କୋକସରା ଥାନା ଅନ୍ତର୍ଗତ ଡଙ୍ଗରୀଗୁଡ଼ା ଏନଏଚ-୨୬ ରାସ୍ତା କଡ଼ରୁ କୋକସରା ୟଙ୍ଗ୍ ଷ୍ଟାର୍ ଯୁବ ଗୋଷ୍ଠୀ ମଇଁଷି ବୋଝେଇ ଏକ କଣ୍ଟେନରକୁ ଧରିଛନ୍ତି। ସୂଚନାନୁସାରେ, ଏହି ଯୁବ ଗୋଷ୍ଠୀ ଉକ୍ତ କଣ୍ଟେନରକୁ କୋକସରା ଥାନା ପୋଲିସକୁ ଜିମା ଦେଇଛନ୍ତି।

କୋକସରା ଥାନା ଅନ୍ତର୍ଗତ ଡଙ୍ଗରୀଗୁଡ଼ା ଏନଏଚ-୨୬ ରାସ୍ତା କଡ଼ରୁ କୋକସରା ୟଙ୍ଗ୍ ଷ୍ଟାର୍ ଯୁବ ଗୋଷ୍ଠୀ ମଇଁଷି ବୋଝେଇ ଏକ କଣ୍ଟେନରକୁ ଧରିଛନ୍ତି। ସୂଚନାନୁସାରେ, ଏହି ଯୁବ ଗୋଷ୍ଠୀ ଉକ୍ତ କଣ୍ଟେନରକୁ କୋକସରା ଥାନା ପୋଲିସକୁ ଜିମା ଦେଇଛନ୍ତି।

ବାଘ ଛାଲର ଚୋରା ଚାଲାଣ ବେଳେ ଅମଳାଭାଟା ଚର୍ଚ୍ଚର ପାଷ୍ଟରଙ୍କୁ ଗିରଫ କରାଯାଇଛି। ଚୋରା ଚାଲାଣ ସମୟରେ ପାଷ୍ଟରଙ୍କ ନିକଟରୁ ବାଘ ଛାଲ ଜବତ ହୋଇଛି।

ଉମରକୋଟ ମେଡିକାଲରେ ଜଣେ ଡାକ୍ତରଙ୍କ ନାମରେ ଏକ ସଂଗୀନ ଅଭିଯୋଗ ଆସିଛି। ଉମରକୋଟ ଥାନା ଅନ୍ତର୍ଗତ ସୁଖୀଗାଁ ପଞ୍ଚାୟତର ଗାବରୀଗୁଡା ଗ୍ରାମର ଧନମତି ସାନ୍ତା ନାମକ ଜଣେ ମହିଳା ଓ ତାଙ୍କ ସ୍ୱାମୀ ଅଭିଯୋଗ କରିଛନ୍ତି ଯେ ସେମାନଙ୍କ ନବଜାତ ଶିଶୁପୁତ୍ରକୁ ଡାକ୍ତର ଚୋରି କରି ନେଇଛନ୍ତି। ଏହି ଗୁରୁତର ଅଭିଯୋଗ ନେଇ ପରିବାର ଲୋକ ଓ ଜଣେ ସମାଜସେବୀଙ୍କ ସହିତ ଉକ୍ତ ଦମ୍ପତି ଉମରକୋଟ ଥାନାରେ ମାମଲା ରୁଜୁ କରିଛନ୍ତି। ଅଭିଯୋଗ ଅନୁଯାୟୀ, ଧନମତି ପ୍ରସୂତି ପାଇଁ ଉମରକୋଟ ମେଡିକାଲରେ ଭର୍ତ୍ତି ହୋଇଥିଲେ। ଆବଶ୍ୟକ କାର୍ଡ ଓ ସମୟ ଅନୁସାରେ ଡାକ୍ତର ତାଙ୍କର ଅସ୍ତ୍ରୋପଚାର କରି ଏକ ଶିଶୁପୁତ୍ର ଜନ୍ମ ହୋଇଥିବା ଧନମତିଙ୍କୁ ଜଣାଇଥିଲେ। ପ୍ରସୂତି ମାଆ କହିଛନ୍ତି ଯେ ଶିଶୁକୁ କିଛି ସମୟ ପାଇଁ ମାଆର ଛାତିରେ ଦିଆଯାଇ ପରେ ନେଇଯାଇଥିଲେ। ପରେ ଧନମତିଙ୍କ ସ୍ୱାମୀଙ୍କଠାରୁ ଏକ ଦସ୍ତଖତ ନେଇ ଶିଶୁଟିକୁ ଆମ୍ବୁଲାନ୍ସ ଯୋଗେ କୋରାପୁଟ ମେଡିକାଲକୁ ଚିକିତ୍ସା ପାଇଁ ପଠାଇ ଦିଆଯାଇଥିଲା। ତା’ପରେ ଫୋନ ଯୋଗେ ଜଣାଯାଇଥିଲା ଯେ ଶିଶୁପୁତ୍ରର ମୃତ୍ୟୁ ହୋଇଛି। କୋରାପୁଟ ମେଡିକାଲରୁ ୬ ଦିନ ପରେ ଗାଁରେ ପହଞ୍ଚିବା ପରେ ନବଜାତ ଶିଶୁର ମୃତଦେହ ଫେରାଇ ଦେବାକୁ କହିବାରୁ ଡାକ୍ତର ମନା କରି ଦେଇଥିବା ଅଭିଯୋଗ ହୋଇଛି। ଅଭିଯୋଗପତ୍ରରେ ଦର୍ଶାଯାଇଛି ଯେ, ଗାଁ ଲୋକେ ଓ ସରପଞ୍ଚଙ୍କ ପରାମର୍ଶ ନେଇଥିଲେ ମଧ୍ୟ ଗାଁର ଜଣେ ଆଶା କର୍ମୀ ସେମାନଙ୍କୁ ଥାନାରେ ଅଭିଯୋଗ ନ କରିବାକୁ ଧମକାଇଥିଲେ। ଏତିକି ନୁହେଁ, ପାଖ ଗାଁର ଜଣେ ବ୍ୟକ୍ତି ମଧ୍ୟ ଥାନାରେ ଅଭିଯୋଗ କରିବାକୁ ମନା କରିଥିଲେ। ଉଭୟ ଦମ୍ପତି ଓ ପରିବାର ବର୍ଗ 'ଆମ ପିଲାକୁ ଚୋରି କରିଛନ୍ତି' ବୋଲି ସଂଗୀନ ଅଭିଯୋଗ ଆଣି ଥାନାକୁ ଯାଇଛନ୍ତି। ଉମରକୋଟ ଥାନା ଅଧିକାରୀ ବିପିନ ବାଘଙ୍କୁ ଫୋନ ଯୋଗେ ଯୋଗାଯୋଗ କରିବାରୁ ସେ କହିଛନ୍ତି ଯେ କେସ ଉପରେ ତଦନ୍ତ କରାଯାଇ ଆଇନ ଅନୁସାରେ ପଦକ୍ଷେପ ଗ୍ରହଣ କରାଯିବ।

ନବରଙ୍ଗପୁର ଜିଲ୍ଲା ଡାବୁଗାଁ ରେଞ୍ଜ ଅନ୍ତର୍ଗତ ପାତ୍ରୀ ସଂରକ୍ଷିତ ଜଙ୍ଗଲରୁ ୧୦ ଲକ୍ଷ ଟଙ୍କାରେ ବିକ୍ରି ଉଦ୍ୟମ କରାଯାଉଥିବା ଏକ ମହାବଳ ବାଘ ଛାଲ ଜବତ ହୋଇଛି। ଏହି ଘଟଣାରେ ବନ ବିଭାଗ ଗ୍ରାହକ ସାଜି ଜଣକୁ ଗିରଫ କରିଥିବା ବେଳେ ଅନ୍ୟ ଦୁଇ ଜଣ ଘଟଣାସ୍ଥଳରୁ ଫେରାର ହୋଇଯାଇଛନ୍ତି। ନବରଙ୍ଗପୁର ବନଖଣ୍ଡ ଅଧିକାରୀ ଉଦୟନ ସୁବୁଦ୍ଧିଙ୍କ ସୂଚନା ଅନୁସାରେ, ଗତ କିଛି ଦିନ ଧରି ଜିଲ୍ଲାରେ ମହାବଳ ବାଘ ଛାଲ ବିକ୍ରି ହେଉଥିବା ନେଇ ଗୁପ୍ତ ସୂଚନା ମିଳିବା ପରେ ବନ ବିଭାଗ ସତର୍କ ହୋଇଥିଲା। ବିଶ୍ୱସ୍ତ ସୂତ୍ରରୁ ଖବର ପାଇ ଏସିଏଫ୍ ସୁବାଷ ଚନ୍ଦ୍ର ଖୁଣ୍ଟିଆ ଏବଂ ଡାବୁଗାଁ ବନାଞ୍ଚଳ ଅଧିକାରୀ ରାମଚନ୍ଦ୍ର ଭତରାଙ୍କ ତତ୍ୱାବଧାନରେ ଏକ ଟିମ୍ ଗଠନ କରାଯାଇଥିଲା। ଏହି ଟିମ୍ ଡାବୁଗାଁ ବନାଞ୍ଚଳ ଅନ୍ତର୍ଗତ ପାତ୍ରୀ ଗ୍ରାମ ପଞ୍ଚାୟତ କାର୍ଯ୍ୟାଳୟ ପଛରେ ଥିବା ପାତ୍ରୀ ସଂରକ୍ଷିତ ଜଙ୍ଗଲ ମଧ୍ୟରେ ଜଣେ ସନ୍ଦିଗ୍ଧ ବ୍ୟକ୍ତି ଏକ ବ୍ୟାଗରେ ରୟାଲ ବେଙ୍ଗଲ (ମହାବଳ) ବାଘ ଛାଲ ଚୋରା ଚାଲାଣ ପାଇଁ ପ୍ରସ୍ତୁତ ହେଉଥିବା ବେଳେ ବନ କର୍ମଚାରୀମାନେ ଗ୍ରାହକ ସାଜି ତାଙ୍କୁ ଧରିବାରେ ସଫଳ ହୋଇଥିଲେ। ବାଘ ଛାଲକୁ ସିଲାଇ କରାଯାଇ ୧୦ ଲକ୍ଷ ଟଙ୍କାରେ ବିକ୍ରି କରିବା ଉଦ୍ଦେଶ୍ୟରେ ରଖାଯାଇଥିଲା। ଗିରଫ ହୋଇଥିବା ଅଭିଯୁକ୍ତ ଜଣକ ଡାବୁଗାଁ ଥାନା ଅନ୍ତର୍ଗତ ପାତ୍ରୀ ଗ୍ରାମର ଶିବୁନ ଟାକ୍ରୀ ବୋଲି ଜଣାପଡିଛି, ଯିଏକି ଜଣେ ପାଷ୍ଟର ଭାବେ କାର୍ଯ୍ୟ କରୁଥିବା ଡିଏଫଓ ସୂଚନା ଦେଇଛନ୍ତି। ତାଙ୍କ ନିକଟରୁ ବାଘ ଛାଲ ସହ ଏକ ବାଇକ୍ ମଧ୍ୟ ଜବତ କରାଯାଇଛି। ବନ ବିଭାଗ ତରଫରୁ ଏ ନେଇ ଏକ ମାମଲା ରୁଜୁ କରାଯାଇଥିବା ବେଳେ ଫେରାର ହୋଇଥିବା ଦୁଇ ଅଭିଯୁକ୍ତଙ୍କୁ ଗିରଫ କରିବା ପାଇଁ ଉଦ୍ୟମ ଜାରି ରହିଛି। ଏଥିରେ ସଂପୃକ୍ତ ଅନ୍ୟମାନଙ୍କୁ ଚିହ୍ନଟ କରିବା ପାଇଁ ଅଧିକ ତଦନ୍ତ ଚାଲିଛି।

କଳାହାଣ୍ଡି ଜିଲ୍ଲାର କୋକସରା ବ୍ଲକ ଅନ୍ତର୍ଗତ ଚିକିଲି ଗ୍ରାମକୁ ଶନିବାର ଦିନ ଖାଦ୍ୟ ଅନ୍ୱେଷଣରେ ଦୁଇଟି ଜଙ୍ଗଲୀ ଭାଲୁ ପଶି ଆସିଥିଲେ। ଗ୍ରାମ ମଧ୍ୟରେ ଭାଲୁ ଦୁଇଟିକୁ ଦେଖି ଚିକିଲି ଗ୍ରାମବାସୀ ଭୟଭୀତ ହୋଇପଡ଼ିଥିଲେ। ଏହି ଘଟଣା ନେଇ ଗ୍ରାମବାସୀ ବନ ବିଭାଗକୁ ଖବର ଦେବା ପରେ, ଦକ୍ଷିଣ ବନ ଖଣ୍ଡ ଅଧୀନରେ ଥିବା କୋକସରା ଫରେଷ୍ଟ ସେକ୍ସନର ଫରେଷ୍ଟର ରଶ୍ମି ରଞ୍ଜିତା ନାଏକ ନିଜ ଟିମ୍ ସହ ଚିକିଲି ଗ୍ରାମରେ ପହଞ୍ଚି ପୋଲିସକୁ ମଧ୍ୟ ସୂଚନା ଦେଇଥିଲେ। ଦୀର୍ଘ ସମୟ ଧରି ବନ ବିଭାଗ କର୍ମଚାରୀ ଓ ଗ୍ରାମବାସୀଙ୍କ ଅକ୍ଲାନ୍ତ ପରିଶ୍ରମ ପରେ, ଦିନ ୧୧ଟା ୩୦ ମିନିଟ୍ ସମୟରେ ଭାଲୁ ଦୁଇଟିକୁ ଜନବସତିରୁ ବାହାରକୁ ଘଉଡ଼ାଇ ଦିଆଯାଇଥିଲା। ଏହି ଦୁଇଟି ଜଙ୍ଗଲୀ ଭାଲୁଙ୍କୁ ଜନବସତିରୁ ହଟାଇବା ପାଇଁ ବନ ବିଭାଗ କର୍ମଚାରୀଙ୍କୁ ନାକେଦମ୍ ହେବାକୁ ପଡ଼ିଥିଲା। ବନ ବିଭାଗ କର୍ମଚାରୀମାନେ ବର୍ତ୍ତମାନ ଚିକିଲି ଗ୍ରାମରେ ଡେରା ପକାଇ ଭାଲୁ ଉପରେ ନଜର ରଖିଛନ୍ତି। ତେବେ, ଭାଲୁ ପୁଣିଥରେ ଜନବସତି ମୁହାଁ ହେବାର ଆଶଙ୍କାକୁ ଏଡ଼ାଇ ଦିଆଯାଇପାରିବ ନାହିଁ।

କୋରାପୁଟ ଜିଲ୍ଲାର କୋଟପାଡ଼ରେ ଅନ୍ତର୍ଜାତୀୟ ଯୋଗ ଦିବସ ପାଳନ କରାଯାଇଛି। ଏହି ଅବସରରେ ଜଣେ ଯୋଗଗୁରୁ ଯୋଗ ଶିକ୍ଷା ପ୍ରଦାନ କରିଥିଲେ।

କଳାହାଣ୍ଡି ଜିଲ୍ଲାର କୋକସରା ବ୍ଲକ ଅନ୍ତର୍ଗତ ଚିକିଲି ଗ୍ରାମରେ ଏକ ଭାଲୁ ପଶିଥିବା ସୂଚନା ମିଳିଛି। ଏହି ଖବର ପାଇବା ପରେ ସ୍ଥାନୀୟ ପୋଲିସ ଏବଂ ବନ ବିଭାଗର କର୍ମଚାରୀମାନେ ଚିକିଲି ଗ୍ରାମରେ ପହଞ୍ଚି ଭାଲୁ ଉପରେ ନଜର ରଖିଛନ୍ତି।

ଡାବୁଗାଁ ବନ ବିଭାଗ ପାଟ୍ରି ଜଙ୍ଗଲ ନିକଟରେ ମହାବଳ ବାଘ ଛାଲ ବିକ୍ରି ସମୟରେ ଜଣେ ବ୍ୟକ୍ତିଙ୍କୁ ଗିରଫ କରିବା ସହ ବାଘ ଛାଲ ଜବତ କରିବାରେ ସଫଳ ହୋଇଛି। ବିଶେଷ ସୂତ୍ରରୁ ଖବର ପାଇ ନବରଙ୍ଗପୁର DFO ଉଦୟମାନ ସୁବୁଦ୍ଧିଙ୍କ ନେତୃତ୍ୱରେ ନବରଙ୍ଗପୁର ଏବଂ ଡାବୁଗାଁ ବନ ବିଭାଗ ପକ୍ଷରୁ ଚଢ଼ାଉ କରାଯାଇଥିଲା। ଏହି ଚଢ଼ାଉ ବେଳେ ତିନି ଜଣ ବ୍ୟବସାୟୀ ୧୦ ଲକ୍ଷ ଟଙ୍କାରେ ବାଘ ଛାଲ ବିକ୍ରି ପାଇଁ ମୂଲଚାଲ କରୁଥିଲେ। ବନ ବିଭାଗର ଚଢ଼ାଉ ସମୟରେ ଦୁଇ ଜଣ ବ୍ୟବସାୟୀ ଘଟଣାସ୍ଥଳରୁ ଫେରାର ହୋଇଯାଇଥିବା ବେଳେ ଜଣେ ବ୍ୟବସାୟୀଙ୍କୁ ବାଘ ଛାଲ ସହ ଧରାଯାଇଛି। ଗିରଫ ହୋଇଥିବା ବ୍ୟକ୍ତି ଜଣକ ପାଟ୍ରି ଗ୍ରାମ ପଞ୍ଚାୟତର ଖୋଲିଗୁଡ଼ା ଗାଁର ବୋଲି ଜଣାପଡ଼ିଛି। ସେ ତେନ୍ତୁଳିଖୁଣ୍ଟି ବ୍ଲକର ଅମଳଭଟା ଚର୍ଚ୍ଚରେ ଫାଷ୍ଟର ଭାବେ କାର୍ଯ୍ୟ କରୁଥିଲେ। ଏହି ବାଘ ଛାଲଟି ଝାରସୁଗୁଡ଼ା ଜିଲ୍ଲାରୁ ଅଣାଯାଇଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି। ଏହି ରାକେଟରେ ଅନ୍ୟ କେଉଁ ଅଭିଯୁକ୍ତମାନେ ସଂଶ୍ଳିଷ୍ଟ ଅଛନ୍ତି, ତାହାକୁ ନେଇ ପୋଲିସ ପକ୍ଷରୁ ଅନୁସନ୍ଧାନ ଜାରି ରହିଛି। ନବରଙ୍ଗପୁର DFO ଉଦୟମାନ ସୁବୁଦ୍ଧିଙ୍କ ନେତୃତ୍ୱରେ ଏହି ଅପରେସନରେ ନବରଙ୍ଗପୁର ACF ସୁବାସ ଚନ୍ଦ୍ର ଖୁଣ୍ଟିଆ, ଡାବୁଗାଁ ରେଞ୍ଜର ରାମଚନ୍ଦ୍ର ଭତ୍ରା, ଜୋଟାବାଲ ଫରେଷ୍ଟର ପ୍ରଫୁଲ କୁମାର ମାଝୀ, ଫରେଷ୍ଟର ଉମାକାନ୍ତ ପଟ୍ଟନାୟକ, ଫରେଷ୍ଟ ଗାର୍ଡ ଟିମ ଏବଂ ନବରଙ୍ଗପୁର ୱାଇଲ୍ଡ ଲାଇଫ ସ୍କ୍ୱାଡ୍ ସାମିଲ ଥିଲେ।