জিলা শিশু শ্ৰম টাস্ক ফ'ৰ্চে হাজোৰ বিভিন্ন অঞ্চলত শিশু শ্ৰমিক বিচাৰি এক অভিযান চলাইছে। এচিআৰডি আৰু হাজো আৰক্ষীৰ সহযোগত জিলা শিশু শ্ৰম টাস্ক ফ'ৰ্চে চলোৱা এই অভিযানত আধিয়াৰপাৰা আৰু কলিতাকুছি অঞ্চলৰ পৰা চাৰি গৰাকীকৈ শিশু শ্ৰমিকক উদ্ধাৰ কৰা হৈছে।

জিলা শিশু শ্ৰম টাস্ক ফ'ৰ্চে হাজোৰ বিভিন্ন অঞ্চলত শিশু শ্ৰমিক বিচাৰি এক অভিযান চলাইছে। এচিআৰডি আৰু হাজো আৰক্ষীৰ সহযোগত জিলা শিশু শ্ৰম টাস্ক ফ'ৰ্চে চলোৱা এই অভিযানত আধিয়াৰপাৰা আৰু কলিতাকুছি অঞ্চলৰ পৰা চাৰি গৰাকীকৈ শিশু শ্ৰমিকক উদ্ধাৰ কৰা হৈছে।

অহা ২৮ জুনত ৰূপায়ণ হ'বলগীয়া ৰাষ্ট্ৰীয় প্ৰতিষেধক দিৱস অৰ্থাৎ পলিঅ' দিৱসৰ ৰাজ্যিক পৰ্যায়ৰ শুভাৰম্ভণি এইবাৰ ধুবুৰী জিলাত হ'ব। এই অনুষ্ঠানত অসম চৰকাৰৰ স্বাস্থ্য, পৰিয়াল কল্যাণ আৰু চিকিৎসা শিক্ষা তথা গৱেষণা বিভাগৰ মন্ত্ৰী তথা ধুবুৰী জিলাৰ অবিভাৱক মন্ত্ৰী অশোক সিংহল উপস্থিত থাকিব। ভাৰত চৰকাৰৰ স্বাস্থ্য আৰু পৰিয়াল কল্যাণ মন্ত্ৰালয়ৰ অধীনত সমগ্ৰ দেশজুৰি ২৮ জুনত হ'বলগীয়া পলিঅ' দিৱসৰ বাবে ধুবুৰী জিলা স্বাস্থ্য বিভাগে সকলো প্ৰস্তুতি সম্পূৰ্ণ কৰিছে। এই তিনিদিনীয়া ৰাষ্ট্ৰীয় প্ৰতিষেধক দিৱস অহা ২৮ জুন (দেওবাৰ)ৰ পৰা ৩০ জুনলৈ চলিব। ধুবুৰীৰ অতিৰিক্ত মুখ্য চিকিৎসা বিষয়া ডা: হুছেইন আলী আহমেদে এই সন্দৰ্ভত জানিবলৈ দিয়া মতে, ধুবুৰী জিলা স্বাস্থ্য সমিতিৰ অধীনৰ মুঠ ১৮,১৪,৩৬৫ জন জনসংখ্যাৰ ভিতৰত ০-৫ বছৰ বয়সৰ ২,৯২,৪১৮টা শিশুক এইবাৰ পলিঅ' প্ৰতিষেধক প্ৰদান কৰাৰ লক্ষ্য লোৱা হৈছে। এই লক্ষ্যত উপনীত হ'বলৈ জিলাখনত মুঠ ৯৭৭টা সাধাৰণ বুথ, ৪৪টা চিকিৎসা প্ৰতিষ্ঠানিক বুথ, ৮১টা ৰাজহুৱা পৰিবহণ স্থানৰ বুথ (যেনে ৰেল ষ্টেচন, বাছ আস্থান, নদী পথ, স্থল-ঘাট) আৰু ১১৩টা ভ্ৰাম্যমাণ দল থাকিব। এই তিনিদিনীয়া প্ৰতিষেধক কাৰ্যসূচীত মুঠ ৪,৭৭৮ জন বিভিন্ন পৰ্যায়ৰ লোক জড়িত হ'ব। ধুবুৰী জিলা স্বাস্থ্য বিভাগৰ যুটীয়া স্বাস্থ্য সঞ্চালক ডা: জ্যোতি কুমাৰ দাসে স্বাস্থ্য বিভাগৰ সকলো বিষয়া-কৰ্মচাৰীক নিষ্ঠা আৰু একাগ্ৰতাৰে ৰাষ্ট্ৰীয় পলিঅ' দিৱসৰ দায়িত্ব পালন কৰি ধুবুৰী জিলাত এটিও শিশু যাতে পলিঅ' টোপালৰ পৰা বঞ্চিত নহয়, তাৰ বাবে আহ্বান জনাইছে। অহা ২৮ জুনত অনুষ্ঠিত হ'বলগীয়া ৰাষ্ট্ৰীয় পলিঅ' দিৱসৰ বাবে ধুবুৰী জিলাৰ লক্ষ্য হৈছে ২,২৯,৪১৮টি শিশু।

সাংসদ ৰকিবুল হুছেইনে কেন্দ্ৰৰ বিৰুদ্ধে এক গুৰুত্বপূৰ্ণ মন্তব্য কৰিছে যে কেন্দ্ৰই গৰাখহনীয়াৰ সমস্যা বুজি নাপায়। তেওঁ কেইবাবাৰো কেন্দ্ৰক এই বিষয়ে জনোৱা বুলি উল্লেখ কৰে, কিন্তু কেন্দ্ৰই এই বিষয়টো এতিয়াও বুজি নোপোৱা বুলি তেওঁ মন্তব্য কৰে। আজি দিনযোৰা কাৰ্যসূচীৰে ধুবুৰীত উপস্থিত হোৱা সাংসদগৰাকীয়ে জিলাখনৰ APDCL-ত সৃষ্টি হোৱা বিভিন্ন সমস্যা সন্দৰ্ভত APDCL-ৰ বিষয়ববীয়াসকলৰ সৈতে এক বৈঠকত মিলিত হয়। বৈঠকৰ পাছতে সাংসদ ৰকিবুল হুছেইনে জানিবলৈ দিয়ে যে তেওঁ জিলাখনৰ বিভিন্ন গৰাখহনীয়া অঞ্চল পৰিদৰ্শন কৰিব।

আজি পবিত্ৰ মহৰমৰ দশম দিন হিচাপে পালন কৰা হৈছে। এই পবিত্ৰ দিনটোত আল্লাহৰ স্মৰণ কৰা হৈছে। এই গুৰুত্বপূৰ্ণ তিথিটো কৰবালাৰ ঐতিহাসিক ঘটনাকো সোঁৱৰাই দিয়ে, যাৰ বাবে ইয়াৰ এক বিশেষ আধ্যাত্মিক তাৎপৰ্য আছে।

কলগাছিয়াৰ খাৰবাল্লীৰ ভঙা কাঠৰ দলং নিৰ্মাণক কেন্দ্ৰ কৰি সৃষ্টি হোৱা প্ৰতিক্ৰিয়াৰ মাজতে মাটিৰ মালিক হাইদৰ আলীয়ে এক গুৰুত্বপূৰ্ণ স্পষ্টীকৰণ দিছে। তেওঁ স্পষ্টকৈ কৈছে যে মাটিৰ বাবে কোনো ধৰণৰ টকা দাবী কৰা হোৱা নাই। হাইদৰ আলীয়ে এই বুলিও মন্তব্য কৰে যে বিধায়ক শ্বেৰমান আলী আহমেদে ফেচবুক লাইভত মিছা তথ্যৰ ওপৰত ভিত্তি কৰি অভিযোগ উত্থাপন কৰিছিল। এই পৰিস্থিতিৰ মাজতে স্থানীয় ৰাইজে ভঙা কাঠৰ দলংখন নিজেই খুলি দিলে। লগতে, জনসাধাৰণে বিকল্প পথৰ ব্যৱস্থাও গ্ৰহণ কৰে।

বৰপেটা জিলা টাস্ক ফ’ৰ্চ কোষৰ উদ্যোগত কলগাছিয়া ৰাজহ চক্ৰৰ অন্তৰ্গত গুণিয়াগুৰি আৰু কলগাছিয়াত এক অভিযান চলোৱা হয়। এই অভিযান শিশু শ্ৰমিকৰ বিৰুদ্ধে প্ৰশাসনৰ এক পদক্ষেপ আছিল, যাৰ ফলস্বৰূপে কেইবাজনো শিশু শ্ৰমিকক উদ্ধাৰ কৰা হয়। বিশেষকৈ কলগাছিয়াত চলোৱা অভিযানত চাৰিজনকৈ শিশু শ্ৰমিকক উদ্ধাৰ কৰিবলৈ সক্ষম হয়।

গৌৰীপুৰ চাৰালডাঙাত দীৰ্ঘদিন ধৰি গোপনে গো-হত্যা কৰি গো-মাংসৰ ব্যৱসায় চলাই থকা এটা চক্ৰক গৌৰীপুৰ আৰক্ষীয়ে উৎখাত কৰিবলৈ সক্ষম হৈছে। আজি পুৱাই আৰক্ষীয়ে চাৰালডাঙাৰ ৰমজান আলীৰ বাসগৃহত এক গোপন অভিযান চলাই এই ঘটনাৰ সৈতে জড়িত পাঁচজন ব্যক্তিক হাতে লোটে কৰায়ত্ত কৰে। আৰক্ষীয়ে আটকাধীন ব্যক্তি কেইজনক ৰমজান আলী, মেহেদী হাছান, মেহবুব হোছেইন, আতিকুল আলম আৰু চাহিদ আলম বুলি চিনাক্ত কৰিছে। অভিযানকালত আৰক্ষীয়ে গো-হত্যাৰ বাবে ব্যৱহৃত অস্ত্ৰ, প্লাষ্টিকৰ বাল্টি, পলিথিনৰ লগতে ৬৬ কেজি নিষিদ্ধ মাংস জব্দ কৰে। বৰ্তমান আৰক্ষীয়ে আটক কৰা পাঁচোজন ব্যক্তিক থানালৈ আনি অধিক তথ্যৰ বাবে তদন্ত অব্যাহত ৰাখিছে। ৰাজ্যত গো-মাংস নিষিদ্ধ হোৱা স্বত্বেও একাংশ ব্যক্তিয়ে গোপনে গো-হত্যা কৰি এই ব্যৱসায় চলাই থকাৰ তথ্য পোহৰলৈ আহিছে।

বঙাইগাঁও জিলাৰ সীমান্তৱৰ্তী চিৰাং জিলাৰ কাকাৰাগাঁও কমাডোঙাত এক শোকাবহ দুৰ্ঘটনা সংঘটিত হৈছে। এক তীব্ৰবেগী বাহনে নিয়ন্ত্ৰণ হেৰুৱাই দ' পানীৰ পুখুৰীত সোমাই পৰে, যাৰ ফলত বাহনখনৰ ভিতৰত থকা চালকজনৰ সলিল সমাধি ঘটে। মৃত চালকজনক গোৱালপাৰা জিলাৰ ৯৯নং তাৰাপাৰাৰ ৰবীন্দ্ৰ নাথ দত্তৰ পুত্ৰ হাৰাধন দত্ত বুলি চিনাক্ত কৰা হৈছে। দুৰ্ঘটনাগ্ৰস্ত বাহনখনৰ নম্বৰ AS 19V 4377। এই ঘটনাৰ খবৰ পোৱাৰ পিছতে ঘটনাস্থলীত বাসুগাঁও আৰক্ষী আৰু SDRF ৰ দল উপস্থিত হৈছিল, আৰু তেওঁলোকে মৃত চালকজনৰ লগতে বাহনখনো উদ্ধাৰ কৰে।