விருதுநகர் அரசு மருத்துவக் கல்லூரி மருத்துவமனை வளாகத்தில் உலக மக்கள்தொகை தினம்-2026-ஐ முன்னிட்டு நடைபெற்ற விழிப்புணர்வு பேரணியை மாவட்ட ஆட்சித்தலைவர் மரு.என்.ஓ.சுகபுத்ரா, இ.ஆ.ப., கொடியசைத்து தொடங்கி வைத்தார். இந்த ஆண்டுக்கான விழிப்புணர்வு நிகழ்ச்சிகள் தாய் மற்றும் குழந்தையின் நலனைப் பேணுதல், திட்டமிடப்படாத கர்ப்பங்களைத் தடுத்தல் மற்றும் கர்ப்பங்களுக்கிடையே ஆரோக்கியமான கால இடைவெளியினைப் பேணுதல் ஆகிய கருப்பொருள்களின் அடிப்படையில் நடத்தப்பட்டன. முன்னதாக, உலக மக்கள் தொகை தின விழிப்புணர்வு உறுதிமொழியினை மாவட்ட ஆட்சித் தலைவர் தலைமையில் அனைவரும் ஏற்றுக் கொண்டனர். நிகழ்ச்சியில் பேசிய மாவட்ட ஆட்சித்தலைவர், உலக அளவில் மக்கள் தொகை பெருக்கம் என்பது நாடுகளின் வளர்ச்சிக்கு மிகப்பெரிய இடையூறாகத் திகழ்கிறது என்று குறிப்பிட்டார். தாய் மற்றும் குழந்தையின் நல்வாழ்வுக்கு 20 வயதிற்குப் பிறகு முதல் கர்ப்பம் அடைவதே சிறந்தது என்றும், இரண்டு பிறப்புகளுக்கு இடையில் குறைந்தது 3 ஆண்டுகள் மற்றும் கருக்கலைப்புக்குப் பிறகு குறைந்தது 6 மாத கால இடைவெளி இருக்க வேண்டும் என்றும் அவர் அறிவுறுத்தினார். போதிய கர்ப்ப இடைவெளியினால் தாயின் ஆரோக்கியம் மற்றும் ஊட்டச்சத்து மேம்படுவதுடன், குழந்தைகளுக்கு இரண்டு ஆண்டுகள் வரை தாய்ப்பால் கொடுப்பதால் பிரசவ கால தாய் மற்றும் சேய் இறப்பு விகிதம் குறையும் என்றும் அவர் தெரிவித்தார். தற்காலிக மற்றும் நிரந்தர குடும்பக் கட்டுப்பாட்டு முறைகள் குறித்து அரசு ஆரம்ப சுகாதார நிலையங்கள் மற்றும் மருத்துவமனைகளில் சிறப்பு கவனம் செலுத்தப்படும் என்று தெரிவித்த மாவட்ட ஆட்சித்தலைவர், கருக்கலைப்பு தொடர்பான ரகசியம் பாதுகாக்கப்படும் என்றும் கூறினார். பெண்களுக்கான டியூபெக்டமி, லேப்ராஸ்கோபிக் மற்றும் ஆண்களுக்கான நவீன வாசக்டமி போன்ற நிரந்தர கருத்தடை முறைகளுக்கு அரசு சார்பில் பயனாளிகளுக்கு ஊக்கத்தொகை வழங்கப்படும். மக்கள் தொகை பெருக்கம் குறித்துப் பொதுமக்களிடையே விழிப்புணர்வு ஏற்படுத்த பெண்கள் மற்றும் குழந்தைகள் வளர்ச்சித் திட்டம், ஒருங்கிணைந்த குழந்தைகள் வளர்ச்சித் திட்டம், ஊரக வளர்ச்சித்துறை, கல்வித்துறை உள்ளிட்ட பல்வேறு துறைகள் ஒருங்கிணைந்து செயலாற்ற வேண்டும் என்றும் அவர் கேட்டுக்கொண்டார். இந்த விழிப்புணர்வு பேரணியில் பங்கேற்ற பயிற்சி செவிலியர் மாணவிகள், "வளமான குடும்பம், வலிமையான குடும்பம்", "வேண்டாம் வேண்டாம் இளம் வயது திருமணம் வேண்டாம்", "போதும் போதும் ஒரு குழந்தை போதும்" போன்ற விழிப்புணர்வு வாசகங்கள் அடங்கிய பதாகைகளை ஏந்தி நகரின் முக்கிய வீதிகள் வழியாகச் சென்றனர். முன்னதாக, உலக மக்கள் தொகை தின விழிப்புணர்வு பேச்சுப் போட்டியில் வெற்றி பெற்ற செவிலியர் பயிற்சி பள்ளி மாணவிகளுக்கு மாவட்ட ஆட்சித்தலைவர் சான்றிதழ்கள் மற்றும் கேடயங்களை வழங்கினார். இந்நிகழ்ச்சியில் அரசு மருத்துவக் கல்லூரி முதல்வர் மரு.ஜெயசிங், மருத்துவர்கள், அரசு அலுவலர்கள் மற்றும் மருத்துவப் பணியாளர்கள் பலர் கலந்து கொண்டனர்.

குமார்

Kariapatti, Virudhunagar•

6 hrs ago

விருதுநகர் அரசு மருத்துவக் கல்லூரி மருத்துவமனை வளாகத்தில் உலக மக்கள்தொகை தினம்-2026-ஐ முன்னிட்டு நடைபெற்ற விழிப்புணர்வு பேரணியை மாவட்ட ஆட்சித்தலைவர் மரு.என்.ஓ.சுகபுத்ரா, இ.ஆ.ப., கொடியசைத்து தொடங்கி வைத்தார். இந்த ஆண்டுக்கான விழிப்புணர்வு நிகழ்ச்சிகள் தாய் மற்றும் குழந்தையின் நலனைப் பேணுதல், திட்டமிடப்படாத கர்ப்பங்களைத் தடுத்தல் மற்றும் கர்ப்பங்களுக்கிடையே ஆரோக்கியமான கால இடைவெளியினைப் பேணுதல் ஆகிய கருப்பொருள்களின் அடிப்படையில் நடத்தப்பட்டன. முன்னதாக, உலக மக்கள் தொகை தின விழிப்புணர்வு உறுதிமொழியினை மாவட்ட ஆட்சித் தலைவர் தலைமையில் அனைவரும் ஏற்றுக் கொண்டனர். நிகழ்ச்சியில் பேசிய மாவட்ட ஆட்சித்தலைவர், உலக அளவில் மக்கள் தொகை பெருக்கம் என்பது நாடுகளின் வளர்ச்சிக்கு மிகப்பெரிய இடையூறாகத் திகழ்கிறது என்று குறிப்பிட்டார். தாய் மற்றும் குழந்தையின் நல்வாழ்வுக்கு 20 வயதிற்குப் பிறகு முதல் கர்ப்பம் அடைவதே சிறந்தது என்றும், இரண்டு பிறப்புகளுக்கு இடையில் குறைந்தது

3 ஆண்டுகள் மற்றும் கருக்கலைப்புக்குப் பிறகு குறைந்தது 6 மாத கால இடைவெளி இருக்க வேண்டும் என்றும் அவர் அறிவுறுத்தினார். போதிய கர்ப்ப இடைவெளியினால் தாயின் ஆரோக்கியம் மற்றும் ஊட்டச்சத்து மேம்படுவதுடன், குழந்தைகளுக்கு இரண்டு ஆண்டுகள் வரை தாய்ப்பால் கொடுப்பதால் பிரசவ கால தாய் மற்றும் சேய் இறப்பு விகிதம் குறையும் என்றும் அவர் தெரிவித்தார். தற்காலிக மற்றும் நிரந்தர குடும்பக் கட்டுப்பாட்டு முறைகள் குறித்து அரசு ஆரம்ப சுகாதார நிலையங்கள் மற்றும் மருத்துவமனைகளில் சிறப்பு கவனம் செலுத்தப்படும் என்று தெரிவித்த மாவட்ட ஆட்சித்தலைவர், கருக்கலைப்பு தொடர்பான ரகசியம் பாதுகாக்கப்படும் என்றும் கூறினார். பெண்களுக்கான டியூபெக்டமி, லேப்ராஸ்கோபிக் மற்றும் ஆண்களுக்கான நவீன வாசக்டமி போன்ற நிரந்தர கருத்தடை முறைகளுக்கு அரசு சார்பில் பயனாளிகளுக்கு ஊக்கத்தொகை வழங்கப்படும். மக்கள் தொகை பெருக்கம் குறித்துப் பொதுமக்களிடையே விழிப்புணர்வு ஏற்படுத்த

பெண்கள் மற்றும் குழந்தைகள் வளர்ச்சித் திட்டம், ஒருங்கிணைந்த குழந்தைகள் வளர்ச்சித் திட்டம், ஊரக வளர்ச்சித்துறை, கல்வித்துறை உள்ளிட்ட பல்வேறு துறைகள் ஒருங்கிணைந்து செயலாற்ற வேண்டும் என்றும் அவர் கேட்டுக்கொண்டார். இந்த விழிப்புணர்வு பேரணியில் பங்கேற்ற பயிற்சி செவிலியர் மாணவிகள், "வளமான குடும்பம், வலிமையான குடும்பம்", "வேண்டாம் வேண்டாம் இளம் வயது திருமணம் வேண்டாம்", "போதும் போதும் ஒரு குழந்தை போதும்" போன்ற விழிப்புணர்வு வாசகங்கள் அடங்கிய பதாகைகளை ஏந்தி நகரின் முக்கிய வீதிகள் வழியாகச் சென்றனர். முன்னதாக, உலக மக்கள் தொகை தின விழிப்புணர்வு பேச்சுப் போட்டியில் வெற்றி பெற்ற செவிலியர் பயிற்சி பள்ளி மாணவிகளுக்கு மாவட்ட ஆட்சித்தலைவர் சான்றிதழ்கள் மற்றும் கேடயங்களை வழங்கினார். இந்நிகழ்ச்சியில் அரசு மருத்துவக் கல்லூரி முதல்வர் மரு.ஜெயசிங், மருத்துவர்கள், அரசு அலுவலர்கள் மற்றும் மருத்துவப் பணியாளர்கள் பலர் கலந்து கொண்டனர்.