येवला नगरपालिकेचे 'वसुली' प्रेम; शेतकऱ्यांना बसण्यास मात्र मज्जाव! ​शिवसेनेचा आंदोलनाचा इशारा: 'शेतकऱ्यांना हटवल्यास जशास तसे उत्तर देऊ' येवला नगरपालिकेच्या मनमानी कारभाराविरोधात शिवसेना आक्रमक झाली असून, मंगळवारच्या आठवडे बाजारात भाजीपाला विक्री करणाऱ्या शेतकऱ्यांची अडवणूक थांबवण्याचे आवाहन केले आहे. "नगरपालिका प्रशासन शेतकऱ्यांकडून ५० ते १०० रुपयांची पावती घेते, मग त्यांना जागेवरून का उठवले जाते?" असा संतप्त सवाल शिवसेना एकनाथ शिंदे गट चे उपजिल्हाप्रमुख अमोल शिंदे यांनी उपस्थित केला आहे. ​शिक्षक आमदार किशोर दराडे यांनीही पालिकेच्या धोरणावर कडक शब्दांत टीका केली. "जर पावती वसूल केली जाते, तर शेतकऱ्यांना विक्रीसाठी जागा उपलब्ध करून देणे पालिकेचे कर्तव्य आहे. प्रशासनाने हे घाणेरडे राजकारण थांबवावे," असे त्यांनी बजावले. ​शेतमालाला भाव नसल्याने शेतकरी आधीच संकटात आहे, त्यात प्रशासनाने अडवणूक केल्यास शेतकऱ्यांकडे आत्महत्येशिवाय पर्याय उरणार नाही, अशी भीती यावेळी व्यक्त करण्यात आली. मागण्या मान्य न झाल्यास शिवसेना गट नेते गणेश शिंदे व शिवसेना शहर प्रमुख विशाल परदेशी व पदाधिकाऱ्यांच्या नेतृत्वाखाली 'शिवसेना स्टाईल'ने तीव्र आंदोलन छेडण्याचा इशारा शिवसेना उपजिल्हाप्रमुख अमोल शिंदे यांनी दिला आहे. ब्युरो रिपोर्ट सचिन वखारे येवला

Sachin Dilip Wakhare

Reporter येवला, नाशिक, महाराष्ट्र•

22 hrs ago

येवला नगरपालिकेचे 'वसुली' प्रेम; शेतकऱ्यांना बसण्यास मात्र मज्जाव! ​शिवसेनेचा आंदोलनाचा इशारा: 'शेतकऱ्यांना हटवल्यास जशास तसे उत्तर देऊ' येवला नगरपालिकेच्या मनमानी कारभाराविरोधात शिवसेना आक्रमक झाली असून, मंगळवारच्या आठवडे बाजारात भाजीपाला विक्री करणाऱ्या शेतकऱ्यांची अडवणूक थांबवण्याचे आवाहन केले आहे. "नगरपालिका प्रशासन शेतकऱ्यांकडून ५० ते १०० रुपयांची पावती घेते, मग त्यांना जागेवरून का उठवले जाते?" असा संतप्त सवाल शिवसेना एकनाथ शिंदे गट चे उपजिल्हाप्रमुख अमोल शिंदे यांनी उपस्थित केला आहे. ​शिक्षक आमदार किशोर दराडे यांनीही पालिकेच्या धोरणावर कडक शब्दांत टीका केली. "जर पावती वसूल केली जाते, तर शेतकऱ्यांना विक्रीसाठी जागा उपलब्ध करून देणे पालिकेचे कर्तव्य आहे. प्रशासनाने हे घाणेरडे राजकारण थांबवावे," असे त्यांनी बजावले. ​शेतमालाला भाव नसल्याने शेतकरी आधीच संकटात आहे, त्यात प्रशासनाने अडवणूक केल्यास शेतकऱ्यांकडे आत्महत्येशिवाय पर्याय उरणार नाही, अशी भीती यावेळी व्यक्त करण्यात आली. मागण्या मान्य न झाल्यास शिवसेना गट नेते गणेश शिंदे व शिवसेना शहर प्रमुख विशाल परदेशी व पदाधिकाऱ्यांच्या नेतृत्वाखाली 'शिवसेना स्टाईल'ने तीव्र आंदोलन छेडण्याचा इशारा शिवसेना उपजिल्हाप्रमुख अमोल शिंदे यांनी दिला आहे. ब्युरो रिपोर्ट सचिन वखारे येवला