୁବର୍ତ୍ତିତା ଓ ବିଦ୍ୟୁତ ବିଭାଗ ପ୍ରତି ତାଙ୍କର ଉତ୍ସର୍ଗୀକୃତ ସେବାଭାବର ଉଚ୍ଚ ପ୍ରଶଂସା କରିଥିଲେ। ସେମାନେ କହିଥିଲେ ଯେ, ତାଙ୍କର କାର୍ଯ୍ୟଶୈଳୀ ଓ ନିଷ୍ଠା ଆଗାମୀ ପିଢ଼ିର କର୍ମଚାରୀଙ୍କ ପାଇଁ ପ୍ରେରଣାଦାୟକ ହୋଇ ରହିବ। ଶ୍ରୀ ମୁର୍ମୁ ୧୯୮୧ ମସିହାରେ ବିଦ୍ୟୁତ ବିଭାଗରେ ଏନ୍.ଏମ୍.ଆର୍. ଭାବେ ନିଜ କାର୍ଯ୍ୟଜୀବନ ଆରମ୍ଭ କରିଥିଲେ। ପରବର୍ତ୍ତୀ ସମୟରେ ୧୯୯୫ ମସିହାରେ ହେଲ୍ପର ପଦବୀରେ ନିୟମିତ ନିଯୁକ୍ତି ପାଇ ନିଷ୍ଠାର ସହ କାର୍ଯ୍ୟ କରିଥିଲେ। ଦୀର୍ଘ ୪୫ ବର୍ଷର ସଫଳ ସେବା ପରେ ସେ ୩୧ ଜୁଲାଇ ୨୦୨୬ ତାରିଖରେ ଲାଇନମ୍ୟାନ ‘ଏ’ ପଦବୀରୁ ଅବସର ଗ୍ରହଣ କରିଥିଲେ। ଏହି ଅବସରରେ ଶ୍ରୀ ମୁର୍ମୁଙ୍କୁ ପୁଷ୍ପଗୁଚ୍ଛ, ମାନପତ୍ର ଓ ସ୍ମାରକ ଉପହାର ପ୍ରଦାନ କରାଯାଇଥିଲା। ଉପସ୍ଥିତ ଅଧିକାରୀ ଓ କର୍ମଚାରୀମାନେ ତାଙ୍କର ସୁସ୍ୱାସ୍ଥ୍ୟ, ଦୀର୍ଘାୟୁ ଏବଂ ସୁଖମୟ ଅବସର ଜୀବନ କାମନା କରିଥିଲେ। ସଭା ଶେଷରେ ସିମନ୍ତ ରଶ୍ମି ପତି ଧନ୍ୟବାଦ ଅର୍ପଣ କରିଥିଲେ।

Partha Prasanna Mishra

ସାମ୍ବାଦିକ Karanjia, Mayurbhanj•

1 hr ago

ବରିଷ୍ଠ ଲାଇନମ୍ୟାନ ସନ୍ୟାସୀ ମୁର୍ମୁଙ୍କ ଅବସରକାଳୀନ ବିଦାୟ ସମ୍ବର୍ଦ୍ଧନା ସଭା ଅନୁଷ୍ଠିତ କରଞ୍ଜିଆ,୧/୮ (ପାର୍ଥ ପ୍ରଶନ୍ନ ମିଶ୍ର): କରଞ୍ଜିଆ ବିଦ୍ୟୁତ ବିଭାଗ ସେକ୍ସନ–୨ରେ କାର୍ଯ୍ୟରତ ବରିଷ୍ଠ ଲାଇନମ୍ୟାନ ‘ଏ’ ସନ୍ୟାସୀ ମୁର୍ମୁଙ୍କ ଅବସର ଉପଲକ୍ଷେ ରାଇରଙ୍ଗପୁର ନିର୍ବାହୀ ଯନ୍ତ୍ରୀଙ୍କ କାର୍ଯ୍ୟାଳୟ ପରିସରରେ ଏକ ସାଦର ବିଦାୟ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା। ନିର୍ବାହୀ ଯନ୍ତ୍ରୀ ଇଂ. ଆଶୁତୋଷ ପଣ୍ଡାଙ୍କ ସଭାପତିତ୍ୱରେ ଆୟୋଜିତ ଏହି ସଭାରେ ଡେପୁଟି ମ୍ୟାନେଜର (କମର୍ସ) ଶ୍ରୀ ଚିତ୍ତରଞ୍ଜନ ମହାପାତ୍ର, ସହକାରୀ ଯନ୍ତ୍ରୀ ଇଂ. ଏମ୍. ପ୍ରସାଦ ରାଓ, କନିଷ୍ଠ ଯନ୍ତ୍ରୀ ଇଂ. ଅଜିତ କୁମାର ସାମଲଙ୍କ ସମେତ ବହୁ କର୍ମଚାରୀ ଉପସ୍ଥିତ ଥିଲେ। ବକ୍ତାମାନେ ଶ୍ରୀ ମୁର୍ମୁଙ୍କ ଦୀର୍ଘ କର୍ମଜୀବନ, କର୍ତ୍ତବ୍ୟନିଷ୍ଠା, ସମୟାନୁବର୍ତ୍ତିତା ଓ ବିଦ୍ୟୁତ ବିଭାଗ ପ୍ରତି ତାଙ୍କର ଉତ୍ସର୍ଗୀକୃତ ସେବାଭାବର ଉଚ୍ଚ ପ୍ରଶଂସା କରିଥିଲେ। ସେମାନେ କହିଥିଲେ ଯେ, ତାଙ୍କର କାର୍ଯ୍ୟଶୈଳୀ ଓ ନିଷ୍ଠା ଆଗାମୀ ପିଢ଼ିର କର୍ମଚାରୀଙ୍କ ପାଇଁ ପ୍ରେରଣାଦାୟକ ହୋଇ ରହିବ। ଶ୍ରୀ ମୁର୍ମୁ ୧୯୮୧ ମସିହାରେ ବିଦ୍ୟୁତ ବିଭାଗରେ ଏନ୍.ଏମ୍.ଆର୍. ଭାବେ ନିଜ କାର୍ଯ୍ୟଜୀବନ ଆରମ୍ଭ କରିଥିଲେ। ପରବର୍ତ୍ତୀ ସମୟରେ ୧୯୯୫ ମସିହାରେ ହେଲ୍ପର ପଦବୀରେ ନିୟମିତ ନିଯୁକ୍ତି ପାଇ ନିଷ୍ଠାର ସହ କାର୍ଯ୍ୟ କରିଥିଲେ। ଦୀର୍ଘ ୪୫ ବର୍ଷର ସଫଳ ସେବା ପରେ ସେ ୩୧ ଜୁଲାଇ ୨୦୨୬ ତାରିଖରେ ଲାଇନମ୍ୟାନ ‘ଏ’ ପଦବୀରୁ ଅବସର ଗ୍ରହଣ କରିଥିଲେ। ଏହି ଅବସରରେ ଶ୍ରୀ ମୁର୍ମୁଙ୍କୁ ପୁଷ୍ପଗୁଚ୍ଛ, ମାନପତ୍ର ଓ ସ୍ମାରକ ଉପହାର ପ୍ରଦାନ କରାଯାଇଥିଲା। ଉପସ୍ଥିତ ଅଧିକାରୀ ଓ କର୍ମଚାରୀମାନେ ତାଙ୍କର ସୁସ୍ୱାସ୍ଥ୍ୟ, ଦୀର୍ଘାୟୁ ଏବଂ ସୁଖମୟ ଅବସର ଜୀବନ କାମନା କରିଥିଲେ। ସଭା ଶେଷରେ ସିମନ୍ତ ରଶ୍ମି ପତି ଧନ୍ୟବାଦ ଅର୍ପଣ କରିଥିଲେ।