ವಿಕಲಚೇತನರ ಬದುಕಿಗೆ ಎಪಿಡಿಯ ಸಾಥ್: 9 ಮಂದಿಗೆ ವೀಲ್‌ಚೇರ್‌ ವಿತರಣೆ ಗುರುಮಠಕಲ್: ಪಟ್ಟಣದ ಸಮುದಾಯ ಆರೋಗ್ಯ ಕೇಂದ್ರದಲ್ಲಿ ದಿ ಅಸೋಸಿಯೇಷನ್ ಆಫ್ ಪೀಪಲ್ ವಿತ್ ಡಿಸೆಬಿಲಿಟಿ ಎಪಿಡಿ ವತಿಯಿಂದ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ತಾಲೂಕಿನ ವಿವಿಧ ಗ್ರಾಮಗಳ ತೀವ್ರ ಚಲನತೆ ಹೊಂದಿರುವ 9 ಮಂದಿ ಅಗತ್ಯವಂತ ವಿಕಲಚೇತನರಿಗೆ ಉತ್ತಮ ಗುಣಮಟ್ಟದ ವೀಲ್‌ಚೇರ್‌ಗಳನ್ನು ವಿತರಿಸಲಾಯಿತು. ವೀಲ್‌ಚೇರ್‌ಗಳನ್ನು ವಿತರಿಸಿ ಮಾತಾನಾಡಿದ ಎಪಿಡಿ ಸಂಸ್ಥೆಯ ಗುರುಮಠಕಲ್ ತಾಲೂಕು ಸಂಯೋಜಕ ವಿರುಪಾಕ್ಷಿ ಮಾಲಿ ಪಾಟೀಲ್ ವಿಕಲಚೇತನರ ದೈನಂದಿನ ಜೀವನವನ್ನು ಸುಗಮಗೊಳಿಸುವುದರ ಜೊತೆಗೆ ಸ್ವಾವಲಂಬನೆ ಮತ್ತು ಆತ್ಮವಿಶ್ವಾಸ ಬೆಳೆಸುವಲ್ಲಿ ಸಹಾಯಕ ಸಾಧನ–ಸಲಕರಣೆಗಳು ಮಹತ್ವದ ಪಾತ್ರ ವಹಿಸುತ್ತವೆ ಎಂದು ಹೇಳಿದರು. ವಿಕಲಚೇತನರಿಗೆ ನೀಡುವ ಸಾಧನ–ಸಲಕರಣೆಗಳು ಕೇವಲ ನೆರವಿನ ವಸ್ತುಗಳಲ್ಲ. ಅವು ಸ್ವಾತಂತ್ರ್ಯ, ಚಲನವಲನ, ಶಿಕ್ಷಣ, ಉದ್ಯೋಗ ಹಾಗೂ ಸಾಮಾಜಿಕ ಬದುಕಿಗೆ ದಾರಿ ಮಾಡಿಕೊಡುವ ಸಾಧನಗಳಾಗಿವೆ. ಈ ನಿಟ್ಟಿನಲ್ಲಿ ತಾಲೂಕಿನ ವಿವಿಧ ಗ್ರಾಮಗಳಲ್ಲಿ ಅಗತ್ಯವಿರುವ ವಿಕಲಚೇತನರನ್ನು ಗುರುತಿಸಿ, ಅವರ ವೈಯಕ್ತಿಕ ಅಗತ್ಯಕ್ಕೆ ಅನುಗುಣವಾಗಿ ಮಾಪನ ಮತ್ತು ಮೌಲ್ಯಮಾಪನ ನಡೆಸಿ ಸೂಕ್ತ ಸಾಧನಗಳನ್ನು ಒದಗಿಸುವ ಕಾರ್ಯವನ್ನು ಎಪಿಡಿ ನಿರಂತರವಾಗಿ ನಡೆಸುತ್ತಿದೆ ಎಂದು ತಿಳಿಸಿದರು. ಎಪಿಡಿ ಸಂಸ್ಥೆಯ ಮೂಲಕ ಈಗಾಗಲೇ ತಾಲೂಕಿನ ಅನೇಕ ವಿಕಲಚೇತನರಿಗೆ ಸಹಾಯಕ ಸಾಧನ–ಸಲಕರಣೆಗಳು, ಫಿಸಿಯೋಥೆರಪಿ, ಆರೋಗ್ಯ ಸೇವೆ, ಶಿಕ್ಷಣ, ಜೀವನೋಪಾಯ ಹಾಗೂ ಸಾಮಾಜಿಕ ಸಬಲೀಕರಣಕ್ಕೆ ಅಗತ್ಯ ಬೆಂಬಲ ನೀಡಲಾಗುತ್ತಿದೆ. ಅರ್ಹರು ಸರ್ಕಾರದ ವಿವಿಧ ಯೋಜನೆಗಳು ಮತ್ತು ಸೌಲಭ್ಯಗಳನ್ನು ಪಡೆಯಲು ಅಗತ್ಯ ಮಾರ್ಗದರ್ಶನ ಹಾಗೂ ಸಂಪರ್ಕ ಕಲ್ಪಿಸುವ ಕಾರ್ಯವೂ ನಡೆಯುತ್ತಿದೆ ಎಂದರು. ವಿತರಿಸಿದ ವೀಲ್‌ಚೇರ್‌ಗಳನ್ನು ಫಲಾನುಭವಿಗಳು ಸುರಕ್ಷಿತವಾಗಿ ಬಳಸಿಕೊಂಡು ದೈನಂದಿನ ಚಟುವಟಿಕೆಗಳಲ್ಲಿ ಹೆಚ್ಚಿನ ಸ್ವಾವಲಂಬನೆ ಸಾಧಿಸಬೇಕು. ಪ್ರತಿಯೊಬ್ಬ ವಿಕಲಚೇತನರೂ ಗೌರವಯುತವಾಗಿ ಹಾಗೂ ಸಮಾನ ಅವಕಾಶಗಳೊಂದಿಗೆ ಬದುಕುವಂತಾಗಬೇಕು ಎಂಬುದೇ ಸಂಸ್ಥೆಯ ಉದ್ದೇಶ ಎಂದು ವಿರುಪಾಕ್ಷಿ ಮಾಲಿ ಪಾಟೀಲ್ ಹೇಳಿದರು. ಕಾರ್ಯಕ್ರಮದಲ್ಲಿ ಶ್ರೀನಿವಾಸ್, ಫಿಸಿಯೋಥೆರಪಿಸ್ಟ್‌ಗಳಾದ ಅತೀಶ್ ಕುಮಾರ್ ಹಾಗೂ ಜಿ. ವೆಂಕಟೇಶ್, ಸಿಬಿಆರ್ ಗಳಾದ ಶಿಲ್ಪಾ ಎಸ್., ರೇಷ್ಮಾ ಬೇಗಂ ಹಾಗೂ ಸುರೇಶ್, ಫೆಸಿಲಿಟೇಟರ್‌ಗಳಾದ ಪಾರ್ವತಿ, ಕಾಶಪ್ಪ ಸೇರಿದಂತೆ ಸಮುದಾಯ ಆರೋಗ್ಯ ಕೇಂದ್ರದ ಸಿಬ್ಬಂದಿ ಹಾಗೂ ಇತರರು ಉಪಸ್ಥಿತರಿದ್ದರು.

Jagadishkumar Bhooma

Local News Reporter ಗುರುಮಿಟ್ಕಲ್, ಯಾದಗಿರಿ, ಕರ್ನಾಟಕ•

20 hrs ago

ವಿಕಲಚೇತನರ ಬದುಕಿಗೆ ಎಪಿಡಿಯ ಸಾಥ್: 9 ಮಂದಿಗೆ ವೀಲ್‌ಚೇರ್‌ ವಿತರಣೆ ಗುರುಮಠಕಲ್: ಪಟ್ಟಣದ ಸಮುದಾಯ ಆರೋಗ್ಯ ಕೇಂದ್ರದಲ್ಲಿ ದಿ ಅಸೋಸಿಯೇಷನ್ ಆಫ್ ಪೀಪಲ್ ವಿತ್ ಡಿಸೆಬಿಲಿಟಿ ಎಪಿಡಿ ವತಿಯಿಂದ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ತಾಲೂಕಿನ ವಿವಿಧ ಗ್ರಾಮಗಳ ತೀವ್ರ ಚಲನತೆ ಹೊಂದಿರುವ 9 ಮಂದಿ ಅಗತ್ಯವಂತ ವಿಕಲಚೇತನರಿಗೆ ಉತ್ತಮ ಗುಣಮಟ್ಟದ ವೀಲ್‌ಚೇರ್‌ಗಳನ್ನು ವಿತರಿಸಲಾಯಿತು. ವೀಲ್‌ಚೇರ್‌ಗಳನ್ನು ವಿತರಿಸಿ ಮಾತಾನಾಡಿದ ಎಪಿಡಿ ಸಂಸ್ಥೆಯ ಗುರುಮಠಕಲ್ ತಾಲೂಕು ಸಂಯೋಜಕ ವಿರುಪಾಕ್ಷಿ ಮಾಲಿ ಪಾಟೀಲ್ ವಿಕಲಚೇತನರ ದೈನಂದಿನ ಜೀವನವನ್ನು ಸುಗಮಗೊಳಿಸುವುದರ ಜೊತೆಗೆ ಸ್ವಾವಲಂಬನೆ ಮತ್ತು ಆತ್ಮವಿಶ್ವಾಸ ಬೆಳೆಸುವಲ್ಲಿ ಸಹಾಯಕ ಸಾಧನ–ಸಲಕರಣೆಗಳು ಮಹತ್ವದ ಪಾತ್ರ ವಹಿಸುತ್ತವೆ ಎಂದು ಹೇಳಿದರು. ವಿಕಲಚೇತನರಿಗೆ ನೀಡುವ ಸಾಧನ–ಸಲಕರಣೆಗಳು ಕೇವಲ ನೆರವಿನ ವಸ್ತುಗಳಲ್ಲ. ಅವು ಸ್ವಾತಂತ್ರ್ಯ, ಚಲನವಲನ, ಶಿಕ್ಷಣ, ಉದ್ಯೋಗ ಹಾಗೂ ಸಾಮಾಜಿಕ ಬದುಕಿಗೆ ದಾರಿ ಮಾಡಿಕೊಡುವ ಸಾಧನಗಳಾಗಿವೆ. ಈ ನಿಟ್ಟಿನಲ್ಲಿ ತಾಲೂಕಿನ ವಿವಿಧ ಗ್ರಾಮಗಳಲ್ಲಿ ಅಗತ್ಯವಿರುವ ವಿಕಲಚೇತನರನ್ನು ಗುರುತಿಸಿ, ಅವರ ವೈಯಕ್ತಿಕ ಅಗತ್ಯಕ್ಕೆ ಅನುಗುಣವಾಗಿ ಮಾಪನ ಮತ್ತು ಮೌಲ್ಯಮಾಪನ ನಡೆಸಿ ಸೂಕ್ತ ಸಾಧನಗಳನ್ನು ಒದಗಿಸುವ ಕಾರ್ಯವನ್ನು ಎಪಿಡಿ ನಿರಂತರವಾಗಿ ನಡೆಸುತ್ತಿದೆ ಎಂದು ತಿಳಿಸಿದರು. ಎಪಿಡಿ ಸಂಸ್ಥೆಯ ಮೂಲಕ ಈಗಾಗಲೇ ತಾಲೂಕಿನ ಅನೇಕ ವಿಕಲಚೇತನರಿಗೆ ಸಹಾಯಕ ಸಾಧನ–ಸಲಕರಣೆಗಳು, ಫಿಸಿಯೋಥೆರಪಿ, ಆರೋಗ್ಯ ಸೇವೆ, ಶಿಕ್ಷಣ, ಜೀವನೋಪಾಯ ಹಾಗೂ ಸಾಮಾಜಿಕ ಸಬಲೀಕರಣಕ್ಕೆ ಅಗತ್ಯ ಬೆಂಬಲ ನೀಡಲಾಗುತ್ತಿದೆ. ಅರ್ಹರು ಸರ್ಕಾರದ ವಿವಿಧ ಯೋಜನೆಗಳು ಮತ್ತು ಸೌಲಭ್ಯಗಳನ್ನು ಪಡೆಯಲು ಅಗತ್ಯ ಮಾರ್ಗದರ್ಶನ ಹಾಗೂ ಸಂಪರ್ಕ ಕಲ್ಪಿಸುವ ಕಾರ್ಯವೂ ನಡೆಯುತ್ತಿದೆ ಎಂದರು. ವಿತರಿಸಿದ ವೀಲ್‌ಚೇರ್‌ಗಳನ್ನು ಫಲಾನುಭವಿಗಳು ಸುರಕ್ಷಿತವಾಗಿ ಬಳಸಿಕೊಂಡು ದೈನಂದಿನ ಚಟುವಟಿಕೆಗಳಲ್ಲಿ ಹೆಚ್ಚಿನ ಸ್ವಾವಲಂಬನೆ ಸಾಧಿಸಬೇಕು. ಪ್ರತಿಯೊಬ್ಬ ವಿಕಲಚೇತನರೂ ಗೌರವಯುತವಾಗಿ ಹಾಗೂ ಸಮಾನ ಅವಕಾಶಗಳೊಂದಿಗೆ ಬದುಕುವಂತಾಗಬೇಕು ಎಂಬುದೇ ಸಂಸ್ಥೆಯ ಉದ್ದೇಶ ಎಂದು ವಿರುಪಾಕ್ಷಿ ಮಾಲಿ ಪಾಟೀಲ್ ಹೇಳಿದರು. ಕಾರ್ಯಕ್ರಮದಲ್ಲಿ ಶ್ರೀನಿವಾಸ್, ಫಿಸಿಯೋಥೆರಪಿಸ್ಟ್‌ಗಳಾದ ಅತೀಶ್ ಕುಮಾರ್ ಹಾಗೂ ಜಿ. ವೆಂಕಟೇಶ್, ಸಿಬಿಆರ್ ಗಳಾದ ಶಿಲ್ಪಾ ಎಸ್., ರೇಷ್ಮಾ ಬೇಗಂ ಹಾಗೂ ಸುರೇಶ್, ಫೆಸಿಲಿಟೇಟರ್‌ಗಳಾದ ಪಾರ್ವತಿ, ಕಾಶಪ್ಪ ಸೇರಿದಂತೆ ಸಮುದಾಯ ಆರೋಗ್ಯ ಕೇಂದ್ರದ ಸಿಬ್ಬಂದಿ ಹಾಗೂ ಇತರರು ಉಪಸ್ಥಿತರಿದ್ದರು.