ધોળાપીપળા હાઈવે પર 'બુલડોઝર' એક્શન હાથ ધરવામાં આવી હતી. નેશનલ હાઈવે ઓથોરિટી (NHAI) દ્વારા હાઈવેની આજુબાજુ થયેલા કાચા શેડ અને ગેરકાયદેસર દબાણો હટાવવાની તજવીજ શરૂ કરવામાં આવી છે.

સુરતમાં મોહર્રમ પર્વ નિમિત્તે દબદબાભેર તાજીયાનું ભવ્ય ઝૂલુસ યોજાયું, જેમાં કોમી એકતાના સુંદર દર્શન થયા. આ પ્રસંગે મેયર માયાબેન માવાણી, કેન્દ્રીય મંત્રી સી.આર. પાટીલ અને પોલીસ કમિશનર અનુપમ સિંહ ગેહલોત ખાસ ઉપસ્થિત રહ્યા હતા અને તેમણે તાજીયાને પ્રસ્થાન કરાવ્યું હતું. સુરત શહેર તાજીયા કમિટીના નેજા હેઠળ ચુસ્ત પોલીસ બંદોબસ્ત વચ્ચે આયોજિત આ ઝૂલુસમાં, મહેમાનોના હસ્તે પ્રથમ દસ તાજીયાઓને ટ્રોફી આપી સન્માનિત કરવામાં આવ્યા. દર વર્ષની જેમ આ વર્ષે પણ કોમી એકતા જાળવવા માટે સ્વામી અંબ્રિશાનંદજીની ઉપસ્થિતિ નોંધપાત્ર રહી હતી. આંતરરાષ્ટ્રીય ડ્રગ્સ નાબૂદીના દિવસે યોજાયેલા આ ઝૂલુસ દરમિયાન, પોલીસ કમિશનરે લોકોને ડ્રગ્સ નાબૂદ કરવા માટેનો સંદેશ પણ આપ્યો હતો.

સુરત જિલ્લા પંચાયત શિક્ષણ સમિતિ સંચાલિત પલસાણા તાલુકાના અંભેટી ગામે બુધવારે કન્યા કેળવણી મહોત્સવ, શાળા પ્રવેશોત્સવ અને નવા શાળા ભવનના લોકાર્પણ સહિતનો ભવ્ય 'ત્રિવેણી કાર્યક્રમ' યોજાયો હતો. આ કાર્યક્રમ પૂર્વ કેબિનેટ મંત્રી અને બારડોલીના ધારાસભ્ય ઈશ્વરભાઈ (અનિલભાઈ) પરમારની અધ્યક્ષતામાં સંપન્ન થયો, જ્યાં અંદાજે ₹1 કરોડ 16 લાખ 60 હજારના ખર્ચે નિર્માણ પામેલા અંભેટી પ્રાથમિક શાળાના નવા ભવનનું તેમના વરદ હસ્તે લોકાર્પણ કરવામાં આવ્યું. આધુનિક સુવિધાઓથી સજ્જ આ નવું શાળા ભવન વિદ્યાર્થીઓને ગુણવત્તાસભર અને સુવિધાયુક્ત શિક્ષણનું ઉત્તમ વાતાવરણ પૂરું પાડશે તેવી આશા વ્યક્ત કરાઈ. આ પ્રસંગે જિલ્લા સંગઠન ઉપપ્રમુખ મોહનભાઈ આહીર, પલસાણા તાલુકા પંચાયત પ્રમુખ અશ્વિનીબેન વાંસિયા, તાલુકા પંચાયત સદસ્ય બિનલબેન આહીર, અંભેટી ગામના સરપંચ સુનિલભાઈ રાઠોડ, તાલુકા પ્રાથમિક શિક્ષણાધિકારી વિરલભાઈ, પૂર્વ મહામંત્રી ધર્મેન્દ્રસિંહ મેઘાત સહિત અનેક રાજકીય આગેવાનો, શિક્ષણ વિભાગના અધિકારીઓ, ગ્રામ પંચાયતના સભ્યો, શિક્ષકો, વાલીઓ અને મોટી સંખ્યામાં ગ્રામજનો ઉપસ્થિત રહ્યા હતા. શાળા પ્રવેશોત્સવ અંતર્ગત, નવા પ્રવેશ મેળવનાર વિદ્યાર્થીઓનું તિલક કરી, પુષ્પગુચ્છ અને મીઠાઈ આપી હર્ષોલ્લાસ સાથે સ્વાગત કરવામાં આવ્યું. મહેમાનોએ પોતાના સંબોધનમાં બાળ શિક્ષણ, કન્યા કેળવણી અને સરકારી શાળાઓમાં ગુણવત્તાસભર શિક્ષણને વધુ મજબૂત બનાવવા સૌના સહયોગની જરૂરિયાત પર ભાર મૂક્યો. કાર્યક્રમ બાદ, અંભેટી ગામના સરપંચ સુનિલભાઈ રાઠોડના હસ્તે શાળાના વિકાસમાં આર્થિક અને અન્ય રીતે સહયોગ આપનાર દાતાશ્રીઓનું સન્માનપત્ર અને શાલ ઓઢાડી સન્માન કરાયું, અને શાળા પરિવારે તમામ દાતાશ્રીઓનો જાહેર આભાર માન્યો. અંભેટી ખાતેનો કાર્યક્રમ પૂર્ણ થયા પછી, પૂર્વ કેબિનેટ મંત્રી ઈશ્વરભાઈ પરમારે પલસાણા તાલુકાના લાખણપોર અને પુણી ગામોની પ્રાથમિક શાળાઓમાં આયોજિત શાળા પ્રવેશોત્સવ અને કન્યા કેળવણી મહોત્સવમાં પણ હાજરી આપી વિદ્યાર્થીઓને અભિનંદન પાઠવ્યા. તેમણે શિક્ષણને પ્રાથમિકતા આપવા અપીલ પણ કરી હતી. સમગ્ર કાર્યક્રમ ઉત્સાહપૂર્ણ અને પ્રેરણાદાયી વાતાવરણમાં સંપન્ન થયો, જેમાં ગ્રામજનો અને વાલીઓએ મોટી સંખ્યામાં હાજરી આપી શિક્ષણ પ્રત્યે પોતાની પ્રતિબદ્ધતા વ્યક્ત કરી.

સુરતના કરેલાદરવાજા ખાતે મોહરમના દસમા ચાંદ નિમિત્તે ટેમ્પો ચાલક વેલફેર એસોસિએશન દ્વારા એક છબીલનું આયોજન કરવામાં આવ્યું હતું. આ પ્રસંગે મોટી સંખ્યામાં લોકોએ શરબત, પાણી અને બિસ્કિટનો લાભ લીધો હતો. ટેમ્પો ચાલક વેલફેર એસોસિએશનના પ્રમુખ અયુબભાઈ શેખ અને તેમની ટીમે આ આયોજનને સુંદર રીતે પાર પાડી સેવાભાવી કામગીરીનું ઉત્તમ ઉદાહરણ પૂરું પાડ્યું. આ સેવાભાવી કાર્યક્રમ દ્વારા સુરત શહેરમાં કોમી એકતા, ભાઈચારો અને માનવસેવાનું સુંદર પ્રતીક જોવા મળ્યું.

સુરત ક્રાઈમ બ્રાન્ચને એક મોટી સફળતા મળી છે, જેમાં ૨૨ વર્ષથી ચોરીના ગુનામાં ફરાર એક આરોપીને મહારાષ્ટ્રમાંથી ઝડપી પાડવામાં આવ્યો છે. આ આરોપી ઘણા લાંબા સમયથી પોલીસની પકડથી દૂર હતો, અને તેની ધરપકડને સુરત ક્રાઈમ બ્રાન્ચની મહત્વપૂર્ણ કાર્યવાહી તરીકે જોવામાં આવી રહી છે.

સુરત શહેરમાં ચલાવવામાં આવી રહેલા 'નો ડ્રગ્સ ઇન સુરત સિટી' અભિયાન અંતર્ગત સચિન પોલીસે એક મોટી કાર્યવાહી કરી છે. આ કાર્યવાહી દરમિયાન, પોલીસે કુલ 42.02 કિલોગ્રામ ગાંજા સાથે ત્રણ મહિલા તસ્કરોની ધરપકડ કરી છે.

ધોળાપીપળા હાઈવે પર 'બુલડોઝર' એક્શન હાથ ધરવામાં આવી હતી. નેશનલ હાઈવે ઓથોરિટી (NHAI) દ્વારા હાઈવેની આજુબાજુ થયેલા કાચા શેડ અને ગેરકાયદેસર દબાણો હટાવવાની તજવીજ શરૂ કરવામાં આવી છે.

સુરત શહેરમાં એક હૃદયદ્રાવક ઘટના બની છે, જ્યાં ડિંડોલી વિસ્તારની પ્રયોશા પાર્ક સોસાયટીમાં પોતાના ઘર પાસે રમી રહેલી ચાર વર્ષીય બાળકી સ્નેહાને બેફામ રીતે કાર ચલાવી રહેલા એક ચાલકે કચડી નાખતા તેનું કરુણ મોત થયું છે. કાર ચાલક નીતિન મિશ્રા, જે સોસાયટીનો જ રહેવાસી છે, તેણે બાળકીના ઘર પાસે વળાંક લેતી વખતે તેને અડફેટે લીધી હતી. સ્નેહાના રડવાનો અવાજ સાંભળીને તેનો પરિવાર અને સોસાયટીના અન્ય લોકો તાત્કાલિક ઘટના સ્થળે દોડી આવ્યા હતા. બાળકીને સારવાર માટે હોસ્પિટલ લઈ જવામાં આવી હતી, જ્યાં તબીબે તેને મૃત જાહેર કરી હતી. બાળકીના પરિવારે આક્ષેપ કર્યો છે કે કાર ચાલક નીતિન મિશ્રા ફોન પર વાત કરતા કરતા કાર ચલાવી રહ્યો હતો, જેના કારણે આ ગંભીર અકસ્માત સર્જાયો. પરિવારે આ ઘટના માટે જવાબદાર કાર ચાલક વિરુદ્ધ કડકમાં કડક કાર્યવાહી કરવાની માંગ કરી છે. ઘટનાની જાણ થતા જ ડિંડોલી પોલીસ તાત્કાલિક સ્થળ પર પહોંચી હતી અને કાર ચાલક નીતિન મિશ્રાની ધરપકડ કરી હતી. પોલીસે આરોપી વિરુદ્ધ ગુનો નોંધીને આગળની કાયદેસરની કાર્યવાહી હાથ ધરી છે.

સુરત શહેરના ઇચ્છાપોર પોલીસ સ્ટેશન વિસ્તારમાંથી સંબંધોના લોહિયાળ અંતની એક હૃદયકંપાવનારી ઘટના સામે આવી છે. ઇચ્છાપોરના ભાઠા ગામની ઝૂંપડપટ્ટીમાં છેલ્લા આઠ વર્ષથી પતિ-પત્નીની જેમ લિવ-ઈન રિલેશનશિપમાં રહેતા એક યુગલ વચ્ચેના ઘર કંકાસમાં આ ખૌફી વળાંક આવ્યો હતો. રોજિંદા આર્થિક તંગી અને ઝઘડાથી કંટાળીને મહિલાએ તેના જ પાર્ટનરની શાકભાજી કે બટાકા છોલવાના ચપ્પુ વડે ઘાતકી હત્યા કરી નાખી છે.