કુદરતી મારના કારણે સુરતના વેપારીઓને કરોડોનું મોટું નુકસાન વેઠવાનો વારો આવ્યો છે. આ કુદરતી હોનારતમાં વેપારીઓનો માલસામાન અને ફર્નિચર સહિત બધું જ બરબાદ થઈ ગયું છે.

લોકો કહે છે કે ક્યારે કોને કોની જરૂર પડી જાય એ કોઈ નથી જાણતું.

અમરેલી જિલ્લાના સાવરકુંડલા ડિવિઝન પોલીસ દ્વારા કાયદો અને વ્યવસ્થાની સ્થિતિ સુદ્રઢ કરવા માટે એક મોટું અને કડક પગલું ભરવામાં આવ્યું છે. આગામી સમયમાં આવી રહેલા ધાર્મિક અને સામાજિક તહેવારોમાં શાંતિ ભંગ ન થાય તે માટે DYSP વિરલ ચંદનની આગેવાની હેઠળ સાવરકુંડલા ડિવિઝનના ચાર પોલીસ સ્ટેશન વિસ્તારના કુલ 173 જેટલા રીઢા ગુનેગારો, બૂટલેગરો અને અસામાજિક તત્વોની એકસાથે 'હાજરી પરેડ' યોજવામાં આવી હતી. આ પરેડ દરમિયાન તમામ ગુનેગારોની કડક પૂછપરછ કરી કાયદાના દાયરામાં રહેવા ખુલ્લી ચેતવણી આપવામાં આવી છે. સાવરકુંડલા ટાઉન, રૂરલ, વંડા અને લીલીયા પોલીસ સ્ટેશન વિસ્તારના અગાઉ પકડાયેલા ગુનેગારો પર વોચ રાખવા માટે યોજાયેલી આ વિશેષ પરેડમાં ભૂતકાળના હિસ્ટ્રીશીટરો, પ્રોહિબિશન હેઠળ પકડાયેલા બૂટલેગરો, ગુજસીટોક (GUJCTOC) ના આરોપીઓ, ગેરકાયદેસર વ્યાજવટાવની પ્રવૃત્તિ કરતા વ્યાજખોરો તેમજ શરીર અને મિલકત સંબંધી ગુનાઓમાં સંડોવાયેલા લોકોને બોલાવવામાં આવ્યા હતા. આ પરેડમાં સાવરકુંડલા ટાઉનના 98 આરોપીઓ, સાવરકુંડલા રૂરલના 54 આરોપીઓ, લીલીયા પોલીસ સ્ટેશનના 11 આરોપીઓ અને વંડા પોલીસ સ્ટેશનના 10 આરોપીઓ સહિત કુલ 173 ગુનેગારોની હાજરી તપાસવામાં આવી હતી. પોલીસ અધિકારીઓ દ્વારા તમામ આરોપીઓની હાલની સામાજિક પ્રવૃત્તિઓ અને કામધંધા અંગે ઝીણવટભરી પૂછપરછ કરીને તેઓ ફરીથી ગુનાહિત પ્રવૃત્તિઓમાં સક્રિય થયા છે કે કેમ તેની ખરાઈ કરવામાં આવી હતી. DYSP વિરલ ચંદન સાહેબે તમામ ગુનેગારોને કડક શબ્દોમાં સમજ આપી સૂચના આપી હતી કે જો કોઈ પણ તત્વ કાયદો હાથમાં લેશે તો તેની સામે કડક કાનૂની પગલાં લેવામાં આવશે. સાવરકુંડલા ટાઉન, રૂરલ, વંડા અને લીલીયા પોલીસ સ્ટેશનના ઉચ્ચ પોલીસ અધિકારીઓ અને સ્ટાફની હાજરીમાં યોજાયેલી આ કડક કાર્યવાહીથી અસામાજિક તત્વોમાં ફફડાટ વ્યાપી ગયો છે, જ્યારે બીજી તરફ સામાન્ય જનતાએ રાહતનો શ્વાસ લીધો છે.

અમરેલીમાં અસામાજિક તત્વો વિરુદ્ધ અમરેલી પોલીસે એક ગર્જનાત્મક પગલું ભર્યું છે. પોલીસે આવા અસામાજિક તત્વોને ભારે કડક શબ્દોમાં ચેતવણી આપી દીધી છે. અમરેલી પોલીસ દ્વારા સ્પષ્ટપણે જણાવવામાં આવ્યું છે કે કાયદામાં રહેશો તો ફાયદામાં રહેશો.

ભાણવડ તાલુકાના મેવાસા ગામે વાડી વિસ્તારમાં આવેલા એક ઊંડા કૂવામાં છેલ્લા ત્રણ દિવસથી મોત સામે ઝઝૂમી રહેલા એક શિયાળને એનિમલ લવર્સની ટીમે જીવના જોખમે હેમખેમ બહાર કાઢી નવજીવન આપ્યું છે. ત્રણ દિવસથી કૂવામાં ફસાયેલું આ શિયાળ ભૂખ, તરસ અને મરણતોલ પરિસ્થિતિનો સામનો કરી રહ્યું હતું, જેને સફળતાપૂર્વક રેસ્ક્યુ કરીને તેના કુદરતી આવાસમાં સુરક્ષિત રીતે મુક્ત કરવામાં આવ્યું છે. આ ઘટના ત્યારે સામે આવી જ્યારે કૂવામાં પડેલા શિયાળને બહાર કાઢવાના વાડી માલિકના તમામ પ્રયાસો નિષ્ફળ રહ્યા હતા. આખરે તેમણે ભાણવડ એનિમલ લવર્સ ચેરિટેબલ ટ્રસ્ટના અશોકભાઈ ભટ્ટનો સંપર્ક સાધ્યો હતો. ઘટનાની ગંભીરતાને ધ્યાને રાખીને સંસ્થાના અશોકભાઈ ભટ્ટની સાથે વિજય ખૂંટી, વિશાલ ભરવાડ અને રામા ભરવાડની ટીમ ક્ષણનો પણ વિલંબ કર્યા વિના તાત્કાલિક ઘટનાસ્થળે પહોંચી ગઈ હતી. કૂવો ઊંડો હોવા છતાં, પોતાના જાનનું જોખમ ખેડીને ટીમના સભ્યો કૂવામાં ઉતર્યા હતા અને ભારે જહેમત બાદ શિયાળને સુરક્ષિત રીતે બહાર કાઢ્યું હતું. જીવના જોખમે અબોલ જીવનો જીવ બચાવવાની આ કામગીરીને ગ્રામજનો અને પશુપ્રેમીઓએ ભારે બિરદાવી હતી.

અમદાવાદ જિલ્લાના ધંધુકા તાલુકાના ઓતારિયા ગામમાં નબળા મોબાઈલ નેટવર્કના કારણે તમામ ડિજિટલ સેવાઓ ઠપ થઈ ગઈ છે, જેના લીધે કટોકટીના સમયે ૧૦૮ ઈમરજન્સી સેવા મેળવવી પણ મુશ્કેલ બની ગઈ છે. સ્થાનિક રહીશોના જણાવ્યા મુજબ, નબળા નેટવર્કને કારણે બેંકમાં ડિજિટલ ખાતા ખોલાવવા, ઓનલાઈન એન્ટ્રી કરવી, સરકારી પોર્ટલ પર કામગીરી કરવી અને અન્ય ઓનલાઈન સેવાઓનો લાભ લેવામાં ભારે વિલંબનો સામનો કરવો પડી રહ્યો છે. ગ્રામજનોએ આક્રોશ સાથે જણાવ્યું છે કે, ડિજિટલ ભારતના યુગમાં મોબાઈલ નેટવર્ક જેવી પ્રાથમિક સુવિધા ન હોવી તે ગામના વિકાસમાં સૌથી મોટો અવરોધ છે. આથી, ગ્રામજનો દ્વારા સંબંધિત ટેલિકોમ કંપનીઓ તેમજ જિલ્લા અને રાજ્યના જવાબદાર તંત્રને ઓતારિયા ગામમાં તાત્કાલિક મોબાઈલ ટાવર ઉભો કરી નેટવર્કની આ કાયમી સમસ્યાનો વહેલી તકે નિકાલ લાવવા નમ્ર છતાં દૃઢ અપીલ કરવામાં આવી છે.

વિશ્વ હિંદુ પરિષદ (VHP) ના આંતરરાષ્ટ્રીય અધ્યક્ષ આલોક કુમારે સુરતની મુલાકાત દરમિયાન એક મહત્વપૂર્ણ પત્રકાર પરિષદને સંબોધિત કરી છે. તેઓ સંગઠનાત્મક પ્રવાસ અંતર્ગત ત્રણ દિવસીય દક્ષિણ ગુજરાતના પ્રવાસે સુરત પહોંચ્યા છે. સુરતમાં લાંબા સમય બાદ વિશ્વ હિંદુ પરિષદના આંતરરાષ્ટ્રીય અધ્યક્ષની આવી કોઈ મહત્વપૂર્ણ પ્રેસ કોન્ફરન્સ યોજાઈ છે. દિલ્હી ગેટ સ્થિત VHP કાર્યાલય ખાતે આલોક કુમારની અધ્યક્ષતામાં આ પત્રકાર પરિષદ યોજવામાં આવી હતી. આ મીડિયા સંબોધન દરમિયાન અધ્યક્ષ આલોક કુમાર દ્વારા રામ મંદિરમાં થયેલ ચોરી બાબતે ચર્ચા કરવામાં આવી હતી. આ સાથે જ તેમણે લવ જિહાદના મુદ્દા પર પણ પોતાનું નિવેદન આપ્યું છે.

Post by રજની ભાઈ પરીખ

બોટાદ જિલ્લાના ગઢડા પોલીસ સ્ટેશનની ટીમ દ્વારા કોમ્બીંગ નાઇટ દરમિયાન સઘન ચેકીંગ હાથ ધરવામાં આવ્યું હતું. આ સઘન ચેકીંગ દરમિયાન પોલીસે બે ઇસમોને ચોરી અથવા છળકપટથી મેળવેલ એક મોટર સાઇકલ તથા ચાર મોબાઇલ ફોન સાથે પકડી પાડ્યા છે.