ધારી ગીર પૂર્વ વન વિભાગ દ્વારા વન્યપ્રાણીઓના માનવ વસ્તીમાં પ્રવેશ અને રંજાડને ડામવા માટે કરાયેલી ત્વરિત કાર્યવાહી અંતર્ગત ધારીના જસાધાર રેન્જના વાંસોજ ગામેથી એક દીપડાને પાંજરે પૂરવામાં સફળતા મળી છે. વાંસોજ ગામના રહેવાસી શ્રી મોહનભાઈ કાળાભાઈ કામળિયાની વાડીમાં દીપડાની અવરજવર અને રંજાડ હોવાની ફરિયાદ વન વિભાગને મળી હતી. સ્થાનિકોની સુરક્ષાને ધ્યાનમાં રાખીને ગીર પૂર્વ વન વિભાગની ટીમ તાત્કાલિક ઘટનાસ્થળે પહોંચી હતી અને દીપડાને પકડવા માટે ખાસ વ્યૂહરચનાના ભાગરૂપે પાંજરું ગોઠવ્યું હતું, જેમાં વન વિભાગની સતર્કતાના કારણે આજે વહેલી સવારે દીપડો પાંજરામાં ફસાઈ ગયો હતો. પાંજરે પુરાયેલા આ દીપડાને સુરક્ષિત રીતે જસાધાર એનિમલ કેર સેન્ટર ખાતે ખસેડવામાં આવ્યો છે, જ્યાં નિષ્ણાત પશુચિકિત્સકો દ્વારા તેનું આરોગ્ય પરીક્ષણ અને વધુ તપાસ કરવામાં આવશે. આ ઘટના બાદ વન વિભાગ દ્વારા ગ્રામજનોને ખાસ અપીલ કરવામાં આવી છે કે જો પોતાના વિસ્તારમાં સિંહ, દીપડા કે અન્ય કોઈ વન્યપ્રાણીની હાજરી જણાય તો તાત્કાલિક નજીકની વન વિભાગની કચેરીનો સંપર્ક કરવો. વન્યપ્રાણી દેખાય ત્યારે અનાવશ્યક ભીડ એકઠી ન કરવા, પ્રાણીઓ સાથે છેડછાડ ન કરવા અને સુરક્ષિત અંતર જાળવવા સહિત વન વિભાગની સૂચનાઓનું પાલન કરવા જણાવાયું છે. વન વિભાગની આ ત્વરિત કામગીરીને કારણે વાંસોજ ગામના લોકોએ રાહતનો શ્વાસ લીધો છે.

ABDUL PATHNA

Local News Reporter ઉના, ગીર સોમનાથ, ગુજરાત•

3 hrs ago

ધારી ગીર પૂર્વ વન વિભાગ દ્વારા વન્યપ્રાણીઓના માનવ વસ્તીમાં પ્રવેશ અને રંજાડને ડામવા માટે કરાયેલી ત્વરિત કાર્યવાહી અંતર્ગત ધારીના જસાધાર રેન્જના વાંસોજ ગામેથી એક દીપડાને પાંજરે પૂરવામાં સફળતા મળી છે. વાંસોજ ગામના રહેવાસી શ્રી મોહનભાઈ કાળાભાઈ કામળિયાની વાડીમાં દીપડાની અવરજવર અને રંજાડ હોવાની ફરિયાદ વન વિભાગને મળી હતી. સ્થાનિકોની સુરક્ષાને ધ્યાનમાં રાખીને ગીર પૂર્વ વન વિભાગની ટીમ તાત્કાલિક ઘટનાસ્થળે પહોંચી હતી અને દીપડાને પકડવા માટે ખાસ વ્યૂહરચનાના ભાગરૂપે પાંજરું ગોઠવ્યું હતું, જેમાં વન વિભાગની સતર્કતાના કારણે આજે વહેલી સવારે દીપડો પાંજરામાં ફસાઈ ગયો હતો. પાંજરે પુરાયેલા આ દીપડાને સુરક્ષિત રીતે જસાધાર એનિમલ કેર સેન્ટર ખાતે ખસેડવામાં આવ્યો છે, જ્યાં નિષ્ણાત પશુચિકિત્સકો દ્વારા તેનું આરોગ્ય પરીક્ષણ અને વધુ તપાસ કરવામાં આવશે. આ ઘટના બાદ વન વિભાગ દ્વારા ગ્રામજનોને ખાસ અપીલ કરવામાં આવી છે કે જો પોતાના વિસ્તારમાં સિંહ, દીપડા કે અન્ય કોઈ વન્યપ્રાણીની હાજરી જણાય તો તાત્કાલિક નજીકની વન વિભાગની કચેરીનો સંપર્ક કરવો. વન્યપ્રાણી દેખાય ત્યારે અનાવશ્યક ભીડ એકઠી ન કરવા, પ્રાણીઓ સાથે છેડછાડ ન કરવા અને સુરક્ષિત અંતર જાળવવા સહિત વન વિભાગની સૂચનાઓનું પાલન કરવા જણાવાયું છે. વન વિભાગની આ ત્વરિત કામગીરીને કારણે વાંસોજ ગામના લોકોએ રાહતનો શ્વાસ લીધો છે.