ଗଜପତି ଜିଲ୍ଲା କାଶୀନଗର ବ୍ଲକ ଅନ୍ତର୍ଗତ ବୁଦୁରା ଗ୍ରାମ ପଞ୍ଚାୟତର ବୁଦୁରା ଗ୍ରାମରେ ଏକ ଅତ୍ୟାଧୁନିକ କମୁନିଟି ହଲ୍ ତଥା କୋଠ ଗୃହର ଶୁଭ ଉଦ୍ଘାଟନ କରାଯାଇଛି। ପାରଳାଖେମୁଣ୍ଡି ବିଧାୟକ ରୁପେସ ପାଣିଗ୍ରାହୀ ଏହି କୋଠ ଗୃହକୁ ଉଦ୍ଘାଟନ କରିଛନ୍ତି, ଯାହା ପୂର୍ବ ସରକାରଙ୍କ ଅନୁଦାନରେ ନିର୍ମିତ ହୋଇଥିଲା। ଗ୍ରାମବାସୀମାନେ ବହୁ ଦିନରୁ ଏହି କୋଠ ଗୃହ ନିର୍ମାଣ କରିବା ପାଇଁ ଦାବି କରିଆସୁଥିଲେ। ଏହି କାର୍ଯ୍ୟ ସମ୍ପୂର୍ଣ୍ଣ ହୋଇ ଆଜି ଉଦ୍ଘାଟିତ ହେବାରୁ ଗ୍ରାମବାସୀମାନେ ବିଧାୟକଙ୍କୁ ଧନ୍ୟବାଦ ଜଣାଇଛନ୍ତି। ଏହି ଉଦ୍ଘାଟନୀ କାର୍ଯ୍ୟକ୍ରମରେ ବିଧାୟକଙ୍କ ସମେତ ଜିଲ୍ଲା ପରିଷଦ ଅଧ୍ୟକ୍ଷ ଗାବରା ତିରୁପତି ରାଓ, କାଶୀନଗର ବ୍ଲକ ଅଧ୍ୟକ୍ଷା ବାଲା ସାୟମା, ସ୍ଥାନୀୟ ସରପଞ୍ଚ ଏବଂ ସମିତି ସଦସ୍ୟମାନେ ଉପସ୍ଥିତ ଥିଲେ।

ଗଜପତି ଜିଲ୍ଲା କାଶୀନଗର ବ୍ଲକ ଅନ୍ତର୍ଗତ ବୁଦୁରା ଗ୍ରାମ ପଞ୍ଚାୟତର ବୁଦୁରା ଗ୍ରାମରେ ଏକ ଅତ୍ୟାଧୁନିକ କମୁନିଟି ହଲ୍ ତଥା କୋଠ ଗୃହର ଶୁଭ ଉଦ୍ଘାଟନ କରାଯାଇଛି। ପାରଳାଖେମୁଣ୍ଡି ବିଧାୟକ ରୁପେସ ପାଣିଗ୍ରାହୀ ଏହି କୋଠ ଗୃହକୁ ଉଦ୍ଘାଟନ କରିଛନ୍ତି, ଯାହା ପୂର୍ବ ସରକାରଙ୍କ ଅନୁଦାନରେ ନିର୍ମିତ ହୋଇଥିଲା। ଗ୍ରାମବାସୀମାନେ ବହୁ ଦିନରୁ ଏହି କୋଠ ଗୃହ ନିର୍ମାଣ କରିବା ପାଇଁ ଦାବି କରିଆସୁଥିଲେ। ଏହି କାର୍ଯ୍ୟ ସମ୍ପୂର୍ଣ୍ଣ ହୋଇ ଆଜି ଉଦ୍ଘାଟିତ ହେବାରୁ ଗ୍ରାମବାସୀମାନେ ବିଧାୟକଙ୍କୁ ଧନ୍ୟବାଦ ଜଣାଇଛନ୍ତି। ଏହି ଉଦ୍ଘାଟନୀ କାର୍ଯ୍ୟକ୍ରମରେ ବିଧାୟକଙ୍କ ସମେତ ଜିଲ୍ଲା ପରିଷଦ ଅଧ୍ୟକ୍ଷ ଗାବରା ତିରୁପତି ରାଓ, କାଶୀନଗର ବ୍ଲକ ଅଧ୍ୟକ୍ଷା ବାଲା ସାୟମା, ସ୍ଥାନୀୟ ସରପଞ୍ଚ ଏବଂ ସମିତି ସଦସ୍ୟମାନେ ଉପସ୍ଥିତ ଥିଲେ।

ଅଡବା ପୋଲିସ କୁ ବଡ଼ ସଫଳତା ଦୁଇଟି ଗାଡି ରେ 10ଗାଈ ବେଆଇନ ଭାବେ ଚାଲାଣ ବେଳେ ପୋଲିସ କାବୁ କରି ତିନି ଜଣଙ୍କୁ ଗିରଫ କରିବା ସହ ତିନି ଗାଡି ନଗଦ ଏକ ଲକ୍ଷ୍ୟ ସତୁରି ହଜାର ଜବତ କରିଛି

ରଜ ପର୍ବ ସପ୍ତାହ ଅବସରରେ ବ୍ରହ୍ମପୁରରେ ଓଡିଆ ଚଳଚ୍ଚିତ୍ର ‘ଶିକାରୀ’ର ପ୍ରିମିୟର କରାଯାଇଛି। ଏହି ଓଡିଆ ଚଳଚ୍ଚିତ୍ରଟି ବ୍ରହ୍ମପୁରରେ ଲଞ୍ଚ ହୋଇଛି।

ଗଞ୍ଜାମ ଜିଲ୍ଲାର କବିସୂର୍ଯ୍ୟନଗର ପଞ୍ଚାୟତ ସମିତି କାର୍ଯ୍ୟାଳୟ ପରିସରରେ 'ବିକାଶର ଧାରା ଓଡ଼ିଶା ସାରା' କାର୍ଯ୍ୟକ୍ରମ ଉଦ୍‌ଘାଟିତ ହୋଇଛି। ରାଜ୍ୟ ସରକାରଙ୍କ ପକ୍ଷରୁ ପ୍ରତ୍ୟେକ ବ୍ଲକ ସ୍ତରରେ ଏହି କାର୍ଯ୍ୟକ୍ରମ ଆୟୋଜନ କରାଯାଉଛି, ଯାହାର ମୁଖ୍ୟ ଉଦ୍ଦେଶ୍ୟ ହେଉଛି ନୂତନ ସରକାର ଗଠନ ପରଠାରୁ ହୋଇଥିବା ବିକାଶ କାର୍ଯ୍ୟ ଏବଂ ଲୋକମାନେ କିପରି ସେଥିରୁ ସୁବିଧା ପାଉଛନ୍ତି, ତାହା ଲୋକମାନଙ୍କ ନିକଟରେ ପହଞ୍ଚାଇବା। କବିସୂର୍ଯ୍ୟନଗର ବ୍ଲକରେ ଆୟୋଜିତ ଏହି କାର୍ଯ୍ୟକ୍ରମ ୨୪ ତାରିଖ ପର୍ଯ୍ୟନ୍ତ ଚାଲିବ। ଉଦ୍‌ଘାଟନୀ ଉତ୍ସବରେ ଆସିକା ବିଧାୟକ ସରୋଜ କୁମାର ପାଢ଼ୀ ଏବଂ କବିସୂର୍ଯ୍ୟନଗର ବିଧାୟକ ପ୍ରତାପ ଚନ୍ଦ୍ର ନାୟକଙ୍କ ସମେତ ବ୍ଲକ ସ୍ତରୀୟ ବହୁ ବିଭାଗର ଅଧିକାରୀମାନେ ଉପସ୍ଥିତ ରହିଥିଲେ। ସେମାନେ ଲୋକମାନଙ୍କୁ ସରକାରଙ୍କ ଜନକଲ୍ୟାଣକାରୀ ଯୋଜନା ବିଷୟରେ ଅବଗତ କରାଇଥିଲେ। ଏହି ଅବସରରେ ଦୁଇ ବିଧାୟକ ପୂର୍ବତନ ସରକାରଙ୍କୁ ସମାଲୋଚନା କରି କହିଥିଲେ ଯେ, ପୂର୍ବ ସରକାର ଅମଳରେ ଦଳୀୟ କର୍ମୀମାନେ ଯୋଜନାକୁ ହାଇଜାକ କରି ଲୋକଙ୍କୁ ଅନ୍ଧାରରେ ରଖୁଥିଲେ। ଏହି ବ୍ଲକ ସ୍ତରୀୟ 'ବିକାଶର ଧାରା ଓଡ଼ିଶା ସାରା' କାର୍ଯ୍ୟକ୍ରମ ରାଜ୍ୟ ସରକାରଙ୍କ ଦୁଇ ବର୍ଷ ପୂର୍ତ୍ତି ଅବସରରେ ଉଦ୍‌ଘାଟିତ ହୋଇଛି।

କେନ୍ଦ୍ରାପଡା ଜିଲ୍ଲାର ତିଖିରି ପଞ୍ଚାୟତର ସରପଞ୍ଚ ଚାମେଲୀ ଓଝାଙ୍କୁ କେନ୍ଦ୍ର କରି ଉପୁଜିଥିବା ଏକ ବିବାଦୀୟ ଘଟଣା ଏବେ ଜିଲ୍ଲା ରାଜନୀତି ଓ ପ୍ରଶାସନିକ ମହଲରେ ଚର୍ଚ୍ଚାର ବିଷୟ ପାଲଟିଛି। ଏହି ଘଟଣାକୁ ନେଇ ଜିଲ୍ଲା ସରପଞ୍ଚ ସଙ୍ଘର ଏକ ପ୍ରତିନିଧି ଦଳ ଆଜି କେନ୍ଦ୍ରାପଡ଼ା ଏସପି ଶ୍ରୀ ସିଦ୍ଧାର୍ଥ କଟାରିୟାଙ୍କୁ ଭେଟି ଏକ ନ୍ୟାୟସଙ୍ଗତ ତଦନ୍ତ ଓ ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି। ସୂଚନା ଅନୁଯାୟୀ, ଗତକାଲିର ଏହି ଘଟଣାକୁ ନେଇ ମହାକାଳପଡ଼ା ବିଡିଓଙ୍କ ଅଭିଯୋଗ କ୍ରମେ ମହାକାଳପଡ଼ା ଥାନାରେ ୧୭୦/୨୬ ନମ୍ବରରେ ଏକ ମାମଲା ରୁଜୁ ହୋଇଥିବା ବେଳେ ପୋଲିସ ପକ୍ଷରୁ ମଧ୍ୟ ୧୭୧/୨୬ ନମ୍ବରରେ ଆଉ ଏକ ମାମଲା ରୁଜୁ ହୋଇଥିବା ଜଣାପଡ଼ିଛି। ସରପଞ୍ଚ ସଙ୍ଘ ଅଭିଯୋଗ କରିଛି ଯେ, ଚାମେଲୀ ଓଝା ତାଙ୍କ ପଞ୍ଚାୟତବାସୀଙ୍କ ମୌଳିକ ଅଧିକାର ପ୍ରଦାନ ପାଇଁ ବିଡିଓ ଓ ବିଧାୟକଙ୍କ ସହ ଲଢ଼ୁଥିଲେ। ତେବେ ଏହି ଭଲ କାର୍ଯ୍ୟକୁ ସହି ନ ପାରି ବିଡିଓ ଓ ବିଧାୟକ ପୋଲିସକୁ ଧରି ଏକ ମିଛ ନାଟକ କରି ଚାମେଲୀ ଓଝାଙ୍କୁ ଫସାଇ ଦେଇଛନ୍ତି। ସରପଞ୍ଚ ସଙ୍ଘ ଏହା ମଧ୍ୟ ଦାବି କରିଛି ଯେ ଘଟଣା ସମୟରେ ଚାମେଲୀ ଓଝାଙ୍କ ହାତରୁ ମୋବାଇଲ ଫୋନ ଛଡ଼ାଇ ନେବାକୁ ଚେଷ୍ଟା କରିଥିବା ଯୁବକଙ୍କ ବିରୋଧରେ ଏପର୍ଯ୍ୟନ୍ତ କୌଣସି ଦୃଢ଼ କାର୍ଯ୍ୟାନୁଷ୍ଠାନ ହୋଇନାହିଁ। ଏହାର ଉତ୍ତରରେ ଏସପି କହିଛନ୍ତି ଯେ, ଏହି ଘଟଣାରେ ଜଣେ ବ୍ୟକ୍ତିଙ୍କୁ ଗିରଫ କରାଯାଇଛି ଏବଂ ଚାମେଲୀ ଓଝା ଯଦି ଅନ୍ୟ କାହାର ନାମରେ ଏଫଆଇଆର ଦାଖଲ କରନ୍ତି, ତେବେ ତଦନ୍ତ ପରେ ଆବଶ୍ୟକ ପଦକ୍ଷେପ ନିଆଯିବ। ଅନ୍ୟପକ୍ଷରେ, ଅସୁସ୍ଥ ହୋଇପଡ଼ିଥିବା ଚାମେଲୀ ଓଝା ବର୍ତ୍ତମାନ କେନ୍ଦ୍ରାପଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସାଧୀନ ଅଛନ୍ତି। ସେ ଅଭିଯୋଗ କରିଛନ୍ତି ଯେ, ମହାକାଳପଡ଼ା ବିଧାୟକ ତାଙ୍କଠାରୁ ଅର୍ଥ ଆଶା କରୁଥିଲେ ଏବଂ ସେ ତାହା ଦେଇପାରିନଥିବାରୁ ତିଖିରି ପଞ୍ଚାୟତରେ ଉନ୍ନୟନମୂଳକ କାର୍ଯ୍ୟ ବାଧାପ୍ରାପ୍ତ ହେଉଛି। ଏହି ସମ୍ପର୍କରେ ବିଡିଓଙ୍କୁ ପଚାରିବା ପାଇଁ ସେ ଯାଇଥିବା ବେଳେ କିଛି ଯୁବକ ତାଙ୍କୁ ଭିଡିଓ ଉତ୍ତୋଳନ କରିବାରୁ ବାରଣ କରିବା ସହ ଅଶ୍ଳୀଳ ଭାଷାରେ ଗାଳିଗୁଲଜ କରିଥିଲେ। ଏପରିକି ଘଟଣାସ୍ଥଳକୁ ପହଞ୍ଚିଥିବା ପୋଲିସ ତାଙ୍କୁ ସହଯୋଗ କରିବା ପରିବର୍ତ୍ତେ ଦୁର୍ବ୍ୟବହାର କରିଥିବା ସେ ଅଭିଯୋଗ କରିଛନ୍ତି। ଏସପି ଶ୍ରୀ କଟାରିୟା କହିଛନ୍ତି ଯେ, ଚାମେଲୀ ଓଝାଙ୍କ ସହ ପୋଲିସ କୌଣସି ଦୁର୍ବ୍ୟବହାର କରିନାହିଁ ଏବଂ ସମଗ୍ର ଘଟଣାର ତଦନ୍ତ ସିସିଟିଭି ଫୁଟେଜ ଆଧାରରେ କରାଯାଉଛି। ଫୁଟେଜରେ ଯାହା ତଥ୍ୟ ସାମ୍ନାକୁ ଆସିବ, ସେହି ଅନୁଯାୟୀ ଆଇନଗତ ପଦକ୍ଷେପ ଗ୍ରହଣ କରାଯିବ ବୋଲି ସେ ସୂଚନା ଦେଇଛନ୍ତି। ଏହି ପ୍ରସଙ୍ଗରେ ନ୍ୟାୟ ଦାବି କରି ଚାମେଲୀ ଓଝା ଆଜି ମୁଖ୍ୟମନ୍ତ୍ରୀଙ୍କୁ ଏକ ପତ୍ର ଲେଖିଛନ୍ତି। ସେ ନିଜକୁ ଅସୁରକ୍ଷିତ ଓ ଅସହାୟ ମନେ କରୁଥିବା ଉଲ୍ଲେଖ କରିବା ସହ ସମଗ୍ର ଘଟଣାର ନିରପେକ୍ଷ ତଦନ୍ତ କରି ନ୍ୟାୟ ପ୍ରଦାନ କରିବାକୁ ମୁଖ୍ୟମନ୍ତ୍ରୀଙ୍କ ନିକଟରେ ଅନୁରୋଧ କରିଛନ୍ତି। ଘଟଣାକୁ ନେଇ ଜିଲ୍ଲାରେ ଚର୍ଚ୍ଚା ଜାରି ରହିଥିବା ବେଳେ ପୋଲିସ ତଦନ୍ତ ରିପୋର୍ଟ ଉପରେ ସମସ୍ତଙ୍କ ନଜର ରହିଛି।

ଆଦିବାସୀକଲ୍ୟାଣ ସଂଘ ପକ୍ଷରୁ କଣ୍ଟାବାଞ୍ଜି ବିଧାୟକ ଲକ୍ଷ୍ମଣ ବାଗଙ୍କ ବିରୋଧରେ ଥାନାରେ ଏକ ଏତଳା ଦାୟର କରାଯାଇଛି। ଆଦିବାସୀମାନଙ୍କ ପ୍ରତି ଖରାପ ଭାଷାରେ ମନ୍ତବ୍ୟ ଦେଇଥିବା ଅଭିଯୋଗରେ ଆଦିବାସୀ ସଂଘ ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛି।

ଓଡିଶା ସାରା ବିକାଶ ଧାରା କାର୍ଯ୍ୟକ୍ରମ ଅନୁଷ୍ଠିତ ହୋଇଛି। ଏହି କାର୍ଯ୍ୟକ୍ରମ ଅନ୍ତର୍ଗତ ମୋହନା ବ୍ଲକ ପରିସରରେ ଅଗ୍ନିଶମ ବିଭାଗ ଦ୍ୱାରା ଏକ ମାଗଡ୍ରିଲ କାର୍ଯ୍ୟକ୍ରମ ପରିଚାଳିତ ହୋଇଥିଲା।

ରାଜ୍ୟ ରାଜପଥ-୬ର ପୋଖରୀବନ୍ଧ ଛକ ନିକଟରେ ବାରମ୍ବାର ଦୁର୍ଘଟଣା ଘଟୁଥିବା ବେଳେ ଗୁରୁବାର ସକାଳେ ପୁଣି ଏକ ପିଚୁ ବୋଝେଇ ଟ୍ରକ୍ ଓଲଟି ପଡ଼ିଛି। ଅମ୍ବାଦୋଳା ପଟୁ ଆସୁଥିବା ବେଳେ ଛକର ତୀବ୍ର ବୁଲାଣି ଯୋଗୁଁ ଟ୍ରକଟି ଭାରସାମ୍ୟ ହରାଇ ଓଲଟି ପଡ଼ିଥିଲା। ଏହି ସ୍ଥାନରେ ଦୁର୍ଘଟଣାକୁ ନେଇ ଅନେକ ଥର ଅଭିଯୋଗ ହୋଇଥିଲେ ମଧ୍ୟ କୌଣସି ସୁଫଳ ମିଳିପାରି ନାହିଁ। ସୂଚନା ଅନୁଯାୟୀ, ଆଜି ଗୁରୁବାର ସକାଳ ପ୍ରାୟ ୭ଟା ସମୟରେ ବିଶାଖାପାଟଣାରୁ ପିଚୁ ନେଇ ଭବାନୀପାଟଣା ଅଭିମୁଖେ ଯାଉଥିବା ଏକ ଟ୍ରକ୍ ପୋଖରୀବନ୍ଧ ଛକ ନିକଟରେ ଦୁର୍ଘଟଣାଗ୍ରସ୍ତ ହୋଇଛି। ଦୁର୍ଘଟଣା ପରେ ଟ୍ରକର ଚାଳକ ଘଟଣାସ୍ଥଳରୁ ଫେରାର ହୋଇଯାଇଥିବା ଜଣାପଡ଼ିଛି। ଘଟଣାସ୍ଥଳରେ ବିଶ୍ୱନାଥପୁର ପୋଲିସ୍ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି।