आरोग्य विमा क्लेम मंजुरी व अवाजवी बिलांवर तोडगा शोधण्यासाठी आरोग्यमंत्र्यांची बैठक आरोग्य विमा क्लेम मंजुरी व अवाजवी बिलांवर तोडगा शोधण्यासाठी आरोग्यमंत्र्यांची बैठक रुग्णकल्याणासाठी निश्चित कार्यपद्धती ठरवण्यावर भर रुग्णांना उपचारादरम्यान विमा कंपन्यांकडून क्लेम मंजुरी मिळण्यात येणाऱ्या अडचणी तसेच काही रुग्णालयांकडून आकारल्या जाणाऱ्या अवाजवी वैद्यकीय बिलांच्या तक्रारींच्या पार्श्वभूमीवर राज्याचे आरोग्यमंत्री प्रकाश आबिटकर यांनी मंत्रालयात महत्त्वपूर्ण बैठक आयोजित केली. या बैठकीत रुग्णांच्या हितासाठी निश्चित कार्यपद्धती ठरवण्याबाबत सविस्तर चर्चा करण्यात आली. राज्यात प्रथमच विमा कंपन्या, खासगी रुग्णालये, भारतीय विमा नियामक आणि विकास प्राधिकरण (आयआरडीए) तसेच आरोग्य विभागाचे प्रतिनिधी एकाच व्यासपीठावर येऊन या विषयावर चर्चा केली. रुग्णांना उपचारावेळी येणाऱ्या अडचणी कमी करण्यासाठी तसेच पारदर्शक प्रणाली निर्माण करण्यासाठी आवश्यक उपाययोजनांवर बैठकीत विचारमंथन झाले. यावेळी बोलताना आरोग्यमंत्री प्रकाश आबिटकर म्हणाले की, विमा कंपन्या आणि रुग्णालये व्यावसायिक पद्धतीने काम करत असली तरी सामान्य नागरिकांवर अन्याय होणार नाही, याची काळजी घेणे अत्यावश्यक आहे. वैद्यकीय विमा ही अत्यंत महत्त्वाची बाब असून मुंबई, पुण्यासारख्या मोठ्या शहरांत दर्जेदार आणि अद्ययावत वैद्यकीय सेवा देणाऱ्या रुग्णालयांची तसेच खासगी विमाधारकांची संख्या वाढत आहे. राज्यात वैद्यकीय पर्यटनाच्या (मेडिकल टुरिझम) विकासासाठी रुग्णालये व विमा कंपन्यांनी व्यवसायातील विश्वासार्हता वाढवणे गरजेचे आहे. रुग्ण हा केंद्रबिंदू मानून सर्व यंत्रणांनी काम करणे आवश्यक असल्याचेही त्यांनी स्पष्ट केले. या बैठकीमुळे रुग्णांना उपचारावेळी क्लेम मंजुरी मिळण्यात येणाऱ्या अडचणी कमी करण्यासाठी आणि वैद्यकीय बिलांमध्ये पारदर्शकता आणण्यासाठी ठोस कार्यपद्धती निश्चित होण्याची अपेक्षा व्यक्त केली जात आहे.

पत्रकार ओमप्रकाश उढाण

घनसावंगी, जालना, महाराष्ट्र•

1 hr ago

आरोग्य विमा क्लेम मंजुरी व अवाजवी बिलांवर तोडगा शोधण्यासाठी आरोग्यमंत्र्यांची बैठक आरोग्य विमा क्लेम मंजुरी व अवाजवी बिलांवर तोडगा शोधण्यासाठी आरोग्यमंत्र्यांची बैठक रुग्णकल्याणासाठी निश्चित कार्यपद्धती ठरवण्यावर भर रुग्णांना उपचारादरम्यान विमा कंपन्यांकडून क्लेम मंजुरी मिळण्यात येणाऱ्या अडचणी तसेच काही रुग्णालयांकडून आकारल्या जाणाऱ्या अवाजवी वैद्यकीय बिलांच्या तक्रारींच्या पार्श्वभूमीवर राज्याचे आरोग्यमंत्री प्रकाश आबिटकर यांनी मंत्रालयात महत्त्वपूर्ण बैठक आयोजित केली. या बैठकीत रुग्णांच्या हितासाठी निश्चित कार्यपद्धती ठरवण्याबाबत सविस्तर चर्चा करण्यात आली. राज्यात प्रथमच विमा कंपन्या, खासगी रुग्णालये, भारतीय विमा नियामक आणि विकास प्राधिकरण (आयआरडीए) तसेच आरोग्य विभागाचे प्रतिनिधी एकाच व्यासपीठावर येऊन या विषयावर चर्चा केली. रुग्णांना उपचारावेळी येणाऱ्या अडचणी कमी करण्यासाठी तसेच पारदर्शक प्रणाली निर्माण करण्यासाठी आवश्यक उपाययोजनांवर बैठकीत विचारमंथन झाले. यावेळी बोलताना आरोग्यमंत्री प्रकाश आबिटकर म्हणाले की, विमा कंपन्या आणि रुग्णालये व्यावसायिक पद्धतीने काम करत असली तरी सामान्य नागरिकांवर अन्याय होणार नाही, याची काळजी घेणे अत्यावश्यक आहे. वैद्यकीय विमा ही अत्यंत महत्त्वाची बाब असून मुंबई, पुण्यासारख्या मोठ्या शहरांत दर्जेदार आणि अद्ययावत वैद्यकीय सेवा देणाऱ्या रुग्णालयांची तसेच खासगी विमाधारकांची संख्या वाढत आहे. राज्यात वैद्यकीय पर्यटनाच्या (मेडिकल टुरिझम) विकासासाठी रुग्णालये व विमा कंपन्यांनी व्यवसायातील विश्वासार्हता वाढवणे गरजेचे आहे. रुग्ण हा केंद्रबिंदू मानून सर्व यंत्रणांनी काम करणे आवश्यक असल्याचेही त्यांनी स्पष्ट केले. या बैठकीमुळे रुग्णांना उपचारावेळी क्लेम मंजुरी मिळण्यात येणाऱ्या अडचणी कमी करण्यासाठी आणि वैद्यकीय बिलांमध्ये पारदर्शकता आणण्यासाठी ठोस कार्यपद्धती निश्चित होण्याची अपेक्षा व्यक्त केली जात आहे.