*સ્થાનિક સ્વરાજ્યની ચૂંટણી, ૨૦૨૬ બનાસકાંઠા* ======== *બનાસકાંઠા જિલ્લામાં સ્થાનિક સ્વરાજ્ય ચૂંટણીની તૈયારીઓ તેજ: ૧૦ તાલુકાઓમાં વહીવટી તંત્ર સજ્જ* ========= *બનાસકાંઠામાં ૧૪.૪૦ લાખથી વધુ મતદારો કરશે પોતાના મતાધિકારનો ઉપયોગ* ========== બનાસકાંઠા જિલ્લા વહીવટી તંત્ર દ્વારા આગામી સ્થાનિક સ્વરાજ્યની ચૂંટણીઓને અનુલક્ષીને તૈયારીઓ તેજ ગતિએ હાથ ધરવામાં આવી છે. જિલ્લામાં પાલનપુર, વડગામ, દાંતા, હડાદ, અમીરગઢ, ડીસા, કાંકરેજ, ઓગડ, ધાનેરા અને દાંતીવાડા તાલુકાનો સમાવેશ થાય છે, જ્યાં જિલ્લા પંચાયત તથા તાલુકા પંચાયતની બેઠકો માટે ચૂંટણી યોજાનાર છે. ચૂંટણી પ્રક્રિયા પારદર્શક, નિષ્પક્ષ અને શાંતિપૂર્ણ રીતે પૂર્ણ થાય તે માટે તમામ સ્તરે આયોજન કરવામાં આવી રહ્યું છે. જિલ્લા વહીવટી તંત્ર દ્વારા મતદાન મથકોની સુવિધાઓ, સ્ટાફની નિમણૂક, સુરક્ષા વ્યવસ્થા તેમજ જરૂરી સામગ્રીની ઉપલબ્ધતા અંગે વિસ્તૃત કામગીરી હાથ ધરાઈ છે. સાથે જ મતદારોને સરળતાથી મતદાન કરી શકે તે માટે દરેક તાલુકામાં સુવ્યવસ્થિત આયોજન કરવામાં આવી રહ્યું છે. મતદારોની સંખ્યા પર નજર કરીએ તો, બનાસકાંઠા જિલ્લાના આ ૧૦ તાલુકાઓમાં કુલ ૧૪,૪૦,૪૨૩ મતદારો નોંધાયેલા છે. જેમાં ૭,૪૯,૩૦૦ પુરુષ મતદારો, ૬,૯૧,૧૧૧ સ્ત્રી મતદારો તથા ૧૨ અન્ય મતદારોનો સમાવેશ થાય છે. સૌથી વધુ મતદારો પાલનપુર તાલુકામાં ૨,૪૩,૫૦૨ અને ડીસા તાલુકામાં ૧,૦૮,૪૨૧ નોંધાયેલા છે. યુવા અને મહિલા મતદારોમાં જાગૃતિ લાવવા માટે જિલ્લા તંત્ર દ્વારા વિશેષ અભિયાન પણ હાથ ધરાયું છે, જેથી લોકશાહીના આ પર્વમાં મહત્તમ મતદાન નોંધાય.

Jagdish soni

પત્રકાર દેઓદર, બનાસકાંઠા, ગુજરાત•

11 hrs ago

*સ્થાનિક સ્વરાજ્યની ચૂંટણી, ૨૦૨૬ બનાસકાંઠા* ======== *બનાસકાંઠા જિલ્લામાં સ્થાનિક સ્વરાજ્ય ચૂંટણીની તૈયારીઓ તેજ: ૧૦ તાલુકાઓમાં વહીવટી તંત્ર સજ્જ* ========= *બનાસકાંઠામાં ૧૪.૪૦ લાખથી વધુ મતદારો કરશે પોતાના મતાધિકારનો ઉપયોગ* ========== બનાસકાંઠા જિલ્લા વહીવટી તંત્ર દ્વારા આગામી સ્થાનિક સ્વરાજ્યની ચૂંટણીઓને અનુલક્ષીને તૈયારીઓ તેજ ગતિએ હાથ ધરવામાં આવી છે. જિલ્લામાં પાલનપુર, વડગામ, દાંતા, હડાદ, અમીરગઢ, ડીસા, કાંકરેજ, ઓગડ, ધાનેરા અને દાંતીવાડા તાલુકાનો સમાવેશ થાય છે, જ્યાં જિલ્લા પંચાયત તથા તાલુકા પંચાયતની બેઠકો માટે ચૂંટણી યોજાનાર છે. ચૂંટણી પ્રક્રિયા પારદર્શક, નિષ્પક્ષ અને શાંતિપૂર્ણ રીતે પૂર્ણ થાય તે માટે તમામ સ્તરે આયોજન કરવામાં આવી રહ્યું છે. જિલ્લા વહીવટી તંત્ર દ્વારા મતદાન મથકોની સુવિધાઓ, સ્ટાફની નિમણૂક, સુરક્ષા વ્યવસ્થા તેમજ જરૂરી સામગ્રીની ઉપલબ્ધતા અંગે વિસ્તૃત કામગીરી હાથ ધરાઈ છે. સાથે જ મતદારોને સરળતાથી મતદાન કરી શકે તે માટે દરેક તાલુકામાં સુવ્યવસ્થિત આયોજન કરવામાં આવી રહ્યું છે. મતદારોની સંખ્યા પર નજર કરીએ તો, બનાસકાંઠા જિલ્લાના આ ૧૦ તાલુકાઓમાં કુલ ૧૪,૪૦,૪૨૩ મતદારો નોંધાયેલા છે. જેમાં ૭,૪૯,૩૦૦ પુરુષ મતદારો, ૬,૯૧,૧૧૧ સ્ત્રી મતદારો તથા ૧૨ અન્ય મતદારોનો સમાવેશ થાય છે. સૌથી વધુ મતદારો પાલનપુર તાલુકામાં ૨,૪૩,૫૦૨ અને ડીસા તાલુકામાં ૧,૦૮,૪૨૧ નોંધાયેલા છે. યુવા અને મહિલા મતદારોમાં જાગૃતિ લાવવા માટે જિલ્લા તંત્ર દ્વારા વિશેષ અભિયાન પણ હાથ ધરાયું છે, જેથી લોકશાહીના આ પર્વમાં મહત્તમ મતદાન નોંધાય.