मॅट्रिमोनियल साईटवर बनावट प्रोफाइलद्वारे लाखोंची फसवणूक; सराईत आरोपी अटकेत पुणे : येरवडा पोलीस स्टेशनच्या हद्दीत मॅट्रिमोनियल वेबसाईटवर बनावट प्रोफाइल तयार करून महिलांची आर्थिक फसवणूक करणाऱ्या सराईत आरोपीला पोलिसांनी अटक केली आहे. या प्रकरणात आरोपीने सॉफ्टवेअर इंजिनिअर असल्याचे भासवत विश्वास संपादन करून तब्बल २९ लाख रुपयांची ऑनलाइन फसवणूक केल्याचे समोर आले आहे. पोलिसांनी दिलेल्या माहितीनुसार, आरोपी आदर्श प्रशांत म्हेत्रे (वय ३८ वर्षे) (उर्फ स्वप्नील वाल्के, उर्फ हेमंत गावकर, उर्फ जयेश पाटील), रा. अलीबाग, जि. रायगड (सध्या दुबई) याने मॅट्रिमोनियल साईटवर खोटी ओळख तयार करून फिर्यादी महिलेशी संपर्क साधला. त्यानंतर मैत्री व विश्वास निर्माण करून विविध कारणे सांगत वेळोवेळी पैशांची मागणी केली आणि ऑनलाइन व्यवहारांद्वारे मोठी रक्कम उकळली. फिर्यादीच्या तक्रारीवरून येरवडा पोलीस ठाण्यात भारतीय दंड संहिता कलम ४१९, ४२० तसेच आयटी अॅक्ट कलम ६६ (सी), ६६ (डी) अंतर्गत गुन्हा दाखल करण्यात आला. प्रकरणाचे गांभीर्य लक्षात घेऊन पोलिसांनी तांत्रिक तपास सुरू केला आणि आरोपीचा मागोवा घेतला. तपासादरम्यान आरोपीला दि. २८ फेब्रुवारी २०२६ रोजी नवी मुंबई येथून अटक करण्यात आली. त्यानंतर त्याला पुण्यात आणून पुढील चौकशी करण्यात आली. या चौकशीत आरोपीने विविध बँक खात्यांद्वारे व्यवहार करून पैसे वळविल्याचे उघड झाले. यापैकी २१ लाख रुपये पोलिसांनी परत मिळवण्यात यश मिळवले असून उर्वरित रकमेचा शोध सुरू आहे. या प्रकरणाचा पुढील तपास पोलीस निरीक्षक (गुन्हे) श्री. विजय ठाकर करत आहेत. ही कारवाई मा. अपर पोलीस आयुक्त (पूर्व प्रादेशिक विभाग) पुणे शहर श्री. मनोज पाटील, मा. पोलीस उपायुक्त (परिमंडळ ४) श्रीमती नीला जनकिराम, तसेच संबंधित सहाय्यक पोलीस आयुक्त यांच्या मार्गदर्शनाखाली करण्यात आली. तसेच वरिष्ठ पोलीस निरीक्षक श्री. अनुज बागवान, पोलीस निरीक्षक (गुन्हे) श्री. विजय ठाकर, सहाय्यक पोलीस निरीक्षक प्रसन्न जाधव, पोलीस उपनिरीक्षक गणेश राठोड, तसेच पोलीस कर्मचारी पिलाने, कोंके, स्वप्नील पिंगळे, भगावत व ओंडूर घडकर यांनी ही कारवाई यशस्वीपणे पार पाडली. 🔎 पोलीसांचे आवाहन मॅट्रिमोनियल किंवा सोशल मीडियावर अनोळखी व्यक्तींशी संवाद साधताना सतर्क राहावे. कोणतीही खातरजमा न करता आर्थिक व्यवहार करू नयेत, असे आवाहन पोलिसांनी नागरिकांना केले आहे.

क्राईम महाराष्ट्र लाईव्ह न्यूज

हवेली, पुणे, महाराष्ट्र•

3 hrs ago

मॅट्रिमोनियल साईटवर बनावट प्रोफाइलद्वारे लाखोंची फसवणूक; सराईत आरोपी अटकेत पुणे : येरवडा पोलीस स्टेशनच्या हद्दीत मॅट्रिमोनियल वेबसाईटवर बनावट प्रोफाइल तयार करून महिलांची आर्थिक फसवणूक करणाऱ्या सराईत आरोपीला पोलिसांनी अटक केली आहे. या प्रकरणात आरोपीने सॉफ्टवेअर इंजिनिअर असल्याचे भासवत विश्वास संपादन करून तब्बल २९ लाख रुपयांची ऑनलाइन फसवणूक केल्याचे समोर आले आहे. पोलिसांनी दिलेल्या माहितीनुसार, आरोपी आदर्श प्रशांत म्हेत्रे (वय ३८ वर्षे) (उर्फ स्वप्नील वाल्के, उर्फ हेमंत गावकर, उर्फ जयेश पाटील), रा. अलीबाग, जि. रायगड (सध्या दुबई) याने मॅट्रिमोनियल साईटवर खोटी ओळख तयार करून फिर्यादी महिलेशी संपर्क साधला. त्यानंतर मैत्री व विश्वास निर्माण करून विविध कारणे सांगत वेळोवेळी पैशांची मागणी केली आणि ऑनलाइन व्यवहारांद्वारे मोठी रक्कम उकळली. फिर्यादीच्या तक्रारीवरून येरवडा पोलीस ठाण्यात भारतीय दंड संहिता कलम ४१९, ४२० तसेच आयटी अॅक्ट कलम ६६ (सी), ६६ (डी) अंतर्गत गुन्हा दाखल करण्यात आला. प्रकरणाचे गांभीर्य लक्षात घेऊन पोलिसांनी तांत्रिक तपास सुरू केला आणि आरोपीचा मागोवा घेतला. तपासादरम्यान आरोपीला दि. २८ फेब्रुवारी २०२६

रोजी नवी मुंबई येथून अटक करण्यात आली. त्यानंतर त्याला पुण्यात आणून पुढील चौकशी करण्यात आली. या चौकशीत आरोपीने विविध बँक खात्यांद्वारे व्यवहार करून पैसे वळविल्याचे उघड झाले. यापैकी २१ लाख रुपये पोलिसांनी परत मिळवण्यात यश मिळवले असून उर्वरित रकमेचा शोध सुरू आहे. या प्रकरणाचा पुढील तपास पोलीस निरीक्षक (गुन्हे) श्री. विजय ठाकर करत आहेत. ही कारवाई मा. अपर पोलीस आयुक्त (पूर्व प्रादेशिक विभाग) पुणे शहर श्री. मनोज पाटील, मा. पोलीस उपायुक्त (परिमंडळ ४) श्रीमती नीला जनकिराम, तसेच संबंधित सहाय्यक पोलीस आयुक्त यांच्या मार्गदर्शनाखाली करण्यात आली. तसेच वरिष्ठ पोलीस निरीक्षक श्री. अनुज बागवान, पोलीस निरीक्षक (गुन्हे) श्री. विजय ठाकर, सहाय्यक पोलीस निरीक्षक प्रसन्न जाधव, पोलीस उपनिरीक्षक गणेश राठोड, तसेच पोलीस कर्मचारी पिलाने, कोंके, स्वप्नील पिंगळे, भगावत व ओंडूर घडकर यांनी ही कारवाई यशस्वीपणे पार पाडली. 🔎 पोलीसांचे आवाहन मॅट्रिमोनियल किंवा सोशल मीडियावर अनोळखी व्यक्तींशी संवाद साधताना सतर्क राहावे. कोणतीही खातरजमा न करता आर्थिक व्यवहार करू नयेत, असे आवाहन पोलिसांनी नागरिकांना केले आहे.