उमरेड- भिवापूर मार्गावरील खड्डे ठरत आहेत जीवघेणे ; दोन दिवसांत खड्डे बुजविण्याची माजी आमदार सुधीर पारवे यांची मागणी उमरेड-भिवापूर मार्गावरील खड्डे ठरताहेत जीवघेणे! काल झालेल्या भीषण अपघाताच्या पार्श्वभूमीवर माजी आमदार सुधीर पारवे आक्रमक; दोन दिवसांत खड्डे बुजविण्याची मागणी! उमरेड : उमरेड-भिवापूर राष्ट्रीय महामार्ग क्रमांक ३५३ डीवरील मोठमोठे खड्डे आणि त्यातून निर्माण होणारी धोकादायक वाहतूक व्यवस्था वाहनचालकांच्या जीवावर उठली आहे. काल उमरेडकडे दुचाकीने येणाऱ्या बहीण-भावाला ट्रॅव्हल्सने जोरदार धडक दिल्याने झालेल्या भीषण अपघातात भावाचा जागीच मृत्यू झाला, तर बहीण गंभीर जखमी झाली. या घटनेच्या पार्श्वभूमीवर उमरेड-भिवापूर मार्गावरील खड्ड्यांचा प्रश्न पुन्हा ऐरणीवर आला आहे. उमरेड ते भिवापूर दरम्यान सुमारे २२ किलोमीटरच्या महामार्गावर ठिकठिकाणी मोठमोठे खड्डे पडले आहेत. या मार्गावर यापूर्वीही अनेक अपघात घडले असून, अपघातांची मालिका नेहमीचीच झाल्याचा आरोप वाहनचालकांकडून होत आहे. विशेषतः दुचाकीस्वारांसाठी रस्त्यावरील खड्डे आणि वाढलेली जड वाहतूक मोठा धोका ठरत आहे. या गंभीर परिस्थितीची दखल घेत माजी आमदार सुधीर पारवे यांनी राष्ट्रीय महामार्ग ३५३ डीच्या उमरेड-भिवापूर-नागभीड सेक्शनचे प्रकल्प संचालक अभिजीत जिचकार यांची भेट घेऊन निवेदन दिले. महामार्गावरील खड्ड्यांची दोन दिवसांत दर्जेदार दुरुस्ती करून सुरक्षित वाहतूक सुनिश्चित करावी, तसेच उमरेड-भिवापूर मार्गाच्या चौपदरीकरणाचे काम तातडीने सुरू करावे, अशी मागणी त्यांनी केली. खड्ड्यांची तातडीने दुरुस्ती न झाल्यास संबंधित विभागाविरोधात आंदोलन करण्याचा इशाराही पारवे यांनी दिला आहे.

Nisha Jambhule

भिवापूर, नागपूर, महाराष्ट्र•

4 hrs ago

उमरेड- भिवापूर मार्गावरील खड्डे ठरत आहेत जीवघेणे ; दोन दिवसांत खड्डे बुजविण्याची माजी आमदार सुधीर पारवे यांची मागणी उमरेड-भिवापूर मार्गावरील खड्डे ठरताहेत जीवघेणे! काल झालेल्या भीषण अपघाताच्या पार्श्वभूमीवर माजी आमदार सुधीर पारवे आक्रमक; दोन दिवसांत खड्डे बुजविण्याची मागणी! उमरेड : उमरेड-भिवापूर राष्ट्रीय महामार्ग क्रमांक ३५३ डीवरील मोठमोठे खड्डे आणि त्यातून निर्माण होणारी धोकादायक वाहतूक व्यवस्था वाहनचालकांच्या जीवावर उठली आहे. काल उमरेडकडे दुचाकीने येणाऱ्या बहीण-भावाला ट्रॅव्हल्सने जोरदार धडक दिल्याने झालेल्या भीषण अपघातात भावाचा जागीच मृत्यू झाला, तर बहीण गंभीर जखमी झाली. या घटनेच्या पार्श्वभूमीवर उमरेड-भिवापूर मार्गावरील खड्ड्यांचा प्रश्न पुन्हा ऐरणीवर आला आहे. उमरेड ते भिवापूर दरम्यान सुमारे २२ किलोमीटरच्या महामार्गावर ठिकठिकाणी मोठमोठे खड्डे पडले आहेत. या मार्गावर यापूर्वीही अनेक अपघात घडले असून, अपघातांची मालिका नेहमीचीच झाल्याचा आरोप वाहनचालकांकडून होत आहे. विशेषतः दुचाकीस्वारांसाठी रस्त्यावरील खड्डे आणि वाढलेली जड वाहतूक मोठा धोका ठरत आहे. या गंभीर परिस्थितीची दखल घेत माजी आमदार सुधीर पारवे यांनी राष्ट्रीय महामार्ग ३५३ डीच्या उमरेड-भिवापूर-नागभीड सेक्शनचे प्रकल्प संचालक अभिजीत जिचकार यांची भेट घेऊन निवेदन दिले. महामार्गावरील खड्ड्यांची दोन दिवसांत दर्जेदार दुरुस्ती करून सुरक्षित वाहतूक सुनिश्चित करावी, तसेच उमरेड-भिवापूर मार्गाच्या चौपदरीकरणाचे काम तातडीने सुरू करावे, अशी मागणी त्यांनी केली. खड्ड्यांची तातडीने दुरुस्ती न झाल्यास संबंधित विभागाविरोधात आंदोलन करण्याचा इशाराही पारवे यांनी दिला आहे.