बुलढाणा जिल्हात पावसाचा प्रचंड कहर..! ९२ पैकी ९१ महसूल मंडळांत अतिवृष्टी; जिल्हा प्रशासन हायअलर्टवर "एकाही पूरग्रस्ताला वाऱ्यावर सोडणार नाही" – पालकमंत्री मकरंद जाधव पाटील बुलढाणावर पावसाचा प्रचंड कहर! ९२ पैकी ९१ महसूल मंडळांत अतिवृष्टी; जिल्हा प्रशासन हायअलर्टवर "एकाही पूरग्रस्ताला वाऱ्यावर सोडणार नाही" – पालकमंत्री मकरंद जाधव पाटील बुलढाणा | दि. ३१ बुलढाणा जिल्ह्यावर मुसळधार पावसाने अक्षरशः थैमान घातले असून अनेक भागांत पूरस्थिती निर्माण झाली आहे. सलग कोसळणाऱ्या पावसामुळे जनजीवन विस्कळीत झाले असून शेती, घरे आणि पायाभूत सुविधांचे मोठ्या प्रमाणात नुकसान झाले आहे. या गंभीर परिस्थितीच्या पार्श्वभूमीवर संपूर्ण जिल्हा प्रशासन हायअलर्टवर असून बचाव व मदतकार्य युद्धपातळीवर सुरू करण्यात आले आहे. जिल्ह्याचे पालकमंत्री तथा मदत व पुनर्वसन मंत्री मकरंद जाधव पाटील यांनी जिल्हाधिकारी व वरिष्ठ अधिकाऱ्यांशी सातत्याने संपर्क ठेवून परिस्थितीचा आढावा घेतला आहे. "शासन प्रत्येक बाधित नागरिकाच्या पाठीशी ठामपणे उभे आहे. कोणत्याही पूरग्रस्ताला वाऱ्यावर सोडले जाणार नाही," अशी ठाम ग्वाही त्यांनी दिली. स्थिती गंभीर - ९२ पैकी तब्बल ९१ महसूल मंडळांत अतिवृष्टीची नोंद - उभी पिके, घरे आणि सार्वजनिक मालमत्तेचे मोठे नुकसान - पंचनामे व सर्वेक्षणाचे काम युद्धपातळीवर सुरू - मदत व पुनर्वसनासाठी सर्व यंत्रणा सज्ज नागरिकांना प्रशासनाचे आवाहन पूरग्रस्त किंवा धोकादायक भागात जाणे टाळावे. नदी, नाले, पूल आणि पाण्याचा वेग असलेल्या ठिकाणांपासून दूर राहावे. प्रशासनाकडून वेळोवेळी जारी होणाऱ्या सूचनांचे काटेकोरपणे पालन करून स्वतःची व कुटुंबाची सुरक्षितता जपावी, असे आवाहन पालकमंत्री मकरंद जाधव पाटील यांनी केले आहे. जिल्ह्यावर संकट... प्रशासन सज्ज! सतत सुरू असलेल्या पावसामुळे पुढील काही तास अत्यंत महत्त्वाचे मानले जात आहेत. जिल्हा प्रशासन २४ तास परिस्थितीवर लक्ष ठेवून असून कोणत्याही आपत्कालीन परिस्थितीला सामोरे जाण्यासाठी संपूर्ण यंत्रणा सज्ज ठेवण्यात आली आहे.

Sachin kadukar

Photographer Shegaon, Buldhana•

19 hrs ago

बुलढाणा जिल्हात पावसाचा प्रचंड कहर..! ९२ पैकी ९१ महसूल मंडळांत अतिवृष्टी; जिल्हा प्रशासन हायअलर्टवर "एकाही पूरग्रस्ताला वाऱ्यावर सोडणार नाही" – पालकमंत्री मकरंद जाधव पाटील बुलढाणावर पावसाचा प्रचंड कहर! ९२ पैकी ९१ महसूल मंडळांत अतिवृष्टी; जिल्हा प्रशासन हायअलर्टवर "एकाही पूरग्रस्ताला वाऱ्यावर सोडणार नाही" – पालकमंत्री मकरंद जाधव पाटील बुलढाणा | दि. ३१ बुलढाणा जिल्ह्यावर मुसळधार पावसाने अक्षरशः थैमान घातले असून अनेक भागांत पूरस्थिती निर्माण झाली आहे. सलग कोसळणाऱ्या पावसामुळे जनजीवन विस्कळीत झाले असून शेती, घरे आणि पायाभूत सुविधांचे मोठ्या प्रमाणात नुकसान झाले आहे. या गंभीर परिस्थितीच्या पार्श्वभूमीवर संपूर्ण जिल्हा प्रशासन हायअलर्टवर असून बचाव व मदतकार्य युद्धपातळीवर सुरू करण्यात आले आहे. जिल्ह्याचे पालकमंत्री तथा मदत व पुनर्वसन मंत्री मकरंद जाधव पाटील यांनी जिल्हाधिकारी व वरिष्ठ अधिकाऱ्यांशी सातत्याने संपर्क ठेवून परिस्थितीचा आढावा घेतला आहे. "शासन प्रत्येक बाधित नागरिकाच्या पाठीशी ठामपणे उभे आहे. कोणत्याही पूरग्रस्ताला वाऱ्यावर सोडले जाणार नाही," अशी ठाम ग्वाही त्यांनी दिली. स्थिती गंभीर - ९२ पैकी तब्बल ९१ महसूल मंडळांत अतिवृष्टीची नोंद - उभी पिके, घरे आणि सार्वजनिक मालमत्तेचे मोठे नुकसान - पंचनामे व सर्वेक्षणाचे काम युद्धपातळीवर सुरू - मदत व पुनर्वसनासाठी सर्व यंत्रणा सज्ज नागरिकांना प्रशासनाचे आवाहन पूरग्रस्त किंवा धोकादायक भागात जाणे टाळावे. नदी, नाले, पूल आणि पाण्याचा वेग असलेल्या ठिकाणांपासून दूर राहावे. प्रशासनाकडून वेळोवेळी जारी होणाऱ्या सूचनांचे काटेकोरपणे पालन करून स्वतःची व कुटुंबाची सुरक्षितता जपावी, असे आवाहन पालकमंत्री मकरंद जाधव पाटील यांनी केले आहे. जिल्ह्यावर संकट... प्रशासन सज्ज! सतत सुरू असलेल्या पावसामुळे पुढील काही तास अत्यंत महत्त्वाचे मानले जात आहेत. जिल्हा प्रशासन २४ तास परिस्थितीवर लक्ष ठेवून असून कोणत्याही आपत्कालीन परिस्थितीला सामोरे जाण्यासाठी संपूर्ण यंत्रणा सज्ज ठेवण्यात आली आहे.