अजित दादांच्या अपघाताची सीबीआय चौकशीची मागणी; राष्ट्रवादी काँग्रेसचे मुख्यमंत्र्यांना निवेदन मानोरा : अजित दादांच्या अपघात प्रकरणाची सखोल व निष्पक्ष चौकशी व्हावी, या मागणीसाठी राष्ट्रवादी काँग्रेस पक्षाच्या शिष्टमंडळाने आज मुख्यमंत्री देवेंद्र फडणवीस यांची भेट घेऊन सीबीआय चौकशीची मागणी करणारे निवेदन सादर केले. यावेळी पक्षाचे राष्ट्रीय कार्याध्यक्ष खासदार प्रफुल पटेल,उपमुख्यमंत्री श्रीमती सुनेत्रा पवार , प्रदेशाध्यक्ष खासदार सुनील तटकरे , वैद्यकीय शिक्षण मंत्री हसन मुश्रीफ तसेच युवा नेते पार्थ पवार उपस्थित होते. शिष्टमंडळाने दिलेल्या निवेदनात अपघाताच्या घटनेभोवती निर्माण झालेल्या शंकांचे निरसन करण्यासाठी आणि सत्य समोर येण्यासाठी केंद्रीय अन्वेषण विभागामार्फत (सीबीआय) स्वतंत्र चौकशी करण्यात यावी, अशी ठाम मागणी करण्यात आली आहे. सदर प्रकरण अत्यंत संवेदनशील असून नागरिकांमध्ये विविध चर्चा सुरू असल्याने शासनाने पारदर्शक भूमिका घ्यावी, असेही निवेदनात नमूद करण्यात आले. मुख्यमंत्र्यांनी निवेदन स्वीकारून प्रकरणाची कायदेशीर व प्रशासकीय पातळीवर तपासणी करून योग्य निर्णय घेण्यात येईल, असे आश्वासन दिल्याची माहिती पक्षाकडून देण्यात आली. दरम्यान, या मागणीमुळे राजकीय वर्तुळात चर्चांना उधाण आले असून येत्या काळात या प्रकरणाकडे सर्वांचे लक्ष लागून राहणार आहे.

कु.मोनाली अनिल राठोड

पत्रकार मानोरा, वाशिम, महाराष्ट्र•

6 hrs ago

अजित दादांच्या अपघाताची सीबीआय चौकशीची मागणी; राष्ट्रवादी काँग्रेसचे मुख्यमंत्र्यांना निवेदन मानोरा : अजित दादांच्या अपघात प्रकरणाची सखोल व निष्पक्ष चौकशी व्हावी, या मागणीसाठी राष्ट्रवादी काँग्रेस पक्षाच्या शिष्टमंडळाने आज मुख्यमंत्री देवेंद्र फडणवीस यांची भेट घेऊन सीबीआय चौकशीची मागणी करणारे निवेदन सादर केले. यावेळी पक्षाचे राष्ट्रीय कार्याध्यक्ष खासदार प्रफुल पटेल,उपमुख्यमंत्री श्रीमती सुनेत्रा पवार , प्रदेशाध्यक्ष खासदार सुनील तटकरे , वैद्यकीय शिक्षण मंत्री हसन मुश्रीफ तसेच युवा नेते पार्थ पवार उपस्थित होते. शिष्टमंडळाने दिलेल्या निवेदनात अपघाताच्या घटनेभोवती निर्माण झालेल्या शंकांचे निरसन करण्यासाठी

आणि सत्य समोर येण्यासाठी केंद्रीय अन्वेषण विभागामार्फत (सीबीआय) स्वतंत्र चौकशी करण्यात यावी, अशी ठाम मागणी करण्यात आली आहे. सदर प्रकरण अत्यंत संवेदनशील असून नागरिकांमध्ये विविध चर्चा सुरू असल्याने शासनाने पारदर्शक भूमिका घ्यावी, असेही निवेदनात नमूद करण्यात आले. मुख्यमंत्र्यांनी निवेदन स्वीकारून प्रकरणाची कायदेशीर व प्रशासकीय पातळीवर तपासणी करून योग्य निर्णय घेण्यात येईल, असे आश्वासन दिल्याची माहिती पक्षाकडून देण्यात आली. दरम्यान, या मागणीमुळे राजकीय वर्तुळात चर्चांना उधाण आले असून येत्या काळात या प्रकरणाकडे सर्वांचे लक्ष लागून राहणार आहे.