बिल्डिंग पेंटर, बांधकाम आणि इतर असंगठित मजदूर संघाच्या वतीने रॅली काढण्यात आली. या रॅलीनंतर संघटनेच्या वतीने मंगरूळपीरच्या तहसीलदारांना निवेदन सोपवण्यात आले आहे.

बिल्डिंग पेंटर, बांधकाम आणि इतर असंगठित मजदूर संघाच्या वतीने रॅली काढण्यात आली. या रॅलीनंतर संघटनेच्या वतीने मंगरूळपीरच्या तहसीलदारांना निवेदन सोपवण्यात आले आहे.

स्केचवर माऊलींचे रंगीबेरंगी चित्र रेखाटण्यात आले आहे. हे आकर्षक रंगीत चित्र पूर्ण करून 'माऊली माऊली' असा भक्तिभाव व्यक्त करण्यात आला आहे.

"आंदोलन करणे हा आमचा अधिकार आहे, आम्ही कधीही पोलिसांची परवानगी मागत नाही," असे ठाम विधान करत वंचित बहुजन आघाडीचे संस्थापक व राष्ट्रीय अध्यक्ष अँड. प्रकाश आंबेडकर यांनी आपल्या आंदोलनाच्या भूमिकेवर शिक्कामोर्तब केले आहे. त्यांच्या या वक्तव्यानंतर राज्याच्या राजकीय वर्तुळात चर्चेला उधाण आले असून आगामी आंदोलनांबाबत उत्सुकता वाढली आहे.

वंचित बहुजन आघाडीचे राष्ट्रीय नेते बाळासाहेब आंबेडकर यांनी २३ जुलै रोजी महाराष्ट्र बंदची हाक दिली आहे. या संदर्भात वंचित बहुजन आघाडीकडून राज्यभरात बंद पाळण्याचे आवाहन करण्यात आले आहे.

दिल्लीतील जंतर-मंतरवर विद्यार्थ्यांवर झालेल्या लाठीचार्जच्या विरोधात वंचित बहुजन आघाडी आक्रमक झाली आहे. पोलिसांच्या या कारवाईचा निषेध नोंदवण्यासाठी वंचित बहुजन आघाडीच्या वतीने 23 जुलै 2026 रोजी महाराष्ट्र बंदचे शांततापूर्ण आंदोलन पुकारण्यात आले आहे.

खामगाव येथे शासकीय जमिनीत पेरलेल्या पिकांची गाव नमुना क्र. १ (ड) मध्ये नोंद करण्यात यावी, या प्रमुख मागणीसाठी भारतीय समता संघटनेच्या वतीने उपविभागीय अधिकारी कार्यालयावर मोर्चा काढण्यात आला. भारतरत्न डॉ. बाबासाहेब आंबेडकर यांच्या पूर्णाकृती पुतळ्यापासून या मोर्चाला सुरुवात झाली. उपविभागीय अधिकारी कार्यालयासमोर आंदोलनकर्त्यांनी जोरदार घोषणाबाजी करत निदर्शने केली आणि त्यानंतर प्रशासनाला विविध मागण्यांचे निवेदन सादर केले. मोर्चेकऱ्यांनी शासकीय वनजमिनीवर पेरलेल्या पिकांची नोंद गाव नमुना क्र. १ (ड) मध्ये करण्याचे आदेश संबंधित तलाठींना देण्याची मागणी केली आहे. याशिवाय आदिवासी व अन्य पारंपरिक वननिवासींना वनहक्क मान्यता प्रक्रियेसाठी पेरणीपूर्व मशागतीस परवानगी द्यावी, अशीही मागणी निवेदनाद्वारे करण्यात आली. १५ मे २०१५ च्या शासन निर्णयानुसार पात्र ठरणाऱ्या जमिनींचे स्थळनिरीक्षण करण्यासाठी तलाठींना तातडीने आदेश देण्यात यावेत, असेही यात नमूद आहे. या मोर्चाचे नेतृत्व आम्रपाल वाघमारे, महेंद्र खंडारे आणि दिपा पवार यांनी केले.

बुलढाणा जिल्ह्यातील जळगाव जामोद परिसरात हातपंप दुरुस्ती करण्यात आली आहे.

बुलढाणा जिल्ह्यात भाविकांच्या गर्दीत चांदीच्या छत्रावर डल्ला मारण्याचा प्रयत्न करणाऱ्या एका चोरट्याला ग्रामस्थांनी रंगेहात पकडले आहे. भाविकांच्या गर्दीचा गैरफायदा घेऊन चांदीचे छत्र चोरण्याचा प्रयत्न सुरू असतानाच ग्रामस्थांनी तत्काळ तत्परता दाखवत या चोरट्याला जागेवरच पकडले.