राज्यातील शाळांना २ मे पासून उन्हाळी सुट्टी; १५ जूनपासून नवे शैक्षणिक वर्ष सुरू राज्यातील शाळांना २ मे पासून उन्हाळी सुट्टी; १५ जूनपासून नवे शैक्षणिक वर्ष सुरू.. राज्यातील प्राथमिक, माध्यमिक व उच्च माध्यमिक शाळांसाठी सन २०२६ च्या उन्हाळी सुट्टीबाबत शिक्षण संचालनालयाने महत्त्वपूर्ण निर्णय जाहीर केला आहे. त्यानुसार राज्य मंडळाच्या सर्व शाळांमध्ये शनिवार, दि. २ मे २०२६ पासून विद्यार्थ्यांना उन्हाळी सुट्टी देण्यात येणार आहे. शिक्षण संचालनालयाने जारी केलेल्या परिपत्रकानुसार, सन २०२६-२७ चे नवे शैक्षणिक वर्ष सोमवार, दि. १५ जून २०२६ पासून सुरू करण्यात येणार आहे. या निर्णयामुळे संपूर्ण राज्यातील शाळांच्या सुट्ट्यांमध्ये एकसमानता राखण्याचा प्रयत्न करण्यात आला आहे. दरम्यान, इतर मंडळांच्या शाळांबाबत स्वतंत्र निर्णय घेण्याचे अधिकार संबंधित शाळा प्रशासनाला देण्यात आले आहेत. अशा शाळांमध्ये शैक्षणिक उपक्रम सुरू असल्यास सुट्टी जाहीर करण्याबाबत स्थानिक पातळीवर निर्णय घेता येणार आहे. विदर्भातील उष्णतेचा विचार करून तेथील शाळांसाठी विशेष तरतूद करण्यात आली आहे. विदर्भ विभागातील शाळा १५ जून ते २९ जून या कालावधीत सकाळच्या सत्रात (सकाळी ७.०० ते ११.४५) चालविण्यात येणार असून, ३० जूनपासून नियमित वेळेनुसार शाळा सुरू होतील. शिक्षण संचालक (माध्यमिक व उच्च माध्यमिक) महेश पालकर तसेच शिक्षण संचालक (प्राथमिक) शरद गोसावी यांनी संबंधित सर्व अधिकाऱ्यांना या सूचनांची अंमलबजावणी करण्याचे निर्देश दिले आहेत.

पत्रकार ओमप्रकाश उढाण

घनसावंगी, जालना, महाराष्ट्र•

16 hrs ago

राज्यातील शाळांना २ मे पासून उन्हाळी सुट्टी; १५ जूनपासून नवे शैक्षणिक वर्ष सुरू राज्यातील शाळांना २ मे पासून उन्हाळी सुट्टी; १५ जूनपासून नवे शैक्षणिक वर्ष सुरू.. राज्यातील प्राथमिक, माध्यमिक व उच्च माध्यमिक शाळांसाठी सन २०२६ च्या उन्हाळी सुट्टीबाबत शिक्षण संचालनालयाने महत्त्वपूर्ण निर्णय जाहीर केला आहे. त्यानुसार राज्य मंडळाच्या सर्व शाळांमध्ये शनिवार, दि. २ मे २०२६ पासून विद्यार्थ्यांना उन्हाळी सुट्टी देण्यात येणार आहे. शिक्षण संचालनालयाने जारी केलेल्या परिपत्रकानुसार, सन २०२६-२७ चे नवे शैक्षणिक वर्ष सोमवार, दि. १५ जून २०२६ पासून सुरू करण्यात येणार आहे. या निर्णयामुळे संपूर्ण राज्यातील शाळांच्या सुट्ट्यांमध्ये एकसमानता राखण्याचा प्रयत्न करण्यात आला आहे. दरम्यान, इतर मंडळांच्या शाळांबाबत स्वतंत्र निर्णय घेण्याचे अधिकार संबंधित शाळा प्रशासनाला देण्यात आले आहेत. अशा शाळांमध्ये शैक्षणिक उपक्रम सुरू असल्यास सुट्टी जाहीर करण्याबाबत स्थानिक पातळीवर निर्णय घेता येणार आहे. विदर्भातील उष्णतेचा विचार करून तेथील शाळांसाठी विशेष तरतूद करण्यात आली आहे. विदर्भ विभागातील शाळा १५ जून ते २९ जून या कालावधीत सकाळच्या सत्रात (सकाळी ७.०० ते ११.४५) चालविण्यात येणार असून, ३० जूनपासून नियमित वेळेनुसार शाळा सुरू होतील. शिक्षण संचालक (माध्यमिक व उच्च माध्यमिक) महेश पालकर तसेच शिक्षण संचालक (प्राथमिक) शरद गोसावी यांनी संबंधित सर्व अधिकाऱ्यांना या सूचनांची अंमलबजावणी करण्याचे निर्देश दिले आहेत.