সতী সাধনী দিৱসত মহান বীৰাংগনা সতী সাধনীলৈ গভীৰ শ্ৰদ্ধাঞ্জলি যাচিছোঁ। মহীয়সী সাধনীৰ স্বদেশপ্ৰেমৰ আদৰ্শ আৰু আত্মবলিদান ৰাজ্যৰ ইতিহাসৰ এক অবিস্মৰণীয় অধ্যায় ৰূপে প্ৰতিগৰাকী নাৰীকে প্ৰেৰণা যোগাই যাব।

ষষ্ঠদশ বৰ্ষত ভৰি দিলে ডিব্ৰুগড় সাংবাদিকৰ হুঁচৰি

Post by Moran Dorpon

* সোমবাৰে মথুৰাপুৰ ব'হাগী বিদায় উৎসৱৰ লাইখুটা স্থাপন। চৰাইদেউ জিলাৰ বৃহত্তৰ মথুৰাপুৰ অঞ্চলৰ ৰাইজৰ প্ৰচেষ্টাত অনুষ্ঠিত কৰি অহা ব'হাগী বিদায় উৎসৱ এই বছৰ সপ্তদশ বৰ্ষত ভৰি দিছে। আগন্তুক ৮ আৰু ৯ মে' , শুকুৰ আৰু শনিবাৰে দুদিনীয়া বিস্তৃত কাৰ্য্যসূচীৰে জুবিন গাৰ্গ সোঁৱৰণী সমন্বয় ক্ষেত্ৰ মথুৰাপুৰত অনুষ্ঠিত কৰাৰ প্ৰস্তুতিৰে মথুৰাপুৰ ব'হাগী বিদায় উৎসৱ সমিতিয়ে আজি এক মাংগলিক নীতি নিয়মেৰে মথুৰাপুৰ অঞ্চলৰ এগৰাকী ধৰ্মপ্ৰাণ ব্যক্তি অজিৎ নেওগে লাইখুটা স্থাপন কৰে। এইবাৰ দুদিনীয়া বিভিন্ন কাৰ্য্যসূচীৰ লগতে ৮ মে'ত বিভিন্ন প্ৰতিযোগিতাৰ লগতে কেইবাটাও আগশাৰী হুচৰি দলৰ হুচৰি প্ৰদৰ্শন। নিশালৈ স্থানীয় শিল্পীৰ দ্বাৰা সাংস্কৃতিক অনুষ্ঠান আৰু ৯ মে' তাৰিখে বিহু মঞ্চৰ বিশেষ আকৰ্ষণ অসমৰ জনপ্ৰিয় কণ্ঠশিল্পী নীলাভ নীতাৰ গীতৰ শৰাইৰ লগতে আমন্ত্ৰিত হুচৰি দলে প্ৰদৰ্শন কৰিব হুচৰি। উক্ত দুয়োটা দিনৰ কাৰ্য্যসূচীত সকলোৰে সহায় সহযোগিতাৰ লগতে উপস্থিতি কামনা কৰিছে উদযাপন সমিতিয়ে।

Post by Assam Update

ডিগবৈ লখিপথাৰ ভয়াবহ পথ দূৰঘটনা পাছ গৰাকী মহিলা আহত হয়

আজি তিনিচুকীয়াৰ বিষ্ণুজ্যোতি সংগীত বিদ্যালয়ত অসম সন্মিলিত মহাসংঘই এখন সংবাদমেল সম্বোধন কৰে ৷ সংবাদমেলত অসম সন্মিলিত মহাসংঘৰ সভাপতি মতিউৰ ৰহমানে কয় যে, অসমত উপনিৱেশিক চৰকাৰ প্ৰতিষ্ঠা কৰাৰ পৰাই খিলঞ্জীয়া জনগোষ্ঠী সমূহৰ ভয়াবহ দুৰ্যোগ আৰম্ভ হৈছে । বৃটিছেই বিভিন্ন বিদেশী লোকক অসমলৈ আনিছিল চৰকাৰৰ শাসন চলাবলৈ, সাৰুৱা তেল, কৃষি, চাহ, কয়লা আদিৰ উৎপাদন আৰু ব্যৱসায় কৰিবলৈ, ৰেল লাইন প্ৰতিষ্ঠা কৰিবলৈ । অসমলৈ বিদেশী আৰু বহিৰাগতৰ প্ৰৱজন এতিয়াও ব্যাপক ৰূপত চলিয়েই আছে । বৃটিছৰ দৰে ভাৰতীয় শাসক শ্ৰেণীয়েও অসমৰ খিলঞ্জীয়া জনগোষ্ঠী সমূহক ধ্বংস কৰিবলৈকে এই প্ৰৱজনক উদগণি দি আছে । অবৈধ বিদেশী বহিষ্কাৰ নকৰে আৰু ব্যাপক বহিৰাগতৰ প্ৰৱজন নিয়ন্ত্ৰণ নকৰে । খিলঞ্জীয়া জনগোষ্ঠী সমূহক নিজৰ হাজাৰ বছৰীয়া গৃহভূমিতে সংখ্যালঘু কৰি চিৰদিনৰ বাবে শাসন ক্ষমতা আৰু ভূ-সম্পদৰ অধিকাৰৰ পৰা বঞ্চিত কৰি গোলাম কৰিবলৈকেই বিভিন্ন ৰাজনৈতিক দল আৰু চৰকাৰে চলাই থকা ভয়ানক ষড়যন্ত্ৰৰ কথা খিলঞ্জীয়া জনগোষ্ঠী সমূহে এতিয়াও নুবুজাটো অতিশয় বেদনাদায়ক আৰু পৰিতাপৰ কথা । মহাসংঘই সেই কাৰণেই   খিলঞ্জীয়াৰ হাতৰ পৰা অতি কৌশলেৰে শাসন ক্ষমতা সহ সকলো অধিকাৰ কাঢ়ি লৈ গৈ থকা জঘণ্য কাৰ্য চিৰদিনৰ বাবে বন্ধ কৰিবলৈ আন্তঃৰাষ্ট্ৰীয় নীতি অনুসৰিয়েই খিলঞ্জীয়াৰ ভিত্তি বছৰ ১৮২৬ ৰ ভিত্তিত প্ৰকৃত খিলঞ্জীয়া আৰু ভাৰতৰ সংবিধান অনুসৰি ১৯৫১ৰ ভিত্তিত প্ৰকৃত ভাৰতীয় নাগৰিকৰ সুৰক্ষাৰ বাবেই আঞ্চলিক ৰাজনৈতিক দল "অসম সুৰক্ষা পৰিষদ" গঠন কৰিছে । ভাৰতৰ স্বাধীনতাৰ ৭৯ বছৰত অসমৰ খিলঞ্জীয়া জনগোষ্ঠী সমূহৰ আত্মনিয়ন্ত্ৰণৰ অধিকাৰৰ ভিত্তিত শাসন ক্ষমতা আৰু ভূ-সম্পদৰ অধিকাৰ ক্ৰমান্বয়ে বিলুপ্ত হৈ গৈ আছ । এসময়ৰ শাসক মৰাণ, মটক, চিংফৌ, দেউৰী, চুতীয়া, সোনোৱাল কছাৰী আদি জনগোষ্ঠীয়ে উজনি অসমৰ বিভিন্ন অঞ্চলত ৰাজত্ব কৰিছিল । আজি সেই জনগোষ্ঠী সমূহেই ৰাজনৈতিক শাসন ক্ষমতা হেৰুৱাইছে । অথচ উজনি অসমত হিন্দু বাঙালী, বিহাৰী, নেপালী, চাহ বনুৱা সম্প্ৰদায় আদি অ-খিলঞ্জীয়া সম্প্ৰদায়ৰ লোক বিধায়ক, সাংসদ, মন্ত্ৰী হৈছে । উজনি অসমৰ হাজাৰ বছৰীয়া খিলঞ্জীয়া জনগোষ্ঠীয়ে নিজৰ হাজাৰ বছৰীয়া গৃহভূমিতে যে ক্ষমতাৰ পৰা বঞ্চিত হৈছে সেই কথা বাস্তৱ ক্ষেত্ৰত প্ৰমাণিত হৈয়েই আছে । সেয়ে অসমৰ খিলঞ্জীয়া জনগোষ্ঠী সমূহৰ আৰু প্ৰকৃত ভাৰতীয় নাগৰিকৰ সুৰক্ষাৰ বাবেই শুদ্ধ ভাবে কাম কৰিবলৈ আৰু যাতে অধিক ক্ষতি নহয় তাৰ বাবেই এই আঞ্চলিক ৰাজনৈতিক দলৰ জড়িয়তে কাম কৰাটো সময়ৰ আহ্বান তথা জৰুৰী দায়িত্ব আৰু কৰ্তব্য ৰূপে বিবেচিত হৈছে । স্বাধীনতাৰ ৭৯ বছৰৰ ইতিহাসত খিলঞ্জীয়া জনগোষ্ঠী সমূহে তথা প্ৰকৃত ভাৰতীয় নাগৰিক সকলে যি হেৰুৱাইছে সেয়া পুনৰুদ্ধাৰৰ কৰিব পাৰিলেহে অসম সুৰক্ষিত হৈ থাকিব । খিলঞ্জীয়া জনগোষ্ঠী সমূহে নিজৰ বিবেক বুদ্ধিৰে শুদ্ধ পথেৰে আগুৱাই যাব পাৰিব লাগিব । সমাজবাদী আদৰ্শেৰে সম অধিকাৰ, সম সন্মান আৰু সম মৰ্যাদাৰ ভিত্তিতেই ৰাষ্ট্ৰসংঘৰ খিলঞ্জীয়া লোকৰ অধিকাৰ চনদে দিয়া আত্মনিয়ন্ত্ৰণৰ অধিকাৰৰ আধাৰত অসম দেশখন নতুন ৰূপত গঢ়ি প্ৰতিটো খিলঞ্জীয়া জনগোষ্ঠীৰে নিজস্ব চৰকাৰ গঠনৰ জড়িয়তে সকলোকে সামৰি এখন পূৰ্ণাংগ ফেডাৰেল চৰকাৰ প্ৰতিষ্ঠা কৰাৰ বাবে কাম কৰাটোৱেই অসম সুৰক্ষা পৰিষদৰ প্ৰধান লক্ষ্য আৰু উদ্দেশ্য । মহাসংঘই প্ৰত্যক্ষ সংসদীয় ৰাজনীতি নকৰে । কিন্তু মহাসংঘই  জাতিৰ প্ৰতি দায়িত্বশীল আৰু নিষ্ঠা, সততাৰে সেৱাৰ মনোভাৱেৰে জাতিৰ কল্যাণৰ বাবে কাম কৰিবলৈ দায়বদ্ধ এচাম লোকৰ দ্বাৰা অসম সুৰক্ষা পৰিষদ গঠন কৰি বাস্তৱ ক্ষেত্ৰত কাম কৰাৰ বাবে আগবঢ়াই দিবলৈ দায়বদ্ধ । মহাসংঘৰ হৈ এই ক্ষেত্ৰত যুটীয়া মুখ্য আহ্বায়ক হিচাপে দায়িত্ব পালন কৰিব সভাপতি শান্তনু দাস বৰহাজোৱাল আৰু মহা সচিব ভূপেন নৰহে । ৰাজনৈতিক দল গঠন কৰাৰ বাবে গঠিত আহ্বায়ক সমিতিৰ সদস্য সকল হ'ল -জ্ঞানানন্দ ফুকন, ডক্টৰ যোগেশ্বৰ বড়া, জগন্নাথ সোনোৱাল, বিৰাজ গগৈ, নবীন চন্দ্ৰ পাইত, আইমৌন ছাখাপ, ৰুবুল বৰা, পল্লৱ শ্যাম ৱাইলুঙ আৰু কিৰণ সিংহ । এই আহ্বায়ক সমিতিয়ে এখন ৰাজনৈতিক অভিবৰ্তন অনুষ্ঠিত কৰিবলৈ ক্ষীপ্ৰ গতিত কাম কৰিব । মহাসংঘৰ সুৰক্ষা পৰিষদৰ সভাপতি মতিউৰ ৰহমানে ছুপ্ৰিম কৰ্টত আইনী যুঁজ আৰু গণতান্ত্ৰিক সংগ্ৰাম দৃঢ়তাৰে চলাই নিয়াৰ বাবে যাৱতীয় কাম কাজ কৰি থাকিব বুলি আজি সংবাদমেলত মহাসংঘই ৰাজহুৱা কৰে ।

অসম চাহ জনজাতি ছাত্ৰ সন্থা আৰু নুমলীগড়ৰ উপ শাখা , বাগিচাৰ সংঘ স্থানীয় চাহ শ্ৰমিকৰ উদ্যোগত ধৰ্না কাৰ্যসূচী। বিভিন্ন সমস্যা সমাধানৰ দাবীত আয়োজিত ‘ধৰ্ণা কাৰ্যসূচী’ ৰাজ্যৰ চাহ জনজাতিসকলৰ দীৰ্ঘদিনীয়া সমস্যাসমূহৰ সমাধান আৰু বিশেষকৈ চাহ বাগিচাৰ শ্ৰমিকসকলক নিজা বসতিস্থলৰ ভূমি পট্টা প্ৰদানৰ দাবীত‌ প্ৰতিবাদী কাৰ্যসূচী ৰূপায়ণ কৰে।

ডিমৌ নগৰত সংঘটিত হৈছে এক ভয়ংকৰ ঘটনা। সোমবাৰে নিশা ডিমৌ মধুপুৰ অঞ্চলত চাৰিলেণ্ড যুক্ত পথ নিৰ্মাণ কৰা সংস্থাই নিৰ্মাণ কৰি এৰি থোৱা এক উন্মুক্ত নলাত সোমাই পৰে এটা গৰু। এই ঘটনাৰ পিছতে অঞ্চলটোত তীব্ৰ প্ৰতিক্ৰিয়া সৃষ্টি হৈছে। স্থানীয় ৰাইজে অভিযোগ উত্থাপন কৰি কয়—ঠিকাদাৰ গোষ্ঠীৰ কাণ্ডজ্ঞানহীনতাৰ বাবেই এনে বিপদজনক নলাৰ সৃষ্টি হৈছে। উল্লেখযোগ্য যে, এই উন্মুক্ত নলাসমূহ বন্ধ কৰাৰ বাবে স্থানীয় ৰাইজে বহু বাৰ আবেদন জনাইছিল যদিও কোনো ব্যৱস্থা গ্ৰহণ নকৰাৰ ফলতেই এনে ঘটনা সংঘটিত হোৱা বুলি অভিযোগ উত্থাপন কৰিছে। ইফালে, ঘটনাৰ পিছতে স্থানীয় ৰাইজ ঘটনাস্থলীত উপস্থিত হৈ গাৰুটোক উদ্ধাৰৰ বাবে প্ৰচেষ্টা অব্যাহত ৰাখিছে।