சென்னை: மக்கள் மீது எவ்வித கூடுதல் சுமைகளையும் ஏற்றாமல், அரசுக்கான வருவாயை திரட்டுவது குறித்து தமிழக அரசு சிந்திக்க வேண்டும் என மார்க்சிஸ்ட் கம்யூனிஸ்ட் கட்சியின் மாநிலச் செயலாளர் பெ.சண்முகம் வலியுறுத்தியுள்ளார். செய்தியாளர்களிடம் பேசிய அவர், மணல், கிரானைட், கருங்கல் போன்ற கனிம வளங்களை தமிழக அரசே நேரடியாக வெட்டி எடுத்து விற்பனை செய்வதன் மூலம் பல்லாயிரம் கோடி ரூபாய் வருவாய் ஈட்ட முடியும் என கம்யூனிஸ்ட் கட்சி நீண்ட நாட்களாக கோரி வருவதாகத் தெரிவித்தார். இந்த புதிய வாய்ப்புகள் குறித்து அரசு பரிசீலிக்க வேண்டும் என்றும், கடந்த ஆட்சியில் பல்வேறு வழிகளில் மடைமாறிய அரசு வருவாயை இனி கருவூலத்திற்கு கொண்டு வருவோம் என ஆளுநர் உரையிலும் கூறப்பட்டிருந்த நிலையில், இது நிதிநிலை அறிக்கையில் தெளிவுபடுத்தப்படும் என எதிர்பார்ப்பதாகவும் குறிப்பிட்டார். மேலும், அனைத்து ஆட்சிக்காலங்களிலும் பெண்கள் மற்றும் குழந்தைகள் மீதான வன்முறைகள், காவல்துறையின் அத்துமீறல்கள், சாதிய வன்கொடுமைகள் தொடர்வதாக பெ.சண்முகம் வருத்தம் தெரிவித்தார். குறிப்பாக, பாலியல் வன்கொடுமை குற்றவாளிகள் போதையில் இருந்ததாக பெரும்பாலான எஃப்ஐஆர்-களில் குறிப்பிடப்படுவதைச் சுட்டிக்காட்டி, போதை கலாச்சாரத்திற்கு முற்றுப்புள்ளி வைக்க வேண்டும் என வலியுறுத்தினார். பல்வேறு குற்றங்களுக்கு அடிப்படைக் காரணமாக விளங்கும் போதை கலாச்சாரத்தை ஒழித்து, ஆளுநர் உரையில் முதல்வர் குறிப்பிட்ட 'போதை இல்லா தமிழ்நாடு' என்ற முழக்கத்தை 100% வெற்றிகரமாக நிறைவேற்றினாலே குற்றங்களைக் குறைக்க முடியும் எனவும், சமூகத்தில் விழிப்புணர்வும் தேவை என்றும் தெரிவித்தார். அதிமுகவிலிருந்து நான்கு எம்எல்ஏக்கள் ராஜினாமா செய்ததை ஆரோக்கியமற்ற அரசியல் எனக் குறிப்பிட்ட பெ.சண்முகம், வாக்களித்த மக்களை மதிக்காமல் இருபது நாட்களுக்குள் ராஜினாமா செய்வது ஏற்றுக்கொள்ள முடியாதது என்றார். அவர்கள் விரும்பி ராஜினாமா செய்திருந்தாலும், தமிழக வெற்றி கழகம் அவர்களை கட்சியில் இணைத்திருக்கக்கூடாது என்றும், இது போன்ற விஷயங்களை ஊக்குவிக்கக்கூடாது என்றும் தனது கருத்தை வெளிப்படையாகத் தெரிவித்தார்.

N-KIPSRA

Madurai North, Tamil Nadu•

19 hrs ago

சென்னை: மக்கள் மீது எவ்வித கூடுதல் சுமைகளையும் ஏற்றாமல், அரசுக்கான வருவாயை திரட்டுவது குறித்து தமிழக அரசு சிந்திக்க வேண்டும் என மார்க்சிஸ்ட் கம்யூனிஸ்ட் கட்சியின் மாநிலச் செயலாளர் பெ.சண்முகம் வலியுறுத்தியுள்ளார். செய்தியாளர்களிடம் பேசிய அவர், மணல், கிரானைட், கருங்கல் போன்ற கனிம வளங்களை தமிழக அரசே நேரடியாக வெட்டி எடுத்து விற்பனை செய்வதன் மூலம் பல்லாயிரம் கோடி ரூபாய் வருவாய் ஈட்ட முடியும் என கம்யூனிஸ்ட் கட்சி நீண்ட நாட்களாக கோரி வருவதாகத் தெரிவித்தார். இந்த புதிய வாய்ப்புகள் குறித்து அரசு பரிசீலிக்க வேண்டும் என்றும், கடந்த ஆட்சியில் பல்வேறு வழிகளில் மடைமாறிய அரசு வருவாயை இனி கருவூலத்திற்கு கொண்டு வருவோம் என ஆளுநர் உரையிலும் கூறப்பட்டிருந்த நிலையில், இது நிதிநிலை அறிக்கையில் தெளிவுபடுத்தப்படும் என எதிர்பார்ப்பதாகவும் குறிப்பிட்டார். மேலும், அனைத்து ஆட்சிக்காலங்களிலும் பெண்கள் மற்றும் குழந்தைகள் மீதான வன்முறைகள், காவல்துறையின்

அத்துமீறல்கள், சாதிய வன்கொடுமைகள் தொடர்வதாக பெ.சண்முகம் வருத்தம் தெரிவித்தார். குறிப்பாக, பாலியல் வன்கொடுமை குற்றவாளிகள் போதையில் இருந்ததாக பெரும்பாலான எஃப்ஐஆர்-களில் குறிப்பிடப்படுவதைச் சுட்டிக்காட்டி, போதை கலாச்சாரத்திற்கு முற்றுப்புள்ளி வைக்க வேண்டும் என வலியுறுத்தினார். பல்வேறு குற்றங்களுக்கு அடிப்படைக் காரணமாக விளங்கும் போதை கலாச்சாரத்தை ஒழித்து, ஆளுநர் உரையில் முதல்வர் குறிப்பிட்ட 'போதை இல்லா தமிழ்நாடு' என்ற முழக்கத்தை 100% வெற்றிகரமாக நிறைவேற்றினாலே குற்றங்களைக் குறைக்க முடியும் எனவும், சமூகத்தில் விழிப்புணர்வும் தேவை என்றும் தெரிவித்தார். அதிமுகவிலிருந்து நான்கு எம்எல்ஏக்கள் ராஜினாமா செய்ததை ஆரோக்கியமற்ற அரசியல் எனக் குறிப்பிட்ட பெ.சண்முகம், வாக்களித்த மக்களை மதிக்காமல் இருபது நாட்களுக்குள் ராஜினாமா செய்வது ஏற்றுக்கொள்ள முடியாதது என்றார். அவர்கள் விரும்பி ராஜினாமா செய்திருந்தாலும், தமிழக வெற்றி கழகம் அவர்களை கட்சியில் இணைத்திருக்கக்கூடாது என்றும், இது போன்ற விஷயங்களை ஊக்குவிக்கக்கூடாது என்றும் தனது கருத்தை வெளிப்படையாகத் தெரிவித்தார்.