परळी वैजनाथ येथील शेतकऱ्यांना महाराष्ट्र शासनाच्या कृषी विभागामार्फत मिळणाऱ्या अनुदानित बियाण्यांसाठी परमिट असूनही कृषी सेवा केंद्रांवर बियाणे उपलब्ध होत नसल्याने त्यांनी तालुका कृषी अधिकारी कार्यालयात ठिय्या आंदोलन केले. या आंदोलनामुळे आणि माजी कृषीमंत्री आ. धनंजय मुंडे यांच्या पाठपुराव्यामुळे परळीत बियाण्याचे वाटप ११ जून रोजी सकाळी ९ वाजल्यापासून सुरू झाले. संजय कृषी सेवा केंद्र, किसान सेंटर आणि रुक्मिणी ट्रेडर्स या कृषी सेवा केंद्रांवर कृषी विभागातील अधिकारी-कर्मचारी व पोलीस बंदोबस्तात हे वाटप होत आहे. यापूर्वी, खरीप हंगाम २०२६ साठी परळी तालुक्यातील १७९२ शेतकऱ्यांसाठी ९८३ क्विंटल बियाणे उपलब्ध होणे आवश्यक होते, परंतु केवळ ३५४.२५ क्विंटल बियाणे मिळाले. उर्वरित ६२८.७५ क्विंटल बियाण्याची मागणी तालुका कृषी अधिकारी कार्यालयाने महाबीजकडे केली नव्हती, ज्यामुळे शेतकरी मागील पाच दिवसांपासून बियाण्यासाठी अधिकृत कृषी सेवा केंद्रांवर बसून होते आणि त्यांना प्रचंड त्रास सहन करावा लागत होता. यामुळे संतप्त झालेल्या शेतकऱ्यांनी तालुका कृषी अधिकारी कार्यालयात ठिय्या आंदोलन केले, त्यानंतर ९ जून २०२६ रोजी तालुका कृषी अधिकाऱ्यांनी उर्वरित बियाण्याची मागणी नोंदवली. आंदोलनकर्त्या शेतकऱ्यांनी माजी कृषीमंत्री आ. धनंजय मुंडे यांना या समस्येबद्दल माहिती दिल्यावर, त्यांनी तात्काळ दखल घेतली. त्यांनी राज्याचे कृषीमंत्री मा.ना. दत्तामामा भरणे साहेब आणि जिल्हा कृषी अधीक्षक यांच्याशी संपर्क साधून परळी तालुक्यासह बीड जिल्ह्यातील शेतकऱ्यांना अनुदानित बियाणे त्वरित देण्याची मागणी केली. शेतकऱ्यांच्या ठिय्या आंदोलनामुळे आणि आ. धनंजय मुंडे यांच्या वरिष्ठ स्तरावरील पाठपुराव्यामुळे उर्वरित बियाणे तालुक्यात उपलब्ध झाल्याने शेतकऱ्यांनी समाधान व्यक्त केले आहे. याचबरोबर, शेतकऱ्यांनी बियाणे, खते व औषधांची जास्त दराने विक्री करणाऱ्या कृषी सेवा केंद्रांवर कारवाई करण्याची मागणीही केली आहे.

M. p. gitte

परळी, बीड, महाराष्ट्र•

on 11 June

परळी वैजनाथ येथील शेतकऱ्यांना महाराष्ट्र शासनाच्या कृषी विभागामार्फत मिळणाऱ्या अनुदानित बियाण्यांसाठी परमिट असूनही कृषी सेवा केंद्रांवर बियाणे उपलब्ध होत नसल्याने त्यांनी तालुका कृषी अधिकारी कार्यालयात ठिय्या आंदोलन केले. या आंदोलनामुळे आणि माजी कृषीमंत्री आ. धनंजय मुंडे यांच्या पाठपुराव्यामुळे परळीत बियाण्याचे वाटप ११ जून रोजी सकाळी ९ वाजल्यापासून सुरू झाले. संजय कृषी सेवा केंद्र, किसान सेंटर आणि रुक्मिणी ट्रेडर्स या कृषी सेवा केंद्रांवर कृषी विभागातील अधिकारी-कर्मचारी व पोलीस बंदोबस्तात हे वाटप होत आहे. यापूर्वी, खरीप हंगाम २०२६ साठी परळी तालुक्यातील १७९२ शेतकऱ्यांसाठी ९८३ क्विंटल बियाणे उपलब्ध होणे आवश्यक होते, परंतु केवळ ३५४.२५ क्विंटल बियाणे मिळाले. उर्वरित ६२८.७५ क्विंटल बियाण्याची मागणी तालुका कृषी अधिकारी कार्यालयाने महाबीजकडे केली नव्हती, ज्यामुळे शेतकरी मागील पाच दिवसांपासून बियाण्यासाठी अधिकृत कृषी सेवा

केंद्रांवर बसून होते आणि त्यांना प्रचंड त्रास सहन करावा लागत होता. यामुळे संतप्त झालेल्या शेतकऱ्यांनी तालुका कृषी अधिकारी कार्यालयात ठिय्या आंदोलन केले, त्यानंतर ९ जून २०२६ रोजी तालुका कृषी अधिकाऱ्यांनी उर्वरित बियाण्याची मागणी नोंदवली. आंदोलनकर्त्या शेतकऱ्यांनी माजी कृषीमंत्री आ. धनंजय मुंडे यांना या समस्येबद्दल माहिती दिल्यावर, त्यांनी तात्काळ दखल घेतली. त्यांनी राज्याचे कृषीमंत्री मा.ना. दत्तामामा भरणे साहेब आणि जिल्हा कृषी अधीक्षक यांच्याशी संपर्क साधून परळी तालुक्यासह बीड जिल्ह्यातील शेतकऱ्यांना अनुदानित बियाणे त्वरित देण्याची मागणी केली. शेतकऱ्यांच्या ठिय्या आंदोलनामुळे आणि आ. धनंजय मुंडे यांच्या वरिष्ठ स्तरावरील पाठपुराव्यामुळे उर्वरित बियाणे तालुक्यात उपलब्ध झाल्याने शेतकऱ्यांनी समाधान व्यक्त केले आहे. याचबरोबर, शेतकऱ्यांनी बियाणे, खते व औषधांची जास्त दराने विक्री करणाऱ्या कृषी सेवा केंद्रांवर कारवाई करण्याची मागणीही केली आहे.