यात्रा महोत्सवासाठी कोंडोलीत चोख पोलीस बंदोबस्त मानोरा : प्रतिनिधी तालुक्यातील पवित्र तीर्थक्षेत्र कोंडोली येथे सुरू असलेल्या श्री पिताबर महाराज यांच्या १२३ व्या यात्रा महोत्सवा निमित्त तसेच गुरु श्री गजानन महाराज यांच्या गुरु,शिष्य भेट सोहळ्यासाठी मोठ्या प्रमाणावर भाविकांची गर्दी होत आहे. यात्रेनिमित्त कायदा व सुव्यवस्था अबाधित राखण्यासाठी पोलिस प्रशासनाने चोख बंदोबस्त ठेवला आहे. मानोरा पोलीस ठाण्याच्या वतीने पोलीस निरीक्षक नैना पोहेकर, पोलीस उपनिरीक्षक अभिजित बारे, रायटर राहुल जयसिंगकार, व बीट जमादार दीपक राठोड यांच्या मार्गदर्शनाखाली संपूर्ण यात्रा परिसरात कडक सुरक्षा व्यवस्था तैनात करण्यात आली आहे. यात्रास्थळी गर्दी नियंत्रण, वाहतूक व्यवस्थापन, तसेच महिला व ज्येष्ठ नागरिकांच्या सुरक्षेच्या दृष्टीने विशेष खबरदारी घेण्यात येत आहे. यासाठी पुरुष व महिला पोलीस कर्मचारी, महिला पोलीस, तसेच होमगार्ड व महिला होमगार्ड यांची नियुक्ती करण्यात आली आहे. प्रमुख प्रवेशद्वार, मंदिर परिसर, दिंडी मार्ग व यात्रा मैदान परिसरात सतत गस्त घालण्यात येत असून परिस्थितीवर लक्ष ठेवले जात आहे. चोख व शिस्तबद्ध बंदोबस्तामुळे भाविकांना कोणतीही अडचण न येता दर्शन व गुरु,शिष्य भेट सोहळा पार पडत आहे. पोलिस प्रशासनाच्या तत्परतेबद्दल नागरिक व भाविकांकडून समाधान व्यक्त करण्यात येत आहे. यात्रा शांततेत व उत्साहात पार पडावी यासाठी प्रशासन सज्ज असून भाविकांनीही सहकार्य करण्याचे आवाहन ठाणेदार नैना पोहेकर यांनी केले आहे.

कु.मोनाली अनिल राठोड

पत्रकार मानोरा, वाशिम, महाराष्ट्र•

6 hrs ago

यात्रा महोत्सवासाठी कोंडोलीत चोख पोलीस बंदोबस्त मानोरा : प्रतिनिधी तालुक्यातील पवित्र तीर्थक्षेत्र कोंडोली येथे सुरू असलेल्या श्री पिताबर महाराज यांच्या १२३ व्या यात्रा महोत्सवा निमित्त तसेच गुरु श्री गजानन महाराज यांच्या गुरु,शिष्य भेट सोहळ्यासाठी मोठ्या प्रमाणावर भाविकांची गर्दी होत आहे. यात्रेनिमित्त कायदा व सुव्यवस्था अबाधित राखण्यासाठी पोलिस प्रशासनाने चोख बंदोबस्त ठेवला आहे. मानोरा पोलीस ठाण्याच्या वतीने पोलीस निरीक्षक नैना पोहेकर, पोलीस उपनिरीक्षक अभिजित बारे, रायटर राहुल जयसिंगकार, व बीट जमादार दीपक राठोड यांच्या मार्गदर्शनाखाली संपूर्ण यात्रा परिसरात कडक सुरक्षा व्यवस्था तैनात करण्यात आली आहे. यात्रास्थळी गर्दी नियंत्रण, वाहतूक व्यवस्थापन, तसेच महिला व ज्येष्ठ नागरिकांच्या सुरक्षेच्या दृष्टीने विशेष खबरदारी घेण्यात येत आहे. यासाठी पुरुष व महिला पोलीस कर्मचारी, महिला पोलीस, तसेच होमगार्ड व महिला होमगार्ड यांची नियुक्ती करण्यात आली आहे. प्रमुख प्रवेशद्वार, मंदिर परिसर, दिंडी मार्ग व यात्रा मैदान परिसरात सतत गस्त घालण्यात येत असून परिस्थितीवर लक्ष ठेवले जात आहे. चोख व शिस्तबद्ध बंदोबस्तामुळे भाविकांना कोणतीही अडचण न येता दर्शन व गुरु,शिष्य भेट सोहळा पार पडत आहे. पोलिस प्रशासनाच्या तत्परतेबद्दल नागरिक व भाविकांकडून समाधान व्यक्त करण्यात येत आहे. यात्रा शांततेत व उत्साहात पार पडावी यासाठी प्रशासन सज्ज असून भाविकांनीही सहकार्य करण्याचे आवाहन ठाणेदार नैना पोहेकर यांनी केले आहे.