तहसीलदार प्रतीक्षा तेजनकर यांच्या प्रशासकीय कामकाजाची विशेष पथकाकडून चौकसी रिसोड : रिसोडच्या तहसीलदार श्रीमती प्रतीक्षा तेजनकर यांच्या प्रशासकीय कामकाजाबाबत शासनाच्या निर्देशांचे उल्लंघन केल्याची तक्रार प्राप्त झाल्यानंतर महसूल विभागाने याप्रकरणी चौकशीचे निर्देश दिले आहेत. तहसीलदार कार्यालयातील संपूर्ण प्रशासकीय कामकाजाची विशेष पथकामार्फत तपासणी करून अहवाल सादर करण्याबाबत शासनस्तरावरून विभागीय आयुक्त, अमरावती विभाग यांना पत्र देण्यात आले आहे. शासनाच्या पत्रानुसार, तहसीलदार प्रतीक्षा तेजनकर यांनी तहसील कार्यालयामध्ये स्वप्रसिद्धीसाठी व वैयक्तिक प्रसिद्धीसाठी सिनेमॅटिक रिल्स स्वरूपातील व्हिडिओकरण करून ते स्वतःच्या इन्स्टाग्राम खात्यावर प्रसारित केल्याचे तसेच त्याबाबतच्या बातम्या विविध वृत्तपत्रांमध्ये प्रसिद्ध झाल्याचे शासनाच्या निदर्शनास आले आहे. यासंदर्भातील प्रस्ताव महसूल विभागाच्या संबंधित अधिकाऱ्यांच्या अवलोकनार्थ सादर करण्यात आला होता. या पार्श्वभूमीवर, तहसीलदार म्हणून कार्यरत असताना करण्यात आलेल्या संपूर्ण प्रशासकीय कामकाजाची विशेष पथकामार्फत तपासणी करण्याचा निर्णय शासनाने घेतला आहे. त्यानुसार विभागीय आयुक्त, अमरावती विभाग यांना आवश्यक कार्यवाही करण्याच्या सूचना देण्यात आल्या आहेत. विशेष पथकाने तहसीलदारांच्या संपूर्ण प्रशासकीय कामकाजाची तपासणी करून त्याबाबतचा सविस्तर अहवाल आपल्या अभिप्रायासह एक महिन्याच्या आत शासनास सादर करावा, अशी विनंती संबंधित पत्राद्वारे करण्यात आली आहे. दरम्यान, या चौकशीमुळे रिसोड तहसील कार्यालयातील प्रशासकीय कामकाजाकडे आता शासनस्तरावरून विशेष लक्ष केंद्रित झाले असून, विशेष पथकाच्या तपासणीत नेमके कोणते निष्कर्ष समोर येतात आणि शासनाकडे कोणता अहवाल सादर केला जातो, याकडे नागरिकांचे लक्ष लागले आहे.

सारनाथ अवचार

पत्रकार मालेगाव, वाशिम, महाराष्ट्र•

22 hrs ago

तहसीलदार प्रतीक्षा तेजनकर यांच्या प्रशासकीय कामकाजाची विशेष पथकाकडून चौकसी रिसोड : रिसोडच्या तहसीलदार श्रीमती प्रतीक्षा तेजनकर यांच्या प्रशासकीय कामकाजाबाबत शासनाच्या निर्देशांचे उल्लंघन केल्याची तक्रार प्राप्त झाल्यानंतर महसूल विभागाने याप्रकरणी चौकशीचे निर्देश दिले आहेत. तहसीलदार कार्यालयातील संपूर्ण प्रशासकीय कामकाजाची विशेष पथकामार्फत तपासणी करून अहवाल सादर करण्याबाबत शासनस्तरावरून विभागीय आयुक्त, अमरावती विभाग यांना पत्र देण्यात आले आहे. शासनाच्या पत्रानुसार, तहसीलदार प्रतीक्षा तेजनकर यांनी तहसील कार्यालयामध्ये स्वप्रसिद्धीसाठी व वैयक्तिक प्रसिद्धीसाठी सिनेमॅटिक रिल्स स्वरूपातील व्हिडिओकरण करून ते स्वतःच्या इन्स्टाग्राम खात्यावर प्रसारित केल्याचे तसेच त्याबाबतच्या बातम्या विविध वृत्तपत्रांमध्ये प्रसिद्ध झाल्याचे शासनाच्या निदर्शनास आले आहे. यासंदर्भातील प्रस्ताव महसूल विभागाच्या संबंधित अधिकाऱ्यांच्या अवलोकनार्थ सादर करण्यात आला होता. या पार्श्वभूमीवर, तहसीलदार म्हणून कार्यरत असताना करण्यात आलेल्या संपूर्ण प्रशासकीय कामकाजाची विशेष पथकामार्फत तपासणी करण्याचा निर्णय शासनाने घेतला आहे. त्यानुसार विभागीय आयुक्त, अमरावती विभाग यांना आवश्यक कार्यवाही करण्याच्या सूचना देण्यात आल्या आहेत. विशेष पथकाने तहसीलदारांच्या संपूर्ण प्रशासकीय कामकाजाची तपासणी करून त्याबाबतचा सविस्तर अहवाल आपल्या अभिप्रायासह एक महिन्याच्या आत शासनास सादर करावा, अशी विनंती संबंधित पत्राद्वारे करण्यात आली आहे. दरम्यान, या चौकशीमुळे रिसोड तहसील कार्यालयातील प्रशासकीय कामकाजाकडे आता शासनस्तरावरून विशेष लक्ष केंद्रित झाले असून, विशेष पथकाच्या तपासणीत नेमके कोणते निष्कर्ष समोर येतात आणि शासनाकडे कोणता अहवाल सादर केला जातो, याकडे नागरिकांचे लक्ष लागले आहे.