परभणीत अवकाळी पावसाच्या हलक्या सरी; शेतकऱ्यांची चिंता वाढली परभणी/प्रतिनिधी शहरात रविवारी (दि. १९) दुपारनंतर अचानक वातावरणात बदल झाल्याचे दिसून आले. सायंकाळी मध्यम स्वरूपाचा वादळी वारा सुटला आणि रात्री सुमारे साडेआठच्या सुमारास हलक्या स्वरूपाच्या पावसाच्या सरी कोसळू लागल्या.दरम्यान, भारतीय हवामानशास्त्र विभाग, मुंबई यांनी दोन दिवसांपूर्वीच मराठवाड्यासह राज्यातील विविध भागांत अवकाळी पावसासोबत वादळी वाऱ्याचा आणि उष्मालाटेचा इशारा दिला होता. तसेच वसंतराव नाईक मराठवाडा कृषी विद्यापीठाच्या ग्रामीण कृषी मौसम विभागानेही रविवारी दुपारनंतर परभणी जिल्ह्यात वादळी वाऱ्यासह अवकाळी पावसाची शक्यता वर्तवली होती.या पार्श्वभूमीवर झालेल्या पावसामुळे शेतकऱ्यांची चिंता वाढली आहे. रब्बी हंगामातील ज्वारी, गहू, हळद, भाजीपाला तसेच फळपिकांना या वादळी वाऱ्याचा आणि अवकाळी पावसाचा फटका बसण्याची भीती व्यक्त होत आहे.हवामान विभागाच्या अंदाजानुसार पुढील दोन दिवसही वादळी वाऱ्यासह अवकाळी पावसाची शक्यता असल्याने शेतकऱ्यांनी पिके, फळबागा, पशुधन आणि काढणी केलेली उत्पादने सुरक्षित ठेवावीत, असे आवाहन करण्यात आले आहे.

Jafar tarodekar

परभणी, परभणी, महाराष्ट्र•

1 day ago

परभणीत अवकाळी पावसाच्या हलक्या सरी; शेतकऱ्यांची चिंता वाढली परभणी/प्रतिनिधी शहरात रविवारी (दि. १९) दुपारनंतर अचानक वातावरणात बदल झाल्याचे दिसून आले. सायंकाळी मध्यम स्वरूपाचा वादळी वारा सुटला आणि रात्री सुमारे साडेआठच्या सुमारास हलक्या स्वरूपाच्या पावसाच्या सरी कोसळू लागल्या.दरम्यान, भारतीय हवामानशास्त्र विभाग, मुंबई यांनी दोन दिवसांपूर्वीच मराठवाड्यासह राज्यातील विविध भागांत अवकाळी पावसासोबत वादळी वाऱ्याचा आणि उष्मालाटेचा इशारा दिला होता. तसेच वसंतराव नाईक मराठवाडा कृषी विद्यापीठाच्या ग्रामीण कृषी मौसम विभागानेही रविवारी दुपारनंतर परभणी जिल्ह्यात वादळी वाऱ्यासह अवकाळी पावसाची शक्यता वर्तवली होती.या पार्श्वभूमीवर झालेल्या पावसामुळे शेतकऱ्यांची चिंता वाढली आहे. रब्बी हंगामातील ज्वारी, गहू, हळद, भाजीपाला तसेच फळपिकांना या वादळी वाऱ्याचा आणि अवकाळी पावसाचा फटका बसण्याची भीती व्यक्त होत आहे.हवामान विभागाच्या अंदाजानुसार पुढील दोन दिवसही वादळी वाऱ्यासह अवकाळी पावसाची शक्यता असल्याने शेतकऱ्यांनी पिके, फळबागा, पशुधन आणि काढणी केलेली उत्पादने सुरक्षित ठेवावीत, असे आवाहन करण्यात आले आहे.