वाशिम शहरात बंद असलेल्या रमेश टॉकीजमध्ये गुप्तधन खोदताना भाजपचे पदाधिकारी आणि कार्यकर्ते पोलिसांच्या ताब्यात आले आहेत. या प्रकरणातील मास्टरमाइंड मात्र अद्याप फरार असून, या जागेचा संबंध राष्ट्रीय स्वयंसेवक संघाशी असल्याचे समोर आले आहे.

अकोला जिल्ह्यातील शिवणी परिसरात असलेल्या आयशर ट्रॅक्टरच्या शोरूमला भीषण आग लागली आहे. या आगीत संपूर्ण शोरूम जळून खाक झाले असून, लाखो रुपयांचे मोठे नुकसान झाले आहे. आग विझवताना अग्निशामक दलाचा एक कर्मचारी गंभीररीत्या भाजला असून, त्याला उपचारासाठी रुग्णालयात दाखल करण्यात आले आहे.

Post by Nandkumar Motiram Totewad

जालना जिल्ह्यातील जाफराबाद येथील सुगत पेट्रोल पंपावर डिझेल भरण्यासाठी आलेल्या शेतकऱ्यांमध्ये नंबरवरून वाद झाला. यामुळे डिझेल वाटप करण्यास पेट्रोल पंप कर्मचाऱ्यांना अडथळा निर्माण झाला.

महाराष्ट्रामध्ये वन खात्यात नोकरी देण्याच्या आमिषाने लाखोंची फसवणूक केल्याप्रकरणी जालन्यातून दोघांना अटक करण्यात आली आहे. आरोपींनी बनावट प्रशिक्षण आदेश तयार करून तक्रारदाराचा विश्वास संपादन केला होता; त्यांच्याकडून ₹३.०५ लाखांचा मुद्देमाल जप्त करण्यात आला.

साताऱ्यातील कोरेगाव-रहिमतपूर रोड परिसरात एका बोगस कॉल सेंटरवर स्थानिक गुन्हे शाखेने मध्यरात्री मोठी कारवाई करत एका आंतरराज्यीय सायबर टोळीचा पर्दाफाश केला आहे. अमेरिकन नागरिकांना 'डिजिटल अरेस्ट'ची भीती दाखवून लाखो डॉलरची फसवणूक केल्याच्या गंभीर आरोपाखाली या धाडीत १७ आरोपींसह चार महिलांना ताब्यात घेण्यात आले आहे. पोलिसांनी दिलेल्या माहितीनुसार, ही टोळी अमेरिकन नागरिकांना फोन करून 'तुमच्या नावाने अमेझॉनवरून ऑर्डर करण्यात आली आहे' अशी खोटी माहिती देत असे. त्यानंतर बनावट मेसेज आणि बनावट ऑर्डर नंबर वापरून, त्यांना 'डिजिटल अरेस्ट'ची भीती दाखवली जात होती. याच भीतीचा फायदा घेत, गिफ्ट व्हाऊचरच्या माध्यमातून डॉलरमध्ये मोठी रक्कम उकळली जात होती. ही कारवाई पोलीस अधीक्षक निखील पिंगळे आणि अपर पोलीस अधीक्षक वैशाली कडुकर यांच्या मार्गदर्शनाखाली करण्यात आली. स्थानिक गुन्हे शाखा आणि कोरेगाव पोलिसांच्या संयुक्त पथकाने रिलायबल अपार्टमेंटमध्ये सुरू असलेले हे बोगस कॉल सेंटर उघडकीस आणले. या प्रकरणी भारतीय न्याय संहिता आणि माहिती तंत्रज्ञान कायद्यांतर्गत गुन्हा दाखल करण्यात आला आहे. ताब्यात घेतलेल्या आरोपींमध्ये मुंबई, नवी मुंबई, ठाणे, रायगड आणि राजस्थानमधील व्यक्तींचा समावेश आहे. सायबर फसवणुकीच्या वाढत्या जाळ्यावर सातारा पोलिसांनी दिलेला हा एक मोठा धक्का मानला जात असून, तपास सुरू असल्याने आणखी धक्कादायक माहिती समोर येण्याची शक्यता व्यक्त केली जात आहे.

न्यूज मराठी 24x7 लाईव्ह टीव्ही चॅनलवर परभणी जिल्ह्याच्या महत्त्वपूर्ण घडामोडी पाहण्याची सुविधा उपलब्ध आहे.

बुलढाणा जिल्ह्यात डिझेल भरण्याच्या कारणावरून एका पेट्रोल पंपावर हाणामारी झाल्याची घटना समोर आली आहे. या घटनेमुळे नागरिकांमध्ये 'इंधन टंचाईमुळे हा प्रकार घडला की लोकांच्या संयमाचा अंत झाला?' असा प्रश्न निर्माण झाला आहे.

Post by Nandkumar Motiram Totewad