ગુજરાત રાજ્યમાં વધુ એક નિર્માણાધીન બ્રિજ ધરાશાયી થવાનો બનાવ સામે આવ્યો છે. આણંદ જિલ્લાના અડાસ ગામ નજીક નિર્માણાધીન રેલ્વે ઓવરબ્રિજનો એક ભાગ તૂટી પડ્યો હતો. આ ઘટનામાં કોઈ પણ પ્રકારની જાનહાનિ થઈ નથી.

2 hrs ago

Radhika bhavsar

Digital Marketing Specialist Mahesana, Gujarat•

2 hrs ago

વિજાપુર ખાતે 31 મે, 2026 ના રોજ વિશ્વ તમાકુ નિષેધ દિન નિમિત્તે જિલ્લા ટોબેકો સેલ મહેસાણા અને તાલુકા હેલ્થ ઓફિસર ડો. ચેતન પ્રજાપતિના માર્ગદર્શન હેઠળ જનજાગૃતિ રેલી અને વર્કશોપનું આયોજન કરવામાં આવ્યું હતું. આ કાર્યક્રમ "અપીલનો પર્દાફાશ, તમાકુ અને નિકોટીનના વ્યસનનો સામનો કરો" થીમ પર આધારિત હતો. આ જનજાગૃતિ રેલી સવારે એસડીએચ વિજાપુરથી શરૂ થઈને તાલુકા પંચાયત, ખત્રી કુવા, નગરપાલિકા અને બીઆરસી ભવન સહિતના જાહેર માર્ગો પર ફરી હતી. રેલી દરમિયાન આરોગ્ય કર્મચારીઓ અને નર્સિંગના વિદ્યાર્થીઓએ બેનર તથા પ્લેકાર્ડ પ્રદર્શિત કરીને અને સૂત્રોચ્ચાર દ્વારા લોકોને તમાકુના દુષણથી દૂર રહેવા માટે અપીલ કરી હતી. રેલીનું સમાપન પરત એસડીએચ ખાતે થયું હતું. આ રેલીમાં તાલુકા હેલ્થ સુપરવાઈઝર મુકેશ ચૌહાણ, કે.જે. પટેલ નર્સિંગ કોલેજની વિદ્યાર્થિનીઓ, અર્બન વિજાપુરની આશા બહેનો, મેલ અને ફિમેલ હેલ્થ વર્કર, અર્બન હેલ્થ ઓફિસર વિજાપુર, એસટીએસ પ્રકાશ નાયી તેમજ ફિમેલ સુપરવાઈઝર ભાનુબેન સહિત મોટી સંખ્યામાં આરોગ્ય સ્ટાફ જોડાયો હતો. રેલી બાદ તાલુકા હેલ્થ કચેરી વિજાપુર ખાતે યોજાયેલા વર્કશોપમાં તાલુકા હેલ્થ સુપરવાઈઝર મુકેશ ચૌહાણે તમાકુ નિયંત્રણ અધિનિયમ 2003 COTPA ની કલમ 4, 5, 6A, 6B વિશે વિસ્તૃત માહિતી આપી હતી. આ સાથે તેમણે તમાકુ અને તેની બનાવટોના સેવનથી થતા મોઢાના કેન્સર, ટીબી, લકવો, બીપી, ડાયાબિટીસ જેવા ગંભીર રોગો અંગે પણ લોકોને માહિતગાર કર્યા હતા. કાર્યક્રમના અંતે ઉપસ્થિત સૌએ તમાકુમુક્ત વિજાપુર તાલુકો બનાવવાનો સંકલ્પ લીધો હતો અને જન સમુદાયની ભાગીદારીથી લોકોને તમાકુના દુષણથી દૂર રાખવા ખાસ અપીલ કરવામાં આવી હતી. સમગ્ર કાર્યક્રમનું સફળ આયોજન તાલુકા હેલ્થ કચેરી વિજાપુરના સુપરવાઈઝર મુકેશ ચૌહાણ દ્વારા કરવામાં આવ્યું હતું. નોંધનીય છે કે વિશ્વ તમાકુ નિષેધ દિન નિમિત્તે વિજાપુર તાલુકાના 10 પીએચસી કેન્દ્રો ખાતે પણ વિવિધ જાગૃતિ કાર્યક્રમોનું આયોજન કરાયું હતું.

BABA SAIYAD

Newspaper distribution વિજાપુર, મહેસાણા, ગુજરાત•

18 hrs ago