গোলাঘাটত প্ৰকৃতি প্ৰেমৰ এক বিৰল নিদৰ্শন দেখা গৈছে, য'ত এজন লোকে বাইকত বাল্টিৰে পানী কঢ়িয়াই আনি পথৰ মাজত থকা গছ এজোপাত পানী দিছে। তেওঁৰ এই কাৰ্যই প্ৰকৃতিৰ প্ৰতি থকা গভীৰ মৰম আৰু যত্ন প্ৰদৰ্শন কৰিছে।

অম্বুবাচীৰ প্ৰবৃত্তি উপলক্ষে জনপ্ৰিয় শিল্পী জুবিন গাৰ্গৰ শেষ শয়নস্থলী গামোচাৰে ঢাকি দিয়া হয়।

সাৰুপথাৰৰ শেহতীয়া এক খবৰ অনুসৰি, এগৰাকী লোকে এক ভয়ংকৰ অভিজ্ঞতা বৰ্ণনা কৰিছে। লোকজনে জনোৱা মতে, আন এজনক কাটি থকাৰ সময়তে তেওঁ সেই স্থানলৈ বচাবলৈ গৈছিল। কিন্তু বচাবলৈ যোৱাৰ ফলস্বৰূপে, তেওঁক দা লৈ খেদা হয়।

সৰুপথাৰ সমজিলাৰ সৰু ছেৱাগুৰীত এক লোমহর্ষক হত্যাকাণ্ড সংঘটিত হৈছে। সৰু ছেৱাগুৰীৰ নিৱাসী প্ৰবীন মালাৰৰ পত্নী উৰ্মিলা মালাৰ (৪৫) ক তেওঁৰ সম্বন্ধীয় বৰজনাক ৰবেট তাঁতীয়ে চোকা অস্ত্ৰেৰে হানি-খুচি হত্যা কৰে।

বিহপুৰীয়াৰ এক অগ্ৰণী উচ্চ শিক্ষাৰ প্ৰতিষ্ঠান কুমুদ শৰ্মা উচ্চ মাধ্যমিক বিদ্যালয়ত আজি মূল তোৰণ আৰু নৱনিৰ্মিত বিজ্ঞানাগাৰ শুভ উদ্বোধন কৰা হয়। এই অনুষ্ঠানত বিধায়ক ভূপেন বৰাই অংশগ্ৰহণ কৰি দুয়োটা আন্তঃগাঁথনি আনুষ্ঠানিকভাৱে মুকলি কৰে। ১৯৮৫ চনতে প্ৰতিষ্ঠা লাভ কৰা বিদ্যালয়খনৰ এগৰাকী প্ৰাক্তন ছাত্ৰ প্ৰমেন কুমাৰ ভূঞাই তেখেতৰ প্ৰয়াত পিতৃ ভূৱন চন্দ্ৰ ভূঞা আৰু মাতৃ হিৰাপ্ৰভা ভূঞাৰ সোঁৱৰণত নিজৰ ব্যক্তিগত ধন ভাঙি বিদ্যালয়খনৰ মুখ্য তোৰণ নিৰ্মাণ কৰিছিল। বিধায়ক বৰাই এই তোৰণখনৰ শুভ উন্মোচন কৰে। তোৰণখন উন্মোচন কৰাৰ পিছতে বিধায়ক ভূপেন বৰাই বিদ্যালয়খনৰ নৱনিৰ্মিত বিজ্ঞানাগাৰটোৰ ফিটা কাটি শুভ উদ্বোধন কৰে। ইয়াৰ পিছত বিদ্যালয়ৰ প্ৰেক্ষাগৃহত অনুস্থিত ৰাজহুৱা সভাত অংশগ্ৰহণ কৰি তেওঁ তোৰণ নিৰ্মাণ কৰি দিয়া ভূঞা পৰিয়ালৰ প্ৰতি কৃতজ্ঞতা জ্ঞাপন কৰে। বিধায়কে লগতে ছাত্ৰ-ছাত্ৰীসকলক এই বিদ্যালয়ত এটা সপোন লৈ সুন্দৰকৈ অধ্যয়ন কৰিবলৈ পৰামৰ্শ দিয়ে।

লালুক উচ্চতৰ মাধ্যমিক বিদ্যালয়ৰ অৱসৰপ্ৰাপ্ত বিষয় শিক্ষক তথা সমাজহিতৈষী শ্ৰদ্ধাৰ টুনিৰাম শৰ্মা ছাৰৰ বিয়োগত সমগ্ৰ লালুকবাসী গভীৰভাৱে মৰ্মাহত হৈছে। তেখেতৰ বিদেহ আত্মাৰ চিৰশান্তি কামনা কৰা হৈছে আৰু শোকসন্তপ্ত পৰিয়ালবৰ্গলৈ গভীৰ সমবেদনা জ্ঞাপন কৰা হৈছে।

চিত্ৰ শিল্পী মাৰ্শ্বেল বৰুৱাৰ আত্মগোপনক কেন্দ্ৰ কৰি শিৱসাগৰৰ বিধায়ক তথা ‘ৰাইজৰ দল’ৰ সভাপতি অখিল গগৈয়ে চৰকাৰক তীব্ৰ ভাষাৰে আক্ৰমণ কৰিছে। সংবাদ মাধ্যমৰ আগত এক বিস্ফোৰক মন্তব্য কৰি বিধায়ক গগৈয়ে স্পষ্ট কৰিছে যে মাৰ্শ্বেল বৰুৱা বৰ্তমান পলাই আছে। ইয়াৰোপৰি, তেওঁ চৰকাৰ আৰু প্ৰশাসনক একপ্ৰকাৰ প্ৰত্যাহ্বান জনাই হুংকাৰ দিছে যে যদিহে আৰক্ষীয়ে মাৰ্শ্বেল বৰুৱাক গ্ৰেপ্তাৰ কৰে, তেন্তে তেওঁ প্ৰতিবাদস্বৰূপে পোনপটীয়াকৈ মুখ্যমন্ত্ৰীৰ চৰকাৰী বাসগৃহত উপস্থিত হ’বগৈ। বিধায়কগৰাকীৰ এই মন্তব্যই ৰাজ্যৰ ৰাজনৈতিক মহলত তীব্ৰ চাঞ্চল্যৰ সৃষ্টি কৰিছে।

গোলাঘাট জিলাৰ দৰিয়া চাহ বাগিচাত শ্ৰমিকসকলৰ বিভিন্ন সমস্যা সমাধানৰ দাবীত এক ঘণ্টীয়া ধৰ্ণা কাৰ্যসূচী অনুষ্ঠিত কৰা হয়। এই কাৰ্যসূচীৰ জৰিয়তে চাহ বাগিচাৰ শ্ৰমিক ৰাইজৰ দীৰ্ঘদিনীয়া সমস্যাসমূহৰ শীঘ্ৰে সমাধানৰ দাবী জনোৱা হৈছিল। এই ধৰ্ণা কাৰ্যসূচী অসম চাহ জনজাতি ছাত্ৰ সন্থা, দৰিয়া উপশাখা আৰু দৰিয়া প্ৰাথমিক গোটৰ উদ্যোগত অনুষ্ঠিত হৈছিল। লগতে, দৰিয়া বাগিচা সংঘ আৰু সমূহ দৰিয়াবাসী ৰাইজে এই শ্ৰমিকৰ হিতাধিকাৰী কাৰ্যসূচীত সহযোগ আগবঢ়ায়।

সৰুপথাৰত এটা লোমহৰ্ষক হত্যাকাণ্ড সংঘটিত হৈছে, য'ত বৰজনাকে নিজৰ বোৱাৰীয়েক উৰ্মিলা মালাৰক দাৰে ঘপিয়াই হত্যা কৰিছে। এই ভয়ংকৰ ঘটনাটো সৰুপথাৰ সমজিলাৰ ছেৱাগুৰীৰ ঔটেঙাতলত সংঘটিত হৈছে। এই মূহুৰ্তলৈকে হত্যাকাণ্ডটোৰ কাৰণ জানিব পৰা হোৱা নাই।