ମୁକୁଳା ଗାତ ନେଲା ଶିଶୁର ଜୀବନ, ମେଗା ପାନୀୟଜଳ ପ୍ରକଳ୍ପରେ ଠିକା ସଂସ୍ଥାର ଅବହେଳା ଅଭିଯୋଗ, NHRCର ଦ୍ୱାରସ୍ଥ ହେଲେ ଆଇନଜୀବୀ ଆନନ୍ଦପୁର : ମେଗା ପାନୀୟଜଳ ପ୍ରକଳ୍ପ କାର୍ଯ୍ୟରେ ଖୋଳାଯାଇଥିବା ଗାତ ଜଣେ ଦୁଇ ବର୍ଷର ନିଷ୍ପାପ ଶିଶୁର ଜୀବନ ନେଇଛି l କେନ୍ଦୁଝର ଜିଲ୍ଲା ଆନନ୍ଦପୁର ଉପଖଣ୍ଡ ହାଟଡ଼ିହି ବ୍ଲକ ଅନ୍ତର୍ଗତ ଝଣଝଣା କଲୋନୀ ସାହିରେ ଘଟିଥିବା ଏହି ଦୁଃଖଦ ଘଟଣାକୁ ନେଇ ଏବେ ଜାତୀୟ ମାନବାଧିକାର ଆୟୋଗରେ ଅଭିଯୋଗ ଦାଖଲ ହୋଇଛି। ଓଡ଼ିଶା ଉଚ୍ଚ ନ୍ୟାୟାଳୟର ଆଇନଜୀବୀ ତଥା ମାନବାଧିକାର କର୍ମୀ ପ୍ରିୟବ୍ରତ ବିଶ୍ବାଳ ଏହି ଅଭିଯୋଗ ଦାଖଲ କରିଛନ୍ତି, ଯାହାର ଡାଏରି ନମ୍ବର ହେଉଛି ୨୧୪୭୨/ଇନ/୨୦୨୬ | ଅଭିଯୋଗ ଅନୁଯାୟୀ, ଗତ ମେ ୨୪ ତାରିଖ ଅପରାହ୍ନରେ ଝଣଝଣା କଲୋନୀ ସାହିର ନିଜ ଘର ପାଖରେ ଖେଳୁଥିବା ସମୟରେ ଅନିଲ ଖଣ୍ଡେଇ ନାମକ ଦୁଇ ବର୍ଷର ଶିଶୁ ଏକ ଗଭୀର, ପାଣିଭର୍ତ୍ତି ଖୋଳା ଗାତରେ ଖସିପଡ଼ିଥିଲେ। ପାଇପ୍‌ଲାଇନର ମରାମତି ପାଇଁ ଠିକା ସଂସ୍ଥା ପକ୍ଷରୁ ଗାତଟି ଖୋଳାଯାଇଥିବା ଅଭିଯୋଗ ହୋଇଛି। ଶିଶୁଟି ନିଖୋଜ ହେବା ପରେ ପରିବାର ଓ ଗ୍ରାମବାସୀ ଦୀର୍ଘ ସମୟ ଧରି ଖୋଜାଖୋଜି କରିଥିଲେ। ଶେଷରେ ସନ୍ଧ୍ୟାରେ ଗାତ ଭିତରୁ ଶିଶୁର ମୃତଦେହ ଉଦ୍ଧାର ହୋଇଥିଲା। ପରେ ମୃତଦେହକୁ ଆନନ୍ଦପୁର ଉପଖଣ୍ଡ ଚିକିତ୍ସାଳୟକୁ ବ୍ୟବଚ୍ଛେଦ ପାଇଁ ପଠାଯାଇଥିଲା। ସୂଚନା ଅନୁଯାଇ ପାଇପ୍‌ଲାଇନରେ ଲିକେଜ୍ ସମସ୍ୟାକୁ ନେଇ ପ୍ରାୟ ୫ ବର୍ଷ ତଳେ ଗ୍ରାମ ରାସ୍ତା ମଝିରେ ଗଭୀର ଗାତ ଖୋଳାଯାଇଥିଲା। ହେଲେ ଦୀର୍ଘ ବର୍ଷ ବିତିଥିଲେ ମଧ୍ୟ ଏହାକୁ ପୋତାଯାଇନଥିଲା କିମ୍ବା ଲୋକଙ୍କ ସୁରକ୍ଷା ପାଇଁ ଆବଶ୍ୟକ ବ୍ୟାରିକେଡ୍ କରାଯାଇନଥିଲା। ଏହାକୁ ନେଇ ଗ୍ରାମବାସୀ ବାରମ୍ବାର ଜଣାଇଥିଲେ ମଧ୍ୟ ଠିକା ସଂସ୍ଥା ଖୋଳିଥିବା ଗଭୀର ଗାତକୁ ପୋତି ନଥିଲା | ଘଟଣାକୁ ଗୁରୁତର ମାନବାଧିକାର ଉଲଂଘନ ଦର୍ଶାଇ ଶ୍ରୀ ବିଶ୍ୱାଳ କମିଶନଙ୍କ ନିକଟରେ ମୃତ ଶିଶୁର ପରିବାରକୁ ୪୦ ଲକ୍ଷ ଟଙ୍କା କ୍ଷତିପୂରଣ ପ୍ରଦାନ ପାଇଁ ଦାବି ଦାବି କରିଛନ୍ତି l ଏଥି ସହ ଉକ୍ତ ଘଟଣା ପାଇଁ ଦାୟୀ ବିଭାଗୀୟ ଅଧିକାରୀ ଓ ସମ୍ପୃକ୍ତ ଠିକା ସଂସ୍ଥା ବିରୋଧରେ ଉପଯୁକ୍ତ ଅପରାଧିକ ମାମଲା ରୁଜୁ, ତଦନ୍ତ ର କାର୍ଯ୍ୟାନୁଷ୍ଠାନ ରିପୋର୍ଟ ଦାଖଲ ଏବଂ ଦାୟୀ ଠିକା ସଂସ୍ଥାକୁ କଳାତାଳିକାଭୁକ୍ତ କରିବା ପାଇଁ ମଧ୍ୟ ଜାତୀୟ ମାନବଧିକାର କମିଶନଙ୍କ ନିକଟରେ ପ୍ରାର୍ଥନା କରିଛନ୍ତି । ମେଗା ପାନୀୟଜଳ ପ୍ରକଳ୍ପ ଅଧୀନରେ ଥ‌ିବା ସମସ୍ତ ବିପଜ୍ଜନକ ଖୋଳା ଗାତକୁ ତୁରନ୍ତ ପୋତିବା ଓ ସୁରକ୍ଷିତ ରଖିବାକୁ ମଧ୍ଯ ଦାବି ହୋଇଛି l ଏହି ଘଟଣା ସରକାରୀ ପ୍ରକଳ୍ପରେ ସୁରକ୍ଷା ବ୍ୟବସ୍ଥା, ଠିକା ସଂସ୍ଥାର ଦାୟିତ୍ଵ ଏବଂ ସରକାରୀ ନିରୀକ୍ଷଣ ନେଇ ପୁଣିଥରେ ପ୍ରଶ୍ନ ଉଠାଇଛି। ଏବେ ଏହି ଅଭିଯୋଗ ଉପରେ କମିଶନ ଙ୍କ ପରବର୍ତ୍ତୀ ପଦକ୍ଷେପକୁ ଅପେକ୍ଷା କରାଯାଇଛି।

Mobile MEDIA

Media house Anandapur, Kendujhar•

48 min ago

ମୁକୁଳା ଗାତ ନେଲା ଶିଶୁର ଜୀବନ, ମେଗା ପାନୀୟଜଳ ପ୍ରକଳ୍ପରେ ଠିକା ସଂସ୍ଥାର ଅବହେଳା ଅଭିଯୋଗ, NHRCର ଦ୍ୱାରସ୍ଥ ହେଲେ ଆଇନଜୀବୀ ଆନନ୍ଦପୁର : ମେଗା ପାନୀୟଜଳ ପ୍ରକଳ୍ପ କାର୍ଯ୍ୟରେ ଖୋଳାଯାଇଥିବା ଗାତ ଜଣେ ଦୁଇ ବର୍ଷର ନିଷ୍ପାପ ଶିଶୁର ଜୀବନ ନେଇଛି l କେନ୍ଦୁଝର ଜିଲ୍ଲା ଆନନ୍ଦପୁର ଉପଖଣ୍ଡ ହାଟଡ଼ିହି ବ୍ଲକ ଅନ୍ତର୍ଗତ ଝଣଝଣା କଲୋନୀ ସାହିରେ ଘଟିଥିବା ଏହି ଦୁଃଖଦ ଘଟଣାକୁ ନେଇ ଏବେ ଜାତୀୟ ମାନବାଧିକାର ଆୟୋଗରେ ଅଭିଯୋଗ ଦାଖଲ ହୋଇଛି। ଓଡ଼ିଶା ଉଚ୍ଚ ନ୍ୟାୟାଳୟର ଆଇନଜୀବୀ ତଥା ମାନବାଧିକାର କର୍ମୀ ପ୍ରିୟବ୍ରତ ବିଶ୍ବାଳ ଏହି ଅଭିଯୋଗ ଦାଖଲ କରିଛନ୍ତି, ଯାହାର ଡାଏରି ନମ୍ବର ହେଉଛି ୨୧୪୭୨/ଇନ/୨୦୨୬ | ଅଭିଯୋଗ ଅନୁଯାୟୀ, ଗତ ମେ ୨୪ ତାରିଖ ଅପରାହ୍ନରେ ଝଣଝଣା କଲୋନୀ ସାହିର ନିଜ ଘର ପାଖରେ ଖେଳୁଥିବା ସମୟରେ ଅନିଲ ଖଣ୍ଡେଇ ନାମକ ଦୁଇ ବର୍ଷର ଶିଶୁ ଏକ ଗଭୀର, ପାଣିଭର୍ତ୍ତି ଖୋଳା ଗାତରେ ଖସିପଡ଼ିଥିଲେ। ପାଇପ୍‌ଲାଇନର ମରାମତି ପାଇଁ ଠିକା ସଂସ୍ଥା ପକ୍ଷରୁ ଗାତଟି ଖୋଳାଯାଇଥିବା ଅଭିଯୋଗ ହୋଇଛି। ଶିଶୁଟି ନିଖୋଜ ହେବା ପରେ ପରିବାର ଓ ଗ୍ରାମବାସୀ ଦୀର୍ଘ ସମୟ ଧରି ଖୋଜାଖୋଜି କରିଥିଲେ। ଶେଷରେ ସନ୍ଧ୍ୟାରେ ଗାତ ଭିତରୁ ଶିଶୁର ମୃତଦେହ ଉଦ୍ଧାର ହୋଇଥିଲା। ପରେ ମୃତଦେହକୁ ଆନନ୍ଦପୁର ଉପଖଣ୍ଡ ଚିକିତ୍ସାଳୟକୁ ବ୍ୟବଚ୍ଛେଦ ପାଇଁ ପଠାଯାଇଥିଲା। ସୂଚନା ଅନୁଯାଇ ପାଇପ୍‌ଲାଇନରେ ଲିକେଜ୍ ସମସ୍ୟାକୁ ନେଇ ପ୍ରାୟ ୫ ବର୍ଷ ତଳେ ଗ୍ରାମ ରାସ୍ତା ମଝିରେ ଗଭୀର ଗାତ ଖୋଳାଯାଇଥିଲା। ହେଲେ ଦୀର୍ଘ ବର୍ଷ ବିତିଥିଲେ ମଧ୍ୟ ଏହାକୁ ପୋତାଯାଇନଥିଲା କିମ୍ବା ଲୋକଙ୍କ ସୁରକ୍ଷା ପାଇଁ ଆବଶ୍ୟକ ବ୍ୟାରିକେଡ୍ କରାଯାଇନଥିଲା। ଏହାକୁ ନେଇ ଗ୍ରାମବାସୀ ବାରମ୍ବାର ଜଣାଇଥିଲେ ମଧ୍ୟ ଠିକା ସଂସ୍ଥା ଖୋଳିଥିବା ଗଭୀର ଗାତକୁ ପୋତି ନଥିଲା | ଘଟଣାକୁ ଗୁରୁତର ମାନବାଧିକାର ଉଲଂଘନ ଦର୍ଶାଇ ଶ୍ରୀ ବିଶ୍ୱାଳ କମିଶନଙ୍କ ନିକଟରେ ମୃତ ଶିଶୁର ପରିବାରକୁ ୪୦ ଲକ୍ଷ ଟଙ୍କା କ୍ଷତିପୂରଣ ପ୍ରଦାନ ପାଇଁ ଦାବି ଦାବି କରିଛନ୍ତି l ଏଥି ସହ ଉକ୍ତ ଘଟଣା ପାଇଁ ଦାୟୀ ବିଭାଗୀୟ ଅଧିକାରୀ ଓ ସମ୍ପୃକ୍ତ ଠିକା ସଂସ୍ଥା ବିରୋଧରେ ଉପଯୁକ୍ତ ଅପରାଧିକ ମାମଲା ରୁଜୁ, ତଦନ୍ତ ର କାର୍ଯ୍ୟାନୁଷ୍ଠାନ ରିପୋର୍ଟ ଦାଖଲ ଏବଂ ଦାୟୀ ଠିକା ସଂସ୍ଥାକୁ କଳାତାଳିକାଭୁକ୍ତ କରିବା ପାଇଁ ମଧ୍ୟ ଜାତୀୟ ମାନବଧିକାର କମିଶନଙ୍କ ନିକଟରେ ପ୍ରାର୍ଥନା କରିଛନ୍ତି । ମେଗା ପାନୀୟଜଳ ପ୍ରକଳ୍ପ ଅଧୀନରେ ଥ‌ିବା ସମସ୍ତ ବିପଜ୍ଜନକ ଖୋଳା ଗାତକୁ ତୁରନ୍ତ ପୋତିବା ଓ ସୁରକ୍ଷିତ ରଖିବାକୁ ମଧ୍ଯ ଦାବି ହୋଇଛି l ଏହି ଘଟଣା ସରକାରୀ ପ୍ରକଳ୍ପରେ ସୁରକ୍ଷା ବ୍ୟବସ୍ଥା, ଠିକା ସଂସ୍ଥାର ଦାୟିତ୍ଵ ଏବଂ ସରକାରୀ ନିରୀକ୍ଷଣ ନେଇ ପୁଣିଥରେ ପ୍ରଶ୍ନ ଉଠାଇଛି। ଏବେ ଏହି ଅଭିଯୋଗ ଉପରେ କମିଶନ ଙ୍କ ପରବର୍ତ୍ତୀ ପଦକ୍ଷେପକୁ ଅପେକ୍ଷା କରାଯାଇଛି।