नंदुरबार जिल्ह्यातील कुपोषण व आरोग्यविषयक उच्च जोखीम असलेल्या गावांच्या सर्वांगीण विकासासाठी राबविण्यात येत असलेल्या विशेष उपक्रमांतर्गत जिल्हाधिकारी डॉ. मित्ताली सेठी यांनी धडगाव तालुक्यातील माळ गावाला भेट दिली. या भेटीदरम्यान त्यांनी ग्रामस्थ, लोकप्रतिनिधी आणि विविध विभागांच्या क्षेत्रीय कर्मचाऱ्यांशी थेट संवाद साधला. जिल्हाधिकाऱ्यांनी माता-बाल आरोग्य, कुपोषण निर्मूलन, शिक्षण, स्वच्छता, जनसहभाग आणि वर्तनात्मक बदल या महत्त्वाच्या विषयांवर ग्रामस्थांशी सविस्तर चर्चा करत कुपोषणमुक्त व निरोगी समाज घडवण्यासाठी प्रशासन आणि नागरिकांनी संयुक्तपणे प्रयत्न करण्याचे आवाहन केले. डॉ. सेठी यांनी थेट दत्तक घेतलेल्या माळ, गेंदा, खर्डी खुर्द, खुटवाडा आणि तिनासमाळ या पाच गावांच्या सर्वांगीण विकासासाठी विशेष कृती आराखडा राबविण्यात येत असल्याची माहिती दिली. या गावांच्या प्रगतीचा दरमहा आढावा घेतला जाणार असून, आरोग्यदायी सवयी, पोषणाविषयी जनजागृती आणि शासकीय योजनांचा प्रभावी लाभ प्रत्येक कुटुंबापर्यंत पोहोचवण्यासाठी विशेष प्रयत्न केले जातील असे त्यांनी स्पष्ट केले. या दौऱ्यावेळी धडगावचे गटविकास अधिकारी, तहसीलदार, संबंधित ग्रामपंचायतींचे सरपंच व ग्रामसेवक, बाल विकास प्रकल्प अधिकारी, तालुका आरोग्य अधिकारी, वैद्यकीय अधिकारी, पर्यवेक्षिका, अंगणवाडी सेविका, आशा स्वयंसेविका, एएनएम आणि मोठ्या संख्येने ग्रामस्थ उपस्थित होते. उपस्थितांनी दुर्गम भागातील माता व बालकांचे आरोग्य सुधारण्यासाठी, कुपोषण निर्मूलनाला गती देण्यासाठी आणि गावांच्या सर्वांगीण विकासासाठी प्रशासनाने सुरू केलेला हा उपक्रम महत्त्वपूर्ण असल्याचे मत व्यक्त केले. जिल्हाधिकाऱ्यांनी लोकसहभाग, प्रशासनाची बांधिलकी आणि सातत्यपूर्ण पाठपुराव्याच्या बळावर कुपोषणमुक्त व निरोगी गावांचे स्वप्न साकार होईल असा विश्वास व्यक्त केला.

सुमन नागनाथ अलमलकर

Local News Reporter शिरूर-अनंतपाळ, लातूर, महाराष्ट्र•

2 hrs ago

नंदुरबार जिल्ह्यातील कुपोषण व आरोग्यविषयक उच्च जोखीम असलेल्या गावांच्या सर्वांगीण विकासासाठी राबविण्यात येत असलेल्या विशेष उपक्रमांतर्गत जिल्हाधिकारी डॉ. मित्ताली सेठी यांनी धडगाव तालुक्यातील माळ गावाला भेट दिली. या भेटीदरम्यान त्यांनी ग्रामस्थ, लोकप्रतिनिधी आणि विविध विभागांच्या क्षेत्रीय कर्मचाऱ्यांशी थेट संवाद साधला. जिल्हाधिकाऱ्यांनी माता-बाल आरोग्य, कुपोषण निर्मूलन, शिक्षण, स्वच्छता, जनसहभाग आणि वर्तनात्मक बदल या महत्त्वाच्या विषयांवर ग्रामस्थांशी सविस्तर चर्चा करत कुपोषणमुक्त व निरोगी समाज घडवण्यासाठी प्रशासन आणि नागरिकांनी संयुक्तपणे प्रयत्न करण्याचे आवाहन केले. डॉ. सेठी यांनी थेट दत्तक घेतलेल्या माळ, गेंदा, खर्डी खुर्द, खुटवाडा आणि तिनासमाळ या पाच गावांच्या सर्वांगीण विकासासाठी विशेष कृती आराखडा राबविण्यात येत असल्याची माहिती दिली. या गावांच्या प्रगतीचा दरमहा आढावा घेतला जाणार असून, आरोग्यदायी सवयी, पोषणाविषयी जनजागृती आणि शासकीय योजनांचा प्रभावी लाभ प्रत्येक कुटुंबापर्यंत पोहोचवण्यासाठी विशेष प्रयत्न केले जातील असे त्यांनी स्पष्ट केले. या दौऱ्यावेळी धडगावचे गटविकास अधिकारी, तहसीलदार, संबंधित ग्रामपंचायतींचे सरपंच व ग्रामसेवक, बाल विकास प्रकल्प अधिकारी, तालुका आरोग्य अधिकारी, वैद्यकीय अधिकारी, पर्यवेक्षिका, अंगणवाडी सेविका, आशा स्वयंसेविका, एएनएम आणि मोठ्या संख्येने ग्रामस्थ उपस्थित होते. उपस्थितांनी दुर्गम भागातील माता व बालकांचे आरोग्य सुधारण्यासाठी, कुपोषण निर्मूलनाला गती देण्यासाठी आणि गावांच्या सर्वांगीण विकासासाठी प्रशासनाने सुरू केलेला हा उपक्रम महत्त्वपूर्ण असल्याचे मत व्यक्त केले. जिल्हाधिकाऱ्यांनी लोकसहभाग, प्रशासनाची बांधिलकी आणि सातत्यपूर्ण पाठपुराव्याच्या बळावर कुपोषणमुक्त व निरोगी गावांचे स्वप्न साकार होईल असा विश्वास व्यक्त केला.