બલેશ્વર ગામમાં આવેલી અવધ સંગ્રીલા સોસાયટીમાં ફરી એકવાર મોટી ચોરીનો બનાવ સામે આવ્યો છે. અજાણ્યા તસ્કરોએ એક બંધ મકાનને નિશાન બનાવી રૂ. 4.75 લાખની રોકડ રકમની ચોરી કરી ફરાર થઈ ગયા છે. આ ઘટનાથી સ્થાનિક રહિશોમાં ભારે ચિંતા વ્યાપી છે. પોલીસ ફરિયાદ મુજબ, સોસાયટીના નિવાસી અને વેપારી જશવંતલાલ સાહબ પાંડે (ઉંમર 48) તેમના ઘર નંબર 195ને 19 એપ્રિલ, 2026ના રોજ સવારે 10:30 વાગ્યાથી બપોરે 3:00 વાગ્યા દરમિયાન બંધ રાખીને બહાર ગયા હતા. આ સમયગાળા દરમિયાન, કોઈ અજાણ્યો ચોર તેમના ઘરમાં ઘુસીને આશરે રૂ. 4,75,000ની રોકડ રકમ ચોરી કરીને લઈ ગયો હતો. આ બનાવ અંગે જશવંતલાલ પાંડેએ 30 મેના રોજ સાંજે 7:15 વાગ્યે પલસાણા પોલીસ મથકે ફરિયાદ નોંધાવી હતી, જેના આધારે પોલીસે ભારતીય ન્યાય સંહિતા હેઠળ ગુનો નોંધ્યો છે. ઉલ્લેખનીય છે કે, અવધ સંગ્રીલા સોસાયટીમાં અગાઉ અંદાજે રૂ. 25 લાખની ચોરી થઈ હતી, જેનો ભેદ હજુ સુધી ઉકેલાયો નથી. આ સંજોગોમાં ફરી એકવાર આટલી મોટી રોકડ ચોરી થતાં સોસાયટીના રહિશોમાં CCTV કેમેરા અને સુરક્ષા વ્યવસ્થા હોવા છતાં સુરક્ષાને લઈને ગંભીર સવાલો ઊભા થયા છે અને તેમની ચિંતામાં વધારો થયો છે. આ ચોરીની ઘટના અંગે પલસાણા પોલીસ સ્ટેશનના ઇન્ચાર્જ પોલીસ ઇન્સ્પેક્ટર વી. એ. દેસાઈના માર્ગદર્શન હેઠળ વધુ તપાસ હાથ ધરવામાં આવી છે. પોલીસે આસપાસના સીસીટીવી ફૂટેજ, શંકાસ્પદ ગતિવિધિઓ અને અન્ય તકનિકી પુરાવાઓના આધારે અજાણ્યા તસ્કરો સુધી પહોંચવાના પ્રયાસો શરૂ કર્યા છે.

રમેશ ખંભાતી

Photographer બારડોલી, સુરત, ગુજરાત•

3 hrs ago

બલેશ્વર ગામમાં આવેલી અવધ સંગ્રીલા સોસાયટીમાં ફરી એકવાર મોટી ચોરીનો બનાવ સામે આવ્યો છે. અજાણ્યા તસ્કરોએ એક બંધ મકાનને નિશાન બનાવી રૂ. 4.75 લાખની રોકડ રકમની ચોરી કરી ફરાર થઈ ગયા છે. આ ઘટનાથી સ્થાનિક રહિશોમાં ભારે ચિંતા વ્યાપી છે. પોલીસ ફરિયાદ મુજબ, સોસાયટીના નિવાસી અને વેપારી જશવંતલાલ સાહબ પાંડે (ઉંમર 48) તેમના ઘર નંબર 195ને 19 એપ્રિલ, 2026ના રોજ સવારે 10:30 વાગ્યાથી બપોરે 3:00 વાગ્યા દરમિયાન બંધ રાખીને બહાર ગયા હતા. આ સમયગાળા દરમિયાન, કોઈ અજાણ્યો ચોર તેમના ઘરમાં ઘુસીને આશરે રૂ. 4,75,000ની રોકડ રકમ ચોરી કરીને લઈ ગયો હતો. આ બનાવ અંગે જશવંતલાલ પાંડેએ 30 મેના રોજ સાંજે 7:15 વાગ્યે પલસાણા પોલીસ મથકે ફરિયાદ નોંધાવી હતી, જેના આધારે પોલીસે ભારતીય ન્યાય સંહિતા હેઠળ ગુનો નોંધ્યો છે. ઉલ્લેખનીય છે કે, અવધ સંગ્રીલા સોસાયટીમાં અગાઉ અંદાજે રૂ. 25 લાખની ચોરી થઈ હતી, જેનો ભેદ હજુ સુધી ઉકેલાયો નથી. આ સંજોગોમાં ફરી એકવાર આટલી મોટી રોકડ ચોરી થતાં સોસાયટીના રહિશોમાં CCTV કેમેરા અને સુરક્ષા વ્યવસ્થા હોવા છતાં સુરક્ષાને લઈને ગંભીર સવાલો ઊભા થયા છે અને તેમની ચિંતામાં વધારો થયો છે. આ ચોરીની ઘટના અંગે પલસાણા પોલીસ સ્ટેશનના ઇન્ચાર્જ પોલીસ ઇન્સ્પેક્ટર વી. એ. દેસાઈના માર્ગદર્શન હેઠળ વધુ તપાસ હાથ ધરવામાં આવી છે. પોલીસે આસપાસના સીસીટીવી ફૂટેજ, શંકાસ્પદ ગતિવિધિઓ અને અન્ય તકનિકી પુરાવાઓના આધારે અજાણ્યા તસ્કરો સુધી પહોંચવાના પ્રયાસો શરૂ કર્યા છે.