युगप्रवर्तक अभिवादन महोत्सवाचे भव्य आयोजन सिने पार्श्वगायक आनंद शिंदे यांची भीमगीत संगीत रजनी रंगणार परभणी,( प्रतिनिधी) विश्वरत्न डॉ. बाबासाहेब आंबेडकर यांच्या 135 व्या जयंतीनिमित्त 30 एप्रिल रोजी सायंकाळी 6 वाजता युगप्रवर्तक अभिवादन महोत्सवाचे भव्य आयोजन करण्यात आले आहे. या महोत्सवानिमित्त सुप्रसिद्ध सिने पार्श्वगायक आनंद शिंदे यांच्या भीमगीत संगीत रजनीचा कार्यक्रम रंगणार असल्याची माहिती आयोजक काँग्रेस अनुसूचित जाती विभागाचे प्रदेशाध्यक्ष डॉ. सिद्धार्थ हत्तीअंबीरे यांनी दिली. डॉ. बाबासाहेब आंबेडकर यांच्या जयंतीनिमित्त मागील 21 वर्षांपासून डॉ. सिद्धार्थ हत्तीअंबीरे यांच्या नेतृत्वाखाली परभणी शहरात युगप्रवर्तक अभिवादन महोत्सवाचे सातत्याने आयोजन केले जात आहे. यंदाही हा महोत्सव मोठ्या उत्साहात साजरा होणार असून वसमत रोडवरील विष्णू जिनिंग मैदान येथे अनेक मान्यवरांच्या उपस्थितीत कार्यक्रम पार पडणार आहे. अभिवादन सोहळ्यानंतर आनंद शिंदे यांच्या सुमधुर आवाजात भीमगीत संगीत रजनी सादर होणार आहे. त्यांच्या बहारदार सादरीकरणामुळे उपस्थित प्रेक्षकांना अविस्मरणीय सांस्कृतिक मेजवानी अनुभवायला मिळणार आहे. याच कार्यक्रमात डॉ. बाबासाहेब आंबेडकर जयंती मिरवणुकीत उत्कृष्ट देखावे सादर करणाऱ्या विविध जयंती मंडळांना मान्यवरांच्या हस्ते पारितोषिकेही प्रदान करण्यात येणार आहेत. या भव्य अभिवादन महोत्सवात मोठ्या संख्येने उपस्थित राहण्याचे आवाहन आयोजक डॉ. सिद्धार्थ हत्तीअंबीरे यांनी केले आहे.

Jafar tarodekar

परभणी, परभणी, महाराष्ट्र•

13 hrs ago

युगप्रवर्तक अभिवादन महोत्सवाचे भव्य आयोजन सिने पार्श्वगायक आनंद शिंदे यांची भीमगीत संगीत रजनी रंगणार परभणी,( प्रतिनिधी) विश्वरत्न डॉ. बाबासाहेब आंबेडकर यांच्या 135 व्या जयंतीनिमित्त 30 एप्रिल रोजी सायंकाळी 6 वाजता युगप्रवर्तक अभिवादन महोत्सवाचे भव्य आयोजन करण्यात आले आहे. या महोत्सवानिमित्त सुप्रसिद्ध सिने पार्श्वगायक आनंद शिंदे यांच्या भीमगीत संगीत रजनीचा कार्यक्रम रंगणार असल्याची माहिती आयोजक काँग्रेस अनुसूचित जाती विभागाचे प्रदेशाध्यक्ष डॉ. सिद्धार्थ हत्तीअंबीरे यांनी दिली. डॉ. बाबासाहेब आंबेडकर यांच्या जयंतीनिमित्त मागील 21 वर्षांपासून डॉ. सिद्धार्थ हत्तीअंबीरे यांच्या नेतृत्वाखाली परभणी शहरात युगप्रवर्तक अभिवादन महोत्सवाचे सातत्याने आयोजन केले जात आहे. यंदाही हा महोत्सव मोठ्या उत्साहात साजरा होणार असून वसमत रोडवरील विष्णू जिनिंग मैदान येथे अनेक मान्यवरांच्या उपस्थितीत कार्यक्रम पार पडणार आहे. अभिवादन सोहळ्यानंतर आनंद शिंदे यांच्या सुमधुर आवाजात भीमगीत संगीत रजनी सादर होणार आहे. त्यांच्या बहारदार सादरीकरणामुळे उपस्थित प्रेक्षकांना अविस्मरणीय सांस्कृतिक मेजवानी अनुभवायला मिळणार आहे. याच कार्यक्रमात डॉ. बाबासाहेब आंबेडकर जयंती मिरवणुकीत उत्कृष्ट देखावे सादर करणाऱ्या विविध जयंती मंडळांना मान्यवरांच्या हस्ते पारितोषिकेही प्रदान करण्यात येणार आहेत. या भव्य अभिवादन महोत्सवात मोठ्या संख्येने उपस्थित राहण्याचे आवाहन आयोजक डॉ. सिद्धार्थ हत्तीअंबीरे यांनी केले आहे.