परळी शहराला अधिक हिरवेगार, सुंदर आणि पर्यावरणपूरक बनवण्यासाठी परळी नगर परिषदेच्या वतीने लवकरच मोठ्या प्रमाणावर वृक्ष लागवड अभियान राबवण्यात येणार असल्याची घोषणा नगराध्यक्षा सौ. पद्मश्रीताई बाजीराव धर्माधिकारी यांनी केली आहे. या अभियानाअंतर्गत 'प्रभू वैद्यनाथांच्या पावन भूमीला पर्यावरण समृद्ध करण्यासाठी एकजूट व्हा' असे आवाहन जलनायक मयंक गांधी यांनी केले. या महत्त्वाकांक्षी 'हरित परळी अभियान'च्या नियोजनासाठी रविवार, दिनांक २१ रोजी सकाळी ७ वाजता जिजामाता उद्यान येथे एका विशेष बैठकीचे आयोजन करण्यात आले होते. या बैठकीला ग्लोबल विकास ट्रस्टचे संस्थापक व प्रसिद्ध सामाजिक कार्यकर्ते मयंक गांधी यांची प्रमुख उपस्थिती होती. नगराध्यक्षा सौ. पद्मश्रीताई बाजीराव धर्माधिकारी यांच्यासह नगर परिषदेचे पदाधिकारी, सदस्य, वृक्ष संवर्धन चळवळीतील कार्यकर्ते, मान्यवर नागरिक, व्यापारी, पत्रकार, महिला अधिकारी-कर्मचारी आणि विविध सामाजिक संस्था व पर्यावरणप्रेमी नागरिक मोठ्या संख्येने उपस्थित होते. यावेळी वृक्ष लागवडीसाठी योग्य स्थळांची निवड, वृक्षसंवर्धनाची कार्यपद्धती तसेच नागरिकांचा सहभाग वाढवण्यासंदर्भात सविस्तर चर्चा झाली. शहरातील तापमान नियंत्रणात ठेवणे, भूजल पातळीत वाढ करणे, पर्जन्यमानाला पोषक वातावरण निर्माण करणे आणि भावी पिढ्यांसाठी स्वच्छ व निरोगी पर्यावरण उपलब्ध करून देणे या दृष्टीने हे अभियान महत्त्वपूर्ण ठरणार असल्याचे नमूद करण्यात आले. या बैठकीत मयंक गांधी यांच्या हस्ते नगराध्यक्षा सौ. पद्मश्रीताई धर्माधिकारी यांना वृक्षरोप देऊन हरित परळी अभियानाचा शुभारंभ करण्यात आला. पर्यावरण संवर्धन आणि शाश्वत विकासाच्या दिशेने एक महत्त्वाचे पाऊल उचलत ग्लोबल विकास ट्रस्टच्या वतीने गुरुपौर्णिमेच्या निमित्ताने २३ ते २९ जुलै दरम्यान राज्यभरात २५ लाख वृक्ष लागवड व संवर्धन अभियान राबवण्यात येणार असल्याची माहिती मयंक गांधी यांनी दिली. या मोहिमेत परळी नगर परिषदेने पुढाकार घेतल्याबद्दल त्यांनी अभिनंदन केले. एक वृक्ष म्हणजे भविष्यातील दुष्काळाविरुद्ध उभारलेली जिवंत भिंत असून, जलसंधारण आणि वृक्षसंवर्धन या दोन्ही चळवळी एकमेकांना पूरक असल्याचे गांधी यांनी अधोरेखित केले. वैद्यनाथ प्रभूंच्या पावन वास्तव्याने पुनीत झालेल्या परळी शहर आणि परिसराला हिरवाईने नटवण्याचा ठाम निर्धार या बैठकीत व्यक्त करण्यात आला. विविध संस्था, संघटना, शाळा, महाविद्यालये आणि नागरिकांच्या सहभागातून या अभियानाला लोकचळवळ बनवण्याचा निर्धार यावेळी करण्यात आला.

M. p. gitte

परळी, बीड, महाराष्ट्र•

1 hr ago

परळी शहराला अधिक हिरवेगार, सुंदर आणि पर्यावरणपूरक बनवण्यासाठी परळी नगर परिषदेच्या वतीने लवकरच मोठ्या प्रमाणावर वृक्ष लागवड अभियान राबवण्यात येणार असल्याची घोषणा नगराध्यक्षा सौ. पद्मश्रीताई बाजीराव धर्माधिकारी यांनी केली आहे. या अभियानाअंतर्गत 'प्रभू वैद्यनाथांच्या पावन भूमीला पर्यावरण समृद्ध करण्यासाठी एकजूट व्हा' असे आवाहन जलनायक मयंक गांधी यांनी केले. या महत्त्वाकांक्षी 'हरित परळी अभियान'च्या नियोजनासाठी रविवार, दिनांक २१ रोजी सकाळी ७ वाजता जिजामाता उद्यान येथे एका विशेष बैठकीचे आयोजन करण्यात आले होते. या बैठकीला ग्लोबल विकास ट्रस्टचे संस्थापक व प्रसिद्ध सामाजिक कार्यकर्ते मयंक गांधी यांची प्रमुख उपस्थिती होती. नगराध्यक्षा सौ. पद्मश्रीताई बाजीराव धर्माधिकारी यांच्यासह नगर परिषदेचे पदाधिकारी, सदस्य, वृक्ष संवर्धन चळवळीतील कार्यकर्ते, मान्यवर नागरिक, व्यापारी, पत्रकार, महिला अधिकारी-कर्मचारी आणि विविध सामाजिक संस्था व पर्यावरणप्रेमी नागरिक मोठ्या संख्येने उपस्थित होते. यावेळी वृक्ष लागवडीसाठी योग्य स्थळांची निवड, वृक्षसंवर्धनाची कार्यपद्धती तसेच नागरिकांचा सहभाग वाढवण्यासंदर्भात सविस्तर चर्चा झाली. शहरातील तापमान नियंत्रणात ठेवणे, भूजल पातळीत वाढ करणे, पर्जन्यमानाला पोषक वातावरण निर्माण

करणे आणि भावी पिढ्यांसाठी स्वच्छ व निरोगी पर्यावरण उपलब्ध करून देणे या दृष्टीने हे अभियान महत्त्वपूर्ण ठरणार असल्याचे नमूद करण्यात आले. या बैठकीत मयंक गांधी यांच्या हस्ते नगराध्यक्षा सौ. पद्मश्रीताई धर्माधिकारी यांना वृक्षरोप देऊन हरित परळी अभियानाचा शुभारंभ करण्यात आला. पर्यावरण संवर्धन आणि शाश्वत विकासाच्या दिशेने एक महत्त्वाचे पाऊल उचलत ग्लोबल विकास ट्रस्टच्या वतीने गुरुपौर्णिमेच्या निमित्ताने २३ ते २९ जुलै दरम्यान राज्यभरात २५ लाख वृक्ष लागवड व संवर्धन अभियान राबवण्यात येणार असल्याची माहिती मयंक गांधी यांनी दिली. या मोहिमेत परळी नगर परिषदेने पुढाकार घेतल्याबद्दल त्यांनी अभिनंदन केले. एक वृक्ष म्हणजे भविष्यातील दुष्काळाविरुद्ध उभारलेली जिवंत भिंत असून, जलसंधारण आणि वृक्षसंवर्धन या दोन्ही चळवळी एकमेकांना पूरक असल्याचे गांधी यांनी अधोरेखित केले. वैद्यनाथ प्रभूंच्या पावन वास्तव्याने पुनीत झालेल्या परळी शहर आणि परिसराला हिरवाईने नटवण्याचा ठाम निर्धार या बैठकीत व्यक्त करण्यात आला. विविध संस्था, संघटना, शाळा, महाविद्यालये आणि नागरिकांच्या सहभागातून या अभियानाला लोकचळवळ बनवण्याचा निर्धार यावेळी करण्यात आला.