মাতৃ দিৱস উপলক্ষে এছএছবিৰ বিশেষ কাৰ্যসূচী: মাতৃ বন্দনাৰে মুখৰিত হ’ল সীমান্তৰ পৰিৱেশ। মাতৃ দিৱস উপলক্ষে এছএছবিৰ বিশেষ কাৰ্যসূচী: মাতৃ বন্দনাৰে মুখৰিত হ’ল সীমান্তৰ পৰিৱেশ। তামুলপুৰ, ১১ মে': সমগ্ৰ বিশ্বতে কালি অৰ্থাৎ ১০ মে'ত মাতৃ দিৱস উদযাপন কৰাৰ পিছত আজি বৰমাস্থিত ৬৪ নং বাহিনী সশস্ত্ৰ সীমা বল (এছএছবি)ৰ মুখ্য কাৰ্যালয়ত এই দিৱসটো অতি উলাহ-মালহেৰে উদযাপন কৰা হয়। এই উপলক্ষে আয়োজিত বিশেষ কাৰ্যসূচীৰ আৰম্ভণিতে এটি কেক কাটি "মাতৃ দিৱস" অনুষ্ঠানৰ আনুষ্ঠানিক শুভাৰম্ভ কৰে ৬৪ সংখ্যক বাহিনী সশস্ত্ৰ সীমা বলৰ সন্দীক্ষাৰ উপাধ্যক্ষ বামা ৰাজকুমাৰীয়ে। সন্দীক্ষা পৰিয়ালৰ মহিলা আৰু শিশুসকলৰ স্বতঃস্ফূৰ্ত অংশগ্ৰহণেৰে জিলিকি উঠা এই অনুষ্ঠানত মাতৃসকলৰ বিনোদনৰ বাবে বিভিন্ন ধৰণৰ খেল-ধেমালিৰ প্ৰতিযোগিতা যেনে— কপালত ফোট লগোৱা, বেলুন ফুটোৱা আৰু মিউজিকেল মালা আদিৰ আয়োজন কৰা হয়। অনুষ্ঠানত মাতৃত্বৰ মৰ্যাদা আৰু সন্মান অক্ষুণ্ণ ৰাখি সন্দীক্ষাৰ উপাধ্যক্ষ বামা ৰাজকুমাৰীয়ে অঞ্চলটোৰ কেইবাগৰাকীও জ্যেষ্ঠ মহিলাক ফুলাম গামোচা পিন্ধাই বিশেষভাৱে সম্বৰ্ধনা জ্ঞাপন কৰে। উপস্থিত ৰাইজক সম্বোধন কৰি তেওঁ কয় যে এগৰাকী মাতৃ কেৱল ঘৰখনৰ প্ৰাণস্পন্দন নহয়, তেওঁ সন্তানৰ সপোনৰ প্ৰথম উৰণ আৰু জীৱনৰ আটাইতকৈ ডাঙৰ পৰিচয়। মাতৃ কেৱল জন্মদাত্ৰী নহয়, তেওঁ সংস্কৃতিৰ প্ৰথম গুৰু, ত্যাগৰ প্ৰতিমূৰ্তি আৰু ৰাষ্ট্ৰ নিৰ্মাণৰ আটাইতকৈ শক্তিশালী আধাৰশিলা স্বৰূপ। অনুষ্ঠানৰ শেষত আয়োজিত ক্ৰীড়া প্ৰতিযোগিতাত উৎকৃষ্ট প্ৰদৰ্শন কৰা মহিলাসকলক পুৰস্কাৰ বিতৰণ কৰি উৎসাহিত কৰা হয়। সমগ্ৰ কাৰ্যসূচীটোৱে এক আনন্দময়, প্ৰেমপূৰ্ণ তথা পাৰিবাৰিক সৌহাৰ্দ্যপূৰ্ণ পৰিৱেশৰ সৃষ্টি কৰা পৰিলক্ষিত হয়।##

NAlive24

Local News Reporter তামুলপুৰ, তামুলপুৰ, অসম•

1 hr ago

মাতৃ দিৱস উপলক্ষে এছএছবিৰ বিশেষ কাৰ্যসূচী: মাতৃ বন্দনাৰে মুখৰিত হ’ল সীমান্তৰ পৰিৱেশ। মাতৃ দিৱস উপলক্ষে এছএছবিৰ বিশেষ কাৰ্যসূচী: মাতৃ বন্দনাৰে মুখৰিত হ’ল সীমান্তৰ পৰিৱেশ। তামুলপুৰ, ১১ মে': সমগ্ৰ বিশ্বতে কালি অৰ্থাৎ ১০ মে'ত মাতৃ দিৱস উদযাপন কৰাৰ পিছত আজি বৰমাস্থিত ৬৪ নং বাহিনী সশস্ত্ৰ সীমা বল (এছএছবি)ৰ মুখ্য কাৰ্যালয়ত এই দিৱসটো অতি উলাহ-মালহেৰে উদযাপন কৰা হয়। এই উপলক্ষে আয়োজিত বিশেষ কাৰ্যসূচীৰ আৰম্ভণিতে এটি কেক কাটি "মাতৃ দিৱস" অনুষ্ঠানৰ আনুষ্ঠানিক শুভাৰম্ভ কৰে ৬৪ সংখ্যক বাহিনী সশস্ত্ৰ সীমা বলৰ সন্দীক্ষাৰ উপাধ্যক্ষ বামা ৰাজকুমাৰীয়ে। সন্দীক্ষা পৰিয়ালৰ মহিলা আৰু শিশুসকলৰ স্বতঃস্ফূৰ্ত অংশগ্ৰহণেৰে জিলিকি উঠা এই অনুষ্ঠানত মাতৃসকলৰ বিনোদনৰ বাবে বিভিন্ন ধৰণৰ খেল-ধেমালিৰ প্ৰতিযোগিতা যেনে— কপালত ফোট লগোৱা, বেলুন ফুটোৱা আৰু মিউজিকেল মালা আদিৰ আয়োজন কৰা হয়। অনুষ্ঠানত মাতৃত্বৰ মৰ্যাদা আৰু সন্মান অক্ষুণ্ণ ৰাখি সন্দীক্ষাৰ উপাধ্যক্ষ বামা ৰাজকুমাৰীয়ে অঞ্চলটোৰ কেইবাগৰাকীও জ্যেষ্ঠ মহিলাক ফুলাম গামোচা পিন্ধাই বিশেষভাৱে সম্বৰ্ধনা জ্ঞাপন কৰে। উপস্থিত ৰাইজক সম্বোধন কৰি তেওঁ কয় যে এগৰাকী মাতৃ কেৱল ঘৰখনৰ প্ৰাণস্পন্দন নহয়, তেওঁ সন্তানৰ সপোনৰ প্ৰথম উৰণ আৰু জীৱনৰ আটাইতকৈ ডাঙৰ পৰিচয়। মাতৃ কেৱল জন্মদাত্ৰী নহয়, তেওঁ সংস্কৃতিৰ প্ৰথম গুৰু, ত্যাগৰ প্ৰতিমূৰ্তি আৰু ৰাষ্ট্ৰ নিৰ্মাণৰ আটাইতকৈ শক্তিশালী আধাৰশিলা স্বৰূপ। অনুষ্ঠানৰ শেষত আয়োজিত ক্ৰীড়া প্ৰতিযোগিতাত উৎকৃষ্ট প্ৰদৰ্শন কৰা মহিলাসকলক পুৰস্কাৰ বিতৰণ কৰি উৎসাহিত কৰা হয়। সমগ্ৰ কাৰ্যসূচীটোৱে এক আনন্দময়, প্ৰেমপূৰ্ণ তথা পাৰিবাৰিক সৌহাৰ্দ্যপূৰ্ণ পৰিৱেশৰ সৃষ্টি কৰা পৰিলক্ষিত হয়।##