Shuru
Apke Nagar Ki App…
મહીસાગર લોકલ ક્રાઈમ બ્રાન્ચ (LCB) એ વીરપુર પોલીસ સ્ટેશનના પ્રોહિબિશન ગુનામાં લાંબા સમયથી ફરાર આરોપી મહેશભાઈ જેશાભાઈ ડામોરને ઝડપી પાડ્યો છે. આ કાર્યવાહી પંચમહાલ ગોધરા રેન્જના નાયબ પોલીસ મહાનિરીક્ષક શ્રી વિધિ ચૌધરી સાહેબ અને મહીસાગર જિલ્લા પોલીસ અધિક્ષક શ્રી સફીન હસન સાહેબ દ્વારા નાસતા-ફરતા આરોપીઓને પકડવા માટે આયોજિત કરાયેલી વિશેષ ડ્રાઇવના ભાગરૂપે કરવામાં આવી હતી. આ ડ્રાઇવના અનુસંધાને, LCB પોલીસ ઇન્સ્પેક્ટર શ્રી એમ.કે. ખાંટ સાહેબના માર્ગદર્શન હેઠળ આરોપીઓને ઝડપી પાડવા LCB સ્ટાફની અલગ અલગ ટીમો બનાવવામાં આવી હતી. તે દરમિયાન, આ.હે.કો. મહિપાલસિંહ ઉમેદસિંહ અને અ.પો.કો. નિરવકુમાર રમેશભાઇને સંયુક્ત બાતમી મળી હતી કે વીરપુર પો.સ્ટે. ગુ.ર.નં. ૧૧૧૮૭૦૦૮૨૬૦૧૩૪/૨૦૨૬ હેઠળ પ્રોહિબિશન કલમ ૬૫(એ)(ઇ), ૮૧, ૯૮(૨), ૧૧૬(બી) તથા બી.એન.એસ. કલમ ૩૩૬(૨)(૩), ૩૪૦(૨) મુજબના ગુનામાં ફરાર આરોપી મહેશભાઈ જેશાભાઈ ડામોર, જે સુરદેવી (રામગઢી), તા. મેઘરજ, જિ. અરવલ્લીનો રહેવાસી છે, તે હાલ તેના ઘરે હાજર છે. આ ચોક્કસ બાતમીના આધારે, LCB સ્ટાફના માણસોએ આરોપીના ઘરે જઈ તપાસ કરતા તેને શોધી કાઢ્યો હતો. આરોપીને તાત્કાલિક ઝડપી પાડી હસ્તગત કરવામાં આવ્યો અને આગળની કાયદેસરની કાર્યવાહી માટે વીરપુર પોલીસ સ્ટેશનને સોંપવામાં આવ્યો છે.
DILIPBHAI BARIA
મહીસાગર લોકલ ક્રાઈમ બ્રાન્ચ (LCB) એ વીરપુર પોલીસ સ્ટેશનના પ્રોહિબિશન ગુનામાં લાંબા સમયથી ફરાર આરોપી મહેશભાઈ જેશાભાઈ ડામોરને ઝડપી પાડ્યો છે. આ કાર્યવાહી પંચમહાલ ગોધરા રેન્જના નાયબ પોલીસ મહાનિરીક્ષક શ્રી વિધિ ચૌધરી સાહેબ અને મહીસાગર જિલ્લા પોલીસ અધિક્ષક શ્રી સફીન હસન સાહેબ દ્વારા નાસતા-ફરતા આરોપીઓને પકડવા માટે આયોજિત કરાયેલી વિશેષ ડ્રાઇવના ભાગરૂપે કરવામાં આવી હતી. આ ડ્રાઇવના અનુસંધાને, LCB પોલીસ ઇન્સ્પેક્ટર શ્રી એમ.કે. ખાંટ સાહેબના માર્ગદર્શન હેઠળ આરોપીઓને ઝડપી પાડવા LCB સ્ટાફની અલગ અલગ ટીમો બનાવવામાં આવી હતી. તે દરમિયાન, આ.હે.કો. મહિપાલસિંહ ઉમેદસિંહ અને અ.પો.કો. નિરવકુમાર રમેશભાઇને સંયુક્ત બાતમી મળી હતી કે વીરપુર પો.સ્ટે. ગુ.ર.નં. ૧૧૧૮૭૦૦૮૨૬૦૧૩૪/૨૦૨૬ હેઠળ પ્રોહિબિશન કલમ ૬૫(એ)(ઇ), ૮૧, ૯૮(૨), ૧૧૬(બી) તથા બી.એન.એસ. કલમ ૩૩૬(૨)(૩), ૩૪૦(૨) મુજબના ગુનામાં ફરાર આરોપી મહેશભાઈ જેશાભાઈ ડામોર, જે સુરદેવી (રામગઢી), તા. મેઘરજ, જિ. અરવલ્લીનો રહેવાસી છે, તે હાલ તેના ઘરે હાજર છે. આ ચોક્કસ બાતમીના આધારે, LCB સ્ટાફના માણસોએ આરોપીના ઘરે જઈ તપાસ કરતા તેને શોધી કાઢ્યો હતો. આરોપીને તાત્કાલિક ઝડપી પાડી હસ્તગત કરવામાં આવ્યો અને આગળની કાયદેસરની કાર્યવાહી માટે વીરપુર પોલીસ સ્ટેશનને સોંપવામાં આવ્યો છે.
More news from ગુજરાત and nearby areas
- મોડાસા શહેરની શૈખુલહિન્દનગર પ્રાથમિક શાળામાં કન્યા કેળવણી અને શાળા પ્રવેશોત્સવની ભવ્ય ઉજવણી કરવામાં આવી હતી. આ શાળા પ્રવેશોત્સવના અવસરે, જનાબ મો. યુસુફ આઈ. ટાઢા દ્વારા શાળાને ૨૫૦ નંગ કપડાંનું ઉદાર દાન અર્પણ કરવામાં આવ્યું હતું.1Arvalli city news
- અરવલ્લી જિલ્લાના માલપુર તાલુકાના ગોવિંદપુર ગામે જમીન વિવાદના કારણે મારામારી અને ધમકીનો બનાવ બન્યો છે. ગોવિંદભાઈ નાનાભાઈ પટેલે નોંધાવેલી ફરિયાદ મુજબ, તેમની માલિકીની સર્વે નં. ૨૧૨ (ક) ની જમીનમાં આરોપીઓએ ટ્રેક્ટર લઈને ગેરકાયદેસર પ્રવેશ કરી જમીન ખેડી નાખી નુકસાન પહોંચાડ્યું હતું. આ વિવાદ રેવન્યુ રેકોર્ડની ભૂલને કારણે સર્વે નં. ૧૪૨ અને ૨૧૨ (ક) વચ્ચેના ઓવરલેપને લઈને ચાલી રહ્યો હતો, જેના કારણે આરોપીઓ અગાઉથી તકરાર કરતા હતા. ૨૧ જૂનના રોજ બપોરે ગોવિંદભાઈ ખેતરે પહોંચ્યા ત્યારે વિક્રમભાઈ નાનાભાઈ મકવાણા ટ્રેક્ટરથી જમીન ખેડી રહ્યા હતા. તે સમયે ચેતનકુમાર નાનાભાઈ મકવાણા, કિરણભાઈ બાબુભાઈ મકવાણા અને નવીનભાઈ બાબુભાઈ મકવાણા પણ ત્યાં હાજર હતા. ફરિયાદમાં આક્ષેપ છે કે ગોવિંદભાઈએ વિરોધ કરતાં ચારેય આરોપીઓએ અશ્લીલ ગાળો બોલી ધક્કામુક્કી કરી અને જાનથી મારી નાખવાની ધમકી આપી હતી. ઘટનાસ્થળે હાજર અશોકભાઈ શિવાભાઈ પટેલ અને વિષ્ણુભાઈ નાનાભાઈ પટેલે વચ્ચે પડતાં તેમને પણ ધમકીઓ આપવામાં આવી હતી. ત્યારબાદ ૧૧૨ કંટ્રોલ રૂમમાં જાણ કરાતા આરોપીઓ સ્થળ પરથી ફરાર થઈ ગયા હતા. આ મામલે ચારેય આરોપીઓ વિરુદ્ધ ગેરકાયદેસર પ્રવેશ, નુકસાન પહોંચાડવું, ગાળાગાળી, ધમકી અને મદદગારી સહિતની કલમો હેઠળ માલપુર પોલીસ સ્ટેશનમાં ગુનો નોંધી વધુ તપાસ હાથ ધરવામાં આવી છે.3Patel Hitendra M
- અરવલ્લી જિલ્લાના વડાગામમાં લુખ્ખા તત્વોનો આતંક જોવા મળી રહ્યો છે. આ ઘટનામાં એક હોટલ માલિકના પુત્ર પર જીવલેણ હુમલો કરવામાં આવ્યો છે. હુમલામાં ઇજાગ્ર્રસ્ત થયેલા યુવકને તાત્કાલિક સારવાર માટે ખસેડવામાં આવ્યો છે.1Jaydip bhatiya
- બોરસદ ટાઉન પોલીસે એક મોટી કાર્યવાહી હાથ ધરી છે, જેમાં ઈંગ્લીશ દારૂ ભરેલી એક પિકઅપ ગાડી સાથે મુદ્દામાલ ઝડપી પાડવામાં આવ્યો છે.1Rathod Sandip sinh
- હાલોલ નગરમાં મોહરમ પર્વને લઈ છેલ્લા ઘણા દિવસોથી તડામાર તૈયારીઓ ચાલી રહી છે, જ્યાં મુસ્લિમ બિરાદરો દ્વારા કલાત્મક તાજીયા શણગારવામાં આવી રહ્યા છે. આગામી શુક્રવાર, ૨૬ જૂનના રોજ મોહરમ પર્વની ભવ્ય ઉજવણી કરવામાં આવશે. હિજરી સંવત મુજબ, મોહરમ ઇસ્લામનો પ્રથમ માસ છે, અને આ પર્વ ઇસ્લામ ધર્મના સ્થાપક પેગંબર હજરત મોહમદ સાહેબના દોહિત્ર પુત્ર ઇમામ હુસેનની શહાદતની યાદમાં ઉજવવામાં આવે છે. ઇમામ હુસેનની યાદમાં નગરની મસ્જિદોમાં જીક્ર શરીફ અને મિલાદ શરીફના કાર્યક્રમો પણ યોજાઈ રહ્યા છે, જેને લઈ નગરમાં ઠેર ઠેર તડામાર તૈયારીઓ ચાલી રહી છે. ઉજવણીના ભાગરૂપે, આગામી શુક્રવાર, ૨૬ જૂનના રોજ બપોરે નગરના હુસેની ચોક કસ્બા ખાતેથી હાલોલ નગરના તમામ તાજીયા એકત્રિત થઈ એક ભવ્ય ઝુલુસ નીકળશે. આ ઝુલુસનું સમાપન કાદરી મોહલ્લા ખોખર ફળિયા ખાતે કરવામાં આવશે. ત્યારબાદ, કાદરી મોહલ્લા દ્વારા નિયાઝનું ભવ્ય આયોજન કરવામાં આવ્યું છે, જેમાં મોટી સંખ્યામાં મુસ્લિમ બિરાદરો ઉમટશે. છેલ્લા બે દિવસથી નગરના વિવિધ તાજીયાનું આગમન થતાં મુસ્લિમ બિરાદરોમાં ભારે ઉત્સાહ જોવા મળી રહ્યો છે, અને નગરના મુસ્લિમ વિસ્તારોમાં રોશનીનો શણગાર પણ કરવામાં આવ્યો છે.1Jasmin B Shah
- આમ આદમી પાર્ટી (AAP) ના ડેડીયાપાડાના ધારાસભ્ય ચૈતર વસાવા અને તેમની પત્ની સહિત કુલ 9 લોકોને વર્ષ 2023ના ફોરેસ્ટ ઓફિસર સાથેની ઝપાઝપી અને કથિત હુમલાના કેસમાં કોર્ટે 7 વર્ષની જેલની સજા ફટકારી છે. આ ચુકાદા પર છોટાઉદેપુર AAP ના જાણીતા આદિવાસી નેતા વિનુ રાઠવાએ ભાજપ સરકાર અને તંત્ર પર આકરા પ્રહારો કર્યા છે. તેમની આ પ્રતિક્રિયા બાદ રાજ્યનું રાજકારણ ગરમાયું છે.1E Kranti News
- આજે, મંગળવાર, તારીખ 23/06/2026 ના રોજ બપોરના 12 વાગ્યા સુધીમાં, ફતેપુરા તાલુકાના પાટવેલ ગામે પાટવેલ ગ્રુપ ગ્રામ પંચાયતના નવા ભવનનું ખાતમુહૂર્ત રાજ્ય મંત્રી રમેશ કટારાના હસ્તે કરવામાં આવ્યું હતું. આ નવું પંચાયત ભવન ગ્રામીણ વિકાસ અને જનસુવિધાઓને વધુ મજબૂત બનાવવાની દિશામાં એક મહત્વપૂર્ણ પગલું સાબિત થશે. અંદાજે 25 લાખ રૂપિયાના ખર્ચે નિર્માણ પામનાર આ આધુનિક પંચાયત ભવનમાં ગ્રામજનોને વિવિધ સરકારી સેવાઓ એક જ સ્થળે સરળતાથી અને સુલભ રીતે મળી રહેશે. નવા ભવનના નિર્માણથી ગ્રામ પંચાયતની કામગીરી વધુ અસરકારક બનશે, જેનાથી લોકોને ઝડપી સેવાઓ ઉપલબ્ધ થશે. આ પ્રસંગે મંત્રીએ જણાવ્યું હતું કે સરકાર વિકાસના કાર્યો અને કલ્યાણકારી યોજનાઓનો લાભ છેવાડાના નાગરિકો સુધી પહોંચાડવા માટે પ્રતિબદ્ધ છે અને ગામડાઓના સર્વાંગી વિકાસ માટે સતત કામગીરી કરી રહી છે. કાર્યક્રમ દરમિયાન સ્થાનિક આગેવાનો, ગ્રામ પંચાયતના પ્રતિનિધિઓ અને મોટી સંખ્યામાં ગ્રામજનો ઉપસ્થિત રહ્યા હતા.1Saurabh Gelot
- મોડાસાની મદની હાઈસ્કૂલમાં શાળા પ્રવેશોત્સવની ઉત્સાહભેર ઉજવણી કરવામાં આવી હતી. આ પ્રસંગે ટ્રસ્ટ દ્વારા વિદ્યાર્થીઓને બસ, બેગ, કપડાં અને નોટબુક જેવી વિવિધ સુવિધાઓનું દાન કરવામાં આવ્યું હતું, જેનાથી શાળા પ્રવેશોત્સવનું આયોજન વધુ ભવ્ય અને વિદ્યાર્થીઓ માટે લાભદાયી બન્યું.1Arvalli city news
- અરવલ્લી જિલ્લામાં આરોગ્ય સેવાનો પાયો ગણાતી આશા બહેનોને છેલ્લા છ મહિનાથી બાકી રહેલા ઇન્સેન્ટિવ અને માનદ વેતનની ચુકવણી ન થતા પોતાના હક માંગવા રસ્તા પર ઉતરવાની ફરજ પડી છે. જિલ્લા વિકાસ અધિકારી કચેરી આગળ આક્રોશિત આશા બહેનોએ ભારે સૂત્રોચ્ચાર સાથે ઉગ્ર વિરોધ પ્રદર્શન નોંધાવ્યું હતું. આશા વર્કરોએ જણાવ્યું કે તેઓ HBYC, HBNC, PMMVY, PMJAY, ABHA સહિત આરોગ્ય વિભાગની અનેક મહત્વપૂર્ણ યોજનાઓમાં સતત મેદાનમાં રહીને કામગીરી કરે છે. તેઓ ગર્ભવતી મહિલાઓથી લઈને નવજાત બાળકોની સંભાળ, રસીકરણ અને વિવિધ આરોગ્ય અભિયાનોમાં ખડેપગે સેવા આપે છે, છતાં તેમના મહેનતના નાણાં મહિનાઓથી અટવાયેલા છે. આશા બહેનોનો આક્ષેપ છે કે ઇન્સેન્ટિવના 50 ટકા, ટોપ અપ, વર્ષ 2023થી PMMVYનું ચૂકવણું તેમજ ઓક્ટોબર 2025થી સી-બેક યોજના હેઠળની રકમ હજુ સુધી ચૂકવાઈ નથી. આ ઉપરાંત, માર્ચ મહિનાથી માનદ વેતન પણ મળ્યું નથી, જેના કારણે અનેક પરિવારો ગંભીર આર્થિક સંકટનો સામનો કરી રહ્યા છે. આક્રોશિત આશા બહેનોએ સરકાર અને આરોગ્ય વિભાગને સ્પષ્ટ શબ્દોમાં ચેતવણી આપી છે કે જો તાત્કાલિક બાકી ચૂકવણાં નહીં કરવામાં આવે તો આગામી પોલિયો અભિયાન સહિતની તમામ આરોગ્ય યોજનાઓમાં તેઓ કામગીરીથી દૂર રહેશે, જેની સંપૂર્ણ જવાબદારી સરકાર અને આરોગ્ય તંત્રની રહેશે. તેમણે જિલ્લા મુખ્ય આરોગ્ય અધિકારી, તાલુકા આરોગ્ય અધિકારી અને સંબંધિત અધિકારીઓને લેખિત આવેદનપત્ર પાઠવી તાત્કાલિક તમામ બાકી રકમ ચૂકવવા અને સમસ્યાનું કાયમી નિરાકરણ લાવવાની માંગ કરીને હડતાળની જાહેરાત કરી હતી. હવે સવાલ એ છે કે જેઓ સરકારની આરોગ્ય યોજનાઓને ઘર-ઘર સુધી પહોંચાડે છે, શું તેમની પોતાની માંગણીઓ સરકાર સુધી પહોંચશે? શું જવાબદાર અધિકારીઓ આ આશા બહેનોની પીડા સાંભળશે કે પછી ફરી એકવાર માત્ર આશ્વાસનો જ મળશે? સૌની નજર સરકાર અને આરોગ્ય વિભાગના આગામી નિર્ણય પર ટકેલી છે.3Patel Hitendra M
