धामणा बु येथील पठार नदीला १५ वर्षांनंतर महापूर; पुलावरून पाणी, १२ ते १५ गावांचा संपर्क तुटला पर्यायी पूल व पोलीस बंदोबस्ताची तातडीची मागणी; जीव धोक्यात घालून नागरिकांची वाहतूक सुरू प्रतिनिधी अकोला सतत सुरू असलेल्या मुसळधार पावसामुळे धामणा बु येथील पठार नदीला तब्बल १५ वर्षांनंतर प्रथमच एवढा मोठा महापूर आला आहे. नदीवरील पुलावरून मोठ्या वेगाने पाणी वाहत असल्याने चोहोट्टा बाजार–करतवाडी–रेल–धामणा बु–गरसोळी–पातोंडा या मार्गावरील वाहतूक पूर्णपणे विस्कळीत झाली असून परिसरातील सुमारे १२ ते १५ गावांचा परस्पर संपर्क तुटला आहे. त्यामुळे नागरिकांना मोठ्या अडचणींचा सामना करावा लागत असून संपूर्ण परिसरात चिंतेचे वातावरण निर्माण झाले आहे. महापुरामुळे हजारो हेक्टर शेती पाण्याखाली गेली असून अनेक शेतांचे तळ्यात रूपांतर झाले आहे. सोयाबीन, कापूस व इतर खरीप पिकांचे मोठ्या प्रमाणात नुकसान होण्याची शक्यता व्यक्त केली जात आहे. सततच्या पावसामुळे शेतकऱ्यांमध्ये मोठी चिंता निर्माण झाली असून पंचनामे करून तातडीने नुकसानभरपाई देण्याची मागणी होत आहे. दरम्यान, पुलावरून पाणी वाहत असतानाही काही नागरिक दुचाकी व चारचाकी वाहनांसह जीव धोक्यात घालून पूल ओलांडण्याचा प्रयत्न करत असल्याचे चित्र दिसून येत आहे. कोणतीही सुरक्षा व्यवस्था नसल्याने मोठी दुर्घटना घडण्याची भीती व्यक्त केली जात आहे. एखादा अपघात किंवा जीवितहानी झाल्यास त्याची जबाबदारी कोण घेणार, असा संतप्त सवाल नागरिकांकडून उपस्थित केला जात आहे. या पार्श्वभूमीवर शेतकरी नेते पूर्णाजी खोडके यांनी प्रशासनाकडे तातडीची मागणी केली आहे. पुलावरून पाणी वाहत असताना त्या ठिकाणी त्वरित पोलीस बंदोबस्त तैनात करून धोकादायक मार्ग पूर्णपणे बंद करण्यात यावा. तसेच नागरिकांच्या सुरक्षिततेसाठी पर्यायी रस्ता किंवा तात्पुरत्या पुलाची व्यवस्था करण्यात यावी आणि पूरस्थिती सामान्य होईपर्यंत प्रशासनाने सातत्याने देखरेख ठेवावी, अशी मागणी त्यांनी केली. पूर्णाजी खोडके यांनी नागरिकांनाही आवाहन करताना सांगितले की, "स्वतःचा जीव धोक्यात घालून पुलावरून किंवा पुराच्या पाण्यातून जाण्याचा कोणताही प्रयत्न करू नका. असे आवाहन खोडके यांनी केले आहे.. पूरस्थिती अद्याप गंभीर असून प्रशासनाने तातडीने प्रभावी उपाययोजना न केल्यास मोठी जीवितहानी होण्याची शक्यता नाकारता येत नाही. त्यामुळे नागरिकांच्या सुरक्षेसाठी त्वरित निर्णय घेऊन आवश्यक प्रतिबंधात्मक उपाययोजना राबविण्याची मागणी आता जोर धरत आहे...

पुर्णाजी खोडके

प्रतिनिधी अकोले, अकोला, महाराष्ट्र•

10 hrs ago

धामणा बु येथील पठार नदीला १५ वर्षांनंतर महापूर; पुलावरून पाणी, १२ ते १५ गावांचा संपर्क तुटला पर्यायी पूल व पोलीस बंदोबस्ताची तातडीची मागणी; जीव धोक्यात घालून नागरिकांची वाहतूक सुरू प्रतिनिधी अकोला सतत सुरू असलेल्या मुसळधार पावसामुळे धामणा बु येथील पठार नदीला तब्बल १५ वर्षांनंतर प्रथमच एवढा मोठा महापूर आला आहे. नदीवरील पुलावरून मोठ्या वेगाने पाणी वाहत असल्याने चोहोट्टा बाजार–करतवाडी–रेल–धामणा बु–गरसोळी–पातोंडा या मार्गावरील वाहतूक पूर्णपणे विस्कळीत झाली असून परिसरातील सुमारे १२ ते १५ गावांचा परस्पर संपर्क

तुटला आहे. त्यामुळे नागरिकांना मोठ्या अडचणींचा सामना करावा लागत असून संपूर्ण परिसरात चिंतेचे वातावरण निर्माण झाले आहे. महापुरामुळे हजारो हेक्टर शेती पाण्याखाली गेली असून अनेक शेतांचे तळ्यात रूपांतर झाले आहे. सोयाबीन, कापूस व इतर खरीप पिकांचे मोठ्या प्रमाणात नुकसान होण्याची शक्यता व्यक्त केली जात आहे. सततच्या पावसामुळे शेतकऱ्यांमध्ये मोठी चिंता निर्माण झाली असून पंचनामे करून तातडीने नुकसानभरपाई देण्याची मागणी होत आहे. दरम्यान, पुलावरून पाणी वाहत असतानाही काही नागरिक दुचाकी व चारचाकी वाहनांसह जीव धोक्यात घालून

पूल ओलांडण्याचा प्रयत्न करत असल्याचे चित्र दिसून येत आहे. कोणतीही सुरक्षा व्यवस्था नसल्याने मोठी दुर्घटना घडण्याची भीती व्यक्त केली जात आहे. एखादा अपघात किंवा जीवितहानी झाल्यास त्याची जबाबदारी कोण घेणार, असा संतप्त सवाल नागरिकांकडून उपस्थित केला जात आहे. या पार्श्वभूमीवर शेतकरी नेते पूर्णाजी खोडके यांनी प्रशासनाकडे तातडीची मागणी केली आहे. पुलावरून पाणी वाहत असताना त्या ठिकाणी त्वरित पोलीस बंदोबस्त तैनात करून धोकादायक मार्ग पूर्णपणे बंद करण्यात यावा. तसेच नागरिकांच्या सुरक्षिततेसाठी पर्यायी रस्ता किंवा तात्पुरत्या

पुलाची व्यवस्था करण्यात यावी आणि पूरस्थिती सामान्य होईपर्यंत प्रशासनाने सातत्याने देखरेख ठेवावी, अशी मागणी त्यांनी केली. पूर्णाजी खोडके यांनी नागरिकांनाही आवाहन करताना सांगितले की, "स्वतःचा जीव धोक्यात घालून पुलावरून किंवा पुराच्या पाण्यातून जाण्याचा कोणताही प्रयत्न करू नका. असे आवाहन खोडके यांनी केले आहे.. पूरस्थिती अद्याप गंभीर असून प्रशासनाने तातडीने प्रभावी उपाययोजना न केल्यास मोठी जीवितहानी होण्याची शक्यता नाकारता येत नाही. त्यामुळे नागरिकांच्या सुरक्षेसाठी त्वरित निर्णय घेऊन आवश्यक प्रतिबंधात्मक उपाययोजना राबविण्याची मागणी आता जोर धरत आहे...