विजेच्या तारेच्या ठिणग्यांनी सावळी शिवारात आग; उभे पीक, संत्री व ठिबक संच खाक मानवत (प्रतिनिधी):- विजेच्या तारांतील बिघाडामुळे लागलेल्या आगीत सावळी शिवारात शेतकऱ्याचे मोठे नुकसान झाले. शनिवारी घडलेल्या या घटनेत उभे पीक, कडबा, संत्र्याची झाडे व ठिबक सिंचन संच जळून खाक झाला असून शेतकरी आर्थिक संकटात सापडला आहे. सावळी येथील शेतकरी दत्ता वैजनाथ काळे यांच्या शेतात विजेच्या तारांमधील घर्षणामुळे ठिणग्या पडून आग लागली. या आगीत सुमारे दोन एकर क्षेत्रातील ज्वारी पीक, कडबा, तब्बल ५०० संत्र्याची झाडे तसेच ठिबक सिंचन संच जळून पूर्णपणे नष्ट झाला. या घटनेत सुमारे १ लाख ९३ हजार रुपयांचे नुकसान झाल्याचा प्राथमिक अंदाज असून पंचनाम्यानंतर नुकसान वाढण्याची शक्यता व्यक्त करण्यात येत आहे. दरम्यान, जीर्ण वीजतारा आणि त्यांच्या दुरुस्तीकडे होत असलेले दुर्लक्ष यामुळे अशा घटना वारंवार घडत असल्याची तक्रार शेतकऱ्यांकडून केली जात आहे. महावितरणकडून केवळ वीजबिल वसुलीकडे लक्ष दिले जात असून सुरक्षेकडे दुर्लक्ष होत असल्याचा संतापही शेतकरी दत्ता काळे यांनी व्यक्त केला.

Kapil Ashokrao Shinde

मानवत, परभणी, महाराष्ट्र•

14 hrs ago

विजेच्या तारेच्या ठिणग्यांनी सावळी शिवारात आग; उभे पीक, संत्री व ठिबक संच खाक मानवत (प्रतिनिधी):- विजेच्या तारांतील बिघाडामुळे लागलेल्या आगीत सावळी शिवारात शेतकऱ्याचे मोठे नुकसान झाले. शनिवारी घडलेल्या या घटनेत उभे पीक, कडबा, संत्र्याची झाडे व ठिबक सिंचन संच जळून खाक झाला असून शेतकरी आर्थिक संकटात सापडला आहे. सावळी येथील शेतकरी दत्ता वैजनाथ काळे यांच्या शेतात विजेच्या तारांमधील घर्षणामुळे ठिणग्या पडून आग लागली. या आगीत सुमारे दोन एकर क्षेत्रातील ज्वारी पीक, कडबा, तब्बल ५०० संत्र्याची झाडे तसेच ठिबक सिंचन संच जळून पूर्णपणे नष्ट झाला. या घटनेत सुमारे १ लाख ९३ हजार रुपयांचे नुकसान झाल्याचा प्राथमिक अंदाज असून पंचनाम्यानंतर नुकसान वाढण्याची शक्यता व्यक्त करण्यात येत आहे. दरम्यान, जीर्ण वीजतारा आणि त्यांच्या दुरुस्तीकडे होत असलेले दुर्लक्ष यामुळे अशा घटना वारंवार घडत असल्याची तक्रार शेतकऱ्यांकडून केली जात आहे. महावितरणकडून केवळ वीजबिल वसुलीकडे लक्ष दिले जात असून सुरक्षेकडे दुर्लक्ष होत असल्याचा संतापही शेतकरी दत्ता काळे यांनी व्यक्त केला.