তিনিচুকীয়া জিলাৰ ডুমডুমাৰ দাইচাজান চাহ বাগিচাত শুকুৰবাৰে দুপৰীয়া প্ৰায় ১২ বজাত এক উত্তপ্ত পৰিস্থিতিৰ সৃষ্টি হয়। চাহ বাগিচাখনৰ পৰিচালক বিজয় চৰোচিয়াই নিজৰ খেয়াল-খুছি মতে বাগিচাখনৰ এটা অংশৰ চাহ গছ উভালি পেলোৱাৰ ফলত এই পৰিৱেশৰ সৃষ্টি হয়। এই ঘটনাৰ পিছতে বাগিচাখনৰ শ শ চাহ শ্ৰমিক উত্তেজিত হৈ পৰে। শ্ৰমিকসকলে স্পষ্ট কৰি দিয়ে যে তেওঁলোকৰ প্ৰাণস্বৰূপ চাহ গছ কোনো কাৰণতে উভালিবলৈ দিয়া নহ'ব। বিশেষকৈ, অঞ্চলটোত নতুনকৈ নিৰ্মাণ হোৱা এটা চাহ ফেক্টৰীলৈ যোৱাৰ বাবে চাহ গছ উভালি পথ নিৰ্মাণ কৰিবলৈ দিয়া নহ'ব বুলিও তেওঁলোকে মন্তব্য কৰে। অভিযোগ অনুসৰি, কোনো আলোচনা নকৰাকৈয়ে এগৰাকী প্ৰভাৱশালী উদ্যোগীৰ ব্যক্তিগত চাহ ফেক্টৰীলৈ বাহন অহা-যোৱা কৰিব পৰাকৈ এটা পথ নিৰ্মাণৰ বাবেই বাগিচাখনৰ মেনেজাৰে এই হঠকাৰী সিদ্ধান্ত গ্ৰহণ কৰিছে। এই ঘটনাৰ পিছতে শ শ শ্ৰমিকে চাহ বাগিচাখনৰ পৰিচালক বিজয় চৰোচিয়াক ঘেৰাও কৰি জবাবদিহি কৰে আৰু বিভিন্ন শ্লোগানেৰে অঞ্চলটোত এক উত্তাল পৰিৱেশৰ সৃষ্টি কৰে।

জেৰিণা আৰ হাজৰিকা

Doom Dooma, Tinsukia•

22 hrs ago

তিনিচুকীয়া জিলাৰ ডুমডুমাৰ দাইচাজান চাহ বাগিচাত শুকুৰবাৰে দুপৰীয়া প্ৰায় ১২ বজাত এক উত্তপ্ত পৰিস্থিতিৰ সৃষ্টি হয়। চাহ বাগিচাখনৰ পৰিচালক বিজয় চৰোচিয়াই নিজৰ খেয়াল-খুছি মতে বাগিচাখনৰ এটা অংশৰ চাহ গছ উভালি পেলোৱাৰ ফলত এই পৰিৱেশৰ সৃষ্টি হয়। এই ঘটনাৰ পিছতে বাগিচাখনৰ শ শ চাহ শ্ৰমিক উত্তেজিত হৈ পৰে। শ্ৰমিকসকলে স্পষ্ট কৰি দিয়ে যে তেওঁলোকৰ প্ৰাণস্বৰূপ চাহ গছ কোনো কাৰণতে উভালিবলৈ দিয়া নহ'ব। বিশেষকৈ, অঞ্চলটোত নতুনকৈ নিৰ্মাণ হোৱা এটা চাহ ফেক্টৰীলৈ যোৱাৰ বাবে চাহ গছ উভালি পথ নিৰ্মাণ কৰিবলৈ দিয়া নহ'ব বুলিও তেওঁলোকে মন্তব্য কৰে। অভিযোগ অনুসৰি, কোনো আলোচনা নকৰাকৈয়ে এগৰাকী প্ৰভাৱশালী উদ্যোগীৰ ব্যক্তিগত চাহ ফেক্টৰীলৈ বাহন অহা-যোৱা কৰিব পৰাকৈ এটা পথ নিৰ্মাণৰ বাবেই বাগিচাখনৰ মেনেজাৰে এই হঠকাৰী সিদ্ধান্ত গ্ৰহণ কৰিছে। এই ঘটনাৰ পিছতে শ শ শ্ৰমিকে চাহ বাগিচাখনৰ পৰিচালক বিজয় চৰোচিয়াক ঘেৰাও কৰি জবাবদিহি কৰে আৰু বিভিন্ন শ্লোগানেৰে অঞ্চলটোত এক উত্তাল পৰিৱেশৰ সৃষ্টি কৰে।