સુરેન્દ્રનગર જિલ્લામાં બજાણા પોલીસ સ્ટેશનની હદમાં આવેલા કચોલીયા ગામની સીમમાંથી ઇંગ્લીશ દારૂનો જથ્થો ઝડપાયો છે.

સુરેન્દ્રનગર જિલ્લામાં બજાણા પોલીસ સ્ટેશનની હદમાં આવેલા કચોલીયા ગામની સીમમાંથી ઇંગ્લીશ દારૂનો જથ્થો ઝડપાયો છે.

લીંબડી પોલીસે ભલગામડા ગામે પરા વિસ્તારમાં ચાલતા જુગાર પર દરોડો પાડી 14 લોકોને ઝડપી પાડ્યા છે. પોલીસે તેમની પાસેથી ₹32,62,270નો મુદ્દામાલ જપ્ત કર્યો હતો, જેમાં રોકડ રકમ, મોબાઈલ ફોન અને વાહનોનો સમાવેશ થાય છે. આ કાર્યવાહી સુરેન્દ્રનગર જિલ્લા પોલીસ વડા પ્રેમસુખ ડેલુના માર્ગદર્શન હેઠળ, અને લીંબડીના ઇન્ચાર્જ નાયબ પોલીસ અધિક્ષક પાર્થ પરમારની સૂચનાથી કરવામાં આવી હતી. લીંબડી પોલીસ ઇન્સ્પેક્ટર જી.બી. પરમારને મળેલી ખાનગી બાતમીના આધારે, પોલીસ ઇન્સ્પેક્ટર જી.બી. પરમાર, પોલીસ સબ ઇન્સ્પેક્ટર વી.એમ. કોડિયાતર અને પોલીસ સબ ઇન્સ્પેક્ટર એમ.એમ. બારૈયા સહિતનો પોલીસ સ્ટાફ પેટ્રોલીંગમાં હતો ત્યારે ભલગામડા ગામે પરા વિસ્તારમાં આવેલી ઉતારાની ઓરડીમાં ગંજીપાનાનો જુગાર રમાતો હોવાની હકીકત સામે આવી હતી. પોલીસે રેડ દરમિયાન ₹52,270 રોકડા, ₹1,60,000ની કિંમતના 14 મોબાઈલ ફોન અને ₹30,50,000ની કિંમતના 4 વાહનો સહિત કુલ ₹32,62,270નો મુદ્દામાલ કબજે કર્યો હતો. પોલીસે પકડાયેલા તમામ 14 લોકો સામે જુગારધારા મુજબનો ગુન્હો નોંધીને તેમની ધોરણસરની અટકાયત કરી છે અને આગળની કાયદેસરની કાર્યવાહી હાથ ધરી છે.

મોરબી જિલ્લાના માળીયા મિયાણા નજીક હાઈવે પર આવેલા ઓનેસ્ટ હોટેલમાં ગ્રાહક અને સ્ટાફ વચ્ચે થયેલી લડાઈનો એક વીડિયો સોશિયલ મીડિયા પર વાયરલ થયો છે. આ લડાઈ કયા કારણોસર થઈ તે અંગેની સ્પષ્ટ માહિતી ઉપલબ્ધ નથી, પરંતુ કોઈક બાબતને લઈને બંને પક્ષો વચ્ચે બોલાચાલી થયા બાદ મામલો મારામારી સુધી પહોંચ્યો હોવાનું વીડિયોમાં જોવા મળે છે.

અમદાવાદ જિલ્લાના ધંધુકા તાલુકાના ધંધુકા શહેરી વિસ્તારમાં સ્થિત વિમલમાતા સ્કૂલ ખાતે આગામી ચોમાસાની ઋતુ દરમિયાન મચ્છરજન્ય રોગચાળો ફેલાતો અટકાવવા માટે એક જનજાગૃતિ કાર્યક્રમનું આયોજન કરવામાં આવ્યું હતું. આ કાર્યક્રમ દરમિયાન વિદ્યાર્થીઓને મેલેરિયા, ડેન્ગ્યુ અને ચિકનગુનિયા જેવા વાહકજન્ય રોગો અંગે વિસ્તૃત માહિતી આપવામાં આવી હતી. મચ્છરના જીવનચક્ર વિશે સમજણ આપવાની સાથે, ઘર અને આસપાસના વિસ્તારમાં પાણી ભરાઈ ન રહે તેની તકેદારી રાખવા, સ્વચ્છતા જાળવવા અને મચ્છરના પ્રજનન સ્થળોનો નાશ કરવા અંગે માર્ગદર્શન પૂરું પાડવામાં આવ્યું હતું. આ ઉપરાંત, વિદ્યાર્થીઓને પોતાના પરિવાર અને સમાજમાં પણ મચ્છરજન્ય રોગો અંગે જાગૃતિ ફેલાવવા અપીલ કરવામાં આવી હતી. આ કાર્યક્રમ દ્વારા ચોમાસા દરમિયાન રોગચાળો અટકાવવા માટે સ્વચ્છતા અને સાવચેતીના સંદેશને લોકો સુધી વધુ અસરકારક રીતે પહોંચાડવાનો પ્રયાસ કરાયો હતો.

જેતપર ડાયરા દરમિયાન હકાભા ગઢવીએ નેતાગીરીના માર્ગ અંગે એક સનસનીખેજ ટિપ્પણી કરી હતી. તેમણે સ્પષ્ટપણે જણાવ્યું હતું કે નેતા બનવા માટે વ્યક્તિએ ખૂબ ખોટું બોલવું પડે છે.

બોટાદમાં ટાઉન પોલીસ સ્ટેશન ખાતે શાંતિ સમિતિની એક બેઠકનું આયોજન કરવામાં આવ્યું હતું.

નિવૃત્ત આર્મીમેન અને પીએસઆઈ હયાતખાન મલેકને રાષ્ટ્રીય સન્માન સાથે અંતિમ વિદાય આપવામાં આવી છે. તેમની વિદાયથી ખેરવા ગામ સહિત જતવાડ પંથકમાં શોકની ગમગીન લાગણી છવાઈ ગઈ છે.

આજે સવારે ધ્રાંગધ્રા તાલુકાના સોલડી ગામ નજીક આવેલા હાઈવે પર સનરાઈઝ સ્કૂલની GJ.05.Z.1833 નંબરની બસ અને એક પીકઅપ બોલેરો વચ્ચે ગંભીર અકસ્માત સર્જાતા અરેરાટી વ્યાપી ગઈ હતી. આ અકસ્માત સમયે બસમાં સ્કૂલના વિદ્યાર્થીઓ સવાર હતા અને આ ઘટનામાં 10થી વધુ વિદ્યાર્થીઓ ઈજાગ્રસ્ત થયા હતા.