কলিয়াবৰৰ ভকুৱামাৰীত চৰকাৰী কৃষি বান্ধ বন্ধ কৰাক লৈ শতাধিক ৰাইজৰ উত্তাল প্ৰতিবাদ তিনিশ পৰিয়ালে যাতায়ত কৰা চৰকাৰী কৃষি বান্ধ বন্ধ কৰাক লৈ এই প্ৰতিবাদ মুজিবুৰ ৰহমান আৰু আমীৰ আলী নামৰ দুজন লোকে চৰকাৰী কৃষিবান্ধ দখল কৰাৰ অভিযোগ বৰঘুলী গড়কাপ্তানি পথৰ পৰা ভকুৱামাৰী খালপাৰ জামে মছজিদলৈ যোৱা কৃষি বান্ধটো কাটি দিয়াত যাতায়ত বন্ধ হৈ পৰিছে তিনি শতাধিক পৰিয়ালৰ এই কৃষি বান্ধটোৰে দৈনিক হাজাৰ হাজাৰ লোকে অহা যোৱা কৰিছিল যদিও মজিবুৰে বাহুবল প্ৰয়োগ কৰি কৃষিবান্ধ টো কাটি খেতি কৰাৰ অভিযোগ আমাৰ ৰাস্তা আমাক লাগিবই, চৰকাৰী ৰাস্তা বন্ধ কৰা নচলিব, মজিবুৰ হাই হাই আদি শ্লোগানেৰে সাব্যস্ত কৰে এই প্ৰতিবাদ

5 hrs ago

AM News 24

Newsagent ৰূপাহী, নগাঁও, অসম•

5 hrs ago

বিশ্বনাথত Placement Agency ৰ নামত প্ৰবঞ্চনা, ন-দম্পতী আৰক্ষীৰ জালত বিশ্বনাথত নিবনুৱা যুৱক-যুৱতীক চাকৰি দিয়াৰ নামত সংঘটিত হৈছে ডাঙৰ প্ৰবঞ্চনা। নিজকে গহপুৰৰ বাসিন্দা বুলি পৰিচয় দি এখন ন-দম্পতীয়ে বিশ্বনাথৰ বামগাঁৱত ভাড়াঘৰ লৈ "Assam Carrier Point" নামৰ Placement Agency খুলি নিবনুৱাসকলক প্ৰতাৰণা কৰি আহিছিল।দিব্য ৰঞ্জন বৰুৱা আৰু তেওঁৰ পত্নীয়ে বামগাঁৱৰ এখন ভাড়াঘৰত কাৰ্যালয় স্থাপন কৰি ব্যক্তিগত খণ্ডত চাকৰি দিয়াৰ প্ৰলোভন দেখুৱাই বিশ্বনাথৰ বিভিন্ন ঠাইৰ নিবনুৱা যুৱক-যুৱতীৰ পৰা ধন সংগ্ৰহ কৰি আহিছিল। কিন্তু ধন সংগ্ৰহ কৰাৰ পিছত তেওঁলোকে কোনোকে চাকৰি নিদিলে। ইয়াৰ উপৰিও প্ৰতিশ্ৰুতি অনুসৰি কাম নকৰাৰ বাবে প্ৰশ্ন কৰিবলৈ যোৱা কেইগৰাকীমান যুৱতীৰ সৈতে দুৰ্ব্যৱহাৰ কৰাৰ অভিযোগো উঠিছে। অৱশেষত প্ৰতাৰিত হোৱা যুৱতী কেইগৰাকীয়ে আজি বিশ্বনাথ আৰক্ষী থানাত এখন এজাহাৰ দাখিল কৰে। এজাহাৰ পোৱাৰ পিছতে আৰক্ষীৰ এটা দলে তৎক্ষণাত ঘটনাস্থলীত উপস্থিত হৈ "Assam Carrier Point" নামৰ কাৰ্যালয়খনত অভিযান চলায়। অভিযানৰ সময়ত আৰক্ষীয়ে জানিব পাৰে যে উক্ত Placement Agency খনৰ কোনো ধৰণৰ বৈধ অনুজ্ঞা পত্ৰ নাই। যাৰ পিছত আৰক্ষীয়ে দিব্য ৰঞ্জন বৰুৱা আৰু তেওঁৰ পত্নীক আটক কৰি থানালৈ আনি সোধা-পোছা অব্যাহত ৰাখিছে। এই ঘটনাই বিশ্বনাথৰ নিবনুৱা সমাজত তীব্ৰ প্ৰতিক্ৰিয়াৰ সৃষ্টি কৰিছে। আৰক্ষীয়ে সমগ্ৰ ঘটনাৰ তদন্ত আৰম্ভ কৰিছে আৰু আৰু কিমানজন প্ৰতাৰিত হৈছে সেই বিষয়ে খবৰ লৈছে।

অঞ্জন শ‌ইকীয়া

না-দুৱাৰ, বিশ্বনাথ, অসম•

16 hrs ago