बीड शहरातील ऐतिहासिक वेस परिसरातील राजूर वेस–कटकटपुरा–बुंदेलपुरा–कबाड गल्ली–माळीवेस पोलीस चौकी परिसरातील रस्ता व नाली बांधकामासाठी तब्बल ₹१,९९,९९,८३९ निधी मंजूर करण्यात आला आहे. १७ एप्रिल २०२६ रोजी कार्यारंभ आदेशही देण्यात आला होता, मात्र दोन महिन्यांहून अधिक कालावधी उलटूनही प्रत्यक्ष कामाला अपेक्षित गती मिळाली नसल्याने नागरिकांमध्ये तीव्र नाराजी व्यक्त होत आहे. याच पार्श्वभूमीवर, विविध धर्मांतील मान्यवरांच्या उपस्थितीत नागरिकांनी रस्त्याच्या कामाचा प्रतीकात्मक मुहूर्त करत प्रशासन आणि संबंधित ठेकेदाराचे लक्ष वेधण्याचा प्रयत्न केला. "लोकहितासाठी प्रत्येक दिवस शुभ असतो" अशी भावना व्यक्त करत नागरिकांनी हे काम तातडीने सुरू करण्याची मागणी केली आहे. त्यांनी संबंधित प्रशासन आणि ठेकेदारांनी काम रखडण्यामागील कारणे स्पष्ट करावीत, तसेच मंजूर निधीचा योग्य वापर करून रस्ता व नालीचे बांधकाम त्वरित सुरू करावे, अशी मागणी केली आहे. यावेळी प्रा. सनी विष्णू वाघमारे यांनी सांगितले की, हा प्रश्न केवळ एका रस्त्यापुरता मर्यादित नसून तो नागरिकांच्या दैनंदिन जीवनाशी संबंधित आहे. मंजूर कामे वेळेत पूर्ण न झाल्यास सर्वसामान्यांना मोठा त्रास सहन करावा लागतो, त्यामुळे संबंधित यंत्रणा आणि ठेकेदारांनी जबाबदारी स्वीकारून तातडीने काम सुरू करावे, अशी त्यांची मागणी आहे. दरम्यान, या कामातील विलंबाबाबत नागरिकांनी सिताई कन्स्ट्रक्शन या संबंधित ठेकेदारावरही नाराजी व्यक्त केली असून, प्रशासनाने या प्रकरणाची दखल घेऊन कामाला त्वरित गती द्यावी, अशी मागणी जोर धरत आहे.

बालाजी जगतकर

Farmer बीड, बीड, महाराष्ट्र•

6 hrs ago

बीड शहरातील ऐतिहासिक वेस परिसरातील राजूर वेस–कटकटपुरा–बुंदेलपुरा–कबाड गल्ली–माळीवेस पोलीस चौकी परिसरातील रस्ता व नाली बांधकामासाठी तब्बल ₹१,९९,९९,८३९ निधी मंजूर करण्यात आला आहे. १७ एप्रिल २०२६ रोजी कार्यारंभ आदेशही देण्यात आला होता, मात्र दोन महिन्यांहून अधिक कालावधी उलटूनही प्रत्यक्ष कामाला अपेक्षित गती मिळाली नसल्याने नागरिकांमध्ये तीव्र नाराजी व्यक्त होत आहे. याच पार्श्वभूमीवर, विविध धर्मांतील मान्यवरांच्या उपस्थितीत नागरिकांनी रस्त्याच्या कामाचा प्रतीकात्मक मुहूर्त करत प्रशासन आणि संबंधित ठेकेदाराचे लक्ष वेधण्याचा प्रयत्न केला. "लोकहितासाठी प्रत्येक दिवस शुभ असतो" अशी भावना व्यक्त करत नागरिकांनी हे काम तातडीने सुरू करण्याची मागणी केली आहे. त्यांनी संबंधित प्रशासन आणि ठेकेदारांनी काम रखडण्यामागील कारणे स्पष्ट करावीत, तसेच मंजूर निधीचा योग्य वापर करून रस्ता व नालीचे बांधकाम त्वरित सुरू करावे, अशी मागणी केली आहे. यावेळी प्रा. सनी विष्णू वाघमारे यांनी सांगितले की, हा प्रश्न केवळ एका रस्त्यापुरता मर्यादित नसून तो नागरिकांच्या दैनंदिन जीवनाशी संबंधित आहे. मंजूर कामे वेळेत पूर्ण न झाल्यास सर्वसामान्यांना मोठा त्रास सहन करावा लागतो, त्यामुळे संबंधित यंत्रणा आणि ठेकेदारांनी जबाबदारी स्वीकारून तातडीने काम सुरू करावे, अशी त्यांची मागणी आहे. दरम्यान, या कामातील विलंबाबाबत नागरिकांनी सिताई कन्स्ट्रक्शन या संबंधित ठेकेदारावरही नाराजी व्यक्त केली असून, प्रशासनाने या प्रकरणाची दखल घेऊन कामाला त्वरित गती द्यावी, अशी मागणी जोर धरत आहे.