বিশ্বনাথত খিলঞ্জীয়াৰ ভূমি সন্দেহ যুক্ত ব্যক্তিক গতাই দিয়াৰ ষড়যন্ত্ৰ। ## খিলঞ্জীয়াৰ মাটি সংখ্যালঘুক গতোৱাৰ চক্ৰান্ত ## ধন সংগ্ৰহত নামিল একাংশ মধ্যভোগী ##মুখ্যমন্ত্ৰীৰ খিলঞ্জীয়াৰ ভূমি অধিকাৰৰ প্ৰচেষ্টাক প্ৰত্যাহ্বান বিশ্বনাথত প্ৰায় ২ শতাধিক বিঘা ভূমি সংখ্যালঘুক গতাবলৈ এটা চক্ৰ তৎপৰ হৈ পৰিছে।ঐতিহাসিক বিশ্বনাথ ক্ষেত্ৰত আহোম কীৰ্তিচিহ্নৰে ভৰপূৰ অঞ্চলটোত এতিয়াও বাংলাদেশীমূলৰ লোকৰ আগ্ৰাসন চলি থকা বুলি অভিযোগ উত্থাপিত হৈছে।তাৎপৰ্যপূৰ্ণ যে এই সংখ্যালঘুলোক সকলে কুক্ষিগত কৰিছে বৃহৎ পৰিমাণৰ ভূমি।বৰ্তমান বিশ্বনাথৰ এক নিদিষ্ট অঞ্চলত এফ চি গ্ৰাণ্টৰ ভূমি সংখ্যালঘুলোকক বিক্ৰিৰ ৰাজহুৱা প্ৰচেষ্টাৰ অভিযোগে স্থানীয় ৰাইজক স্তম্ভিত কৰি তুলিছে।অভিযোগ উঠামতে গড় ভিতৰ গাৱৰ ১নং এফ চি গ্ৰাণ্টৰ মাটি সংখ্যালঘু লোকক বিক্ৰিৰ বাবে ৰাজহুৱা সভা অনুষ্ঠিত কৰি দৰ নিৰ্ধাৰণ কৰা হৈছে।প্ৰায় দুশতকৈ অধিক বিঘা ভূমি বিক্ৰিৰ বাবে প্ৰতি বিঘা ভূমিৰ দৰ ৯ লাখ ৮০ হাজাৰ টকা নিৰ্ধাৰণ কৰা বুলি অভিযোগ উত্থাপিত হৈছে।এই সন্দৰ্ভত ১০ জনকৈ আহ্বায়ক মণ্ডলীৰ এটা গোটে এই ভূমি ক্ৰয়কাৰীক কিস্তি কিস্তিকৈ ধন আদায়ৰ সুবিধা দিয়াৰো ব্যৱস্থা কৰিছে।তাৎপৰ্যপূৰ্ণ যে ইতিমধ্যে দখলীকৃত ভূমিৰ স্বত্ব সাধাৰণ সংখ্যালঘু লোকক গতাই দিয়াৰ প্ৰলোভনৰে এই চক্ৰটোৱে মধ্যভোগীৰ ভূমিকাত অৱত্তীৰ্ণ হোৱা বুলিও অভিযোগ উঠিছে।ঘাইকৈ হিন্দু পট্টাদাৰৰ ভূমিৰ বৃহৎ অংশ দখল সাব্যস্ত কৰি কুক্ষিগত কৰা কাৰ্যক বৈধতা দিয়াৰ উদ্দেশ্যে এই কাৰ্যত জড়িত মধ্যভোগীৰ ভূমিকাকলৈ ৰাইজৰ মাজত প্ৰতিক্ৰিয়াৰ সৃষ্টি হৈছে।শেহতীয়াকৈ মুখ্যমন্ত্ৰীৰ তৎপৰতাত কেতবোৰ নিদিষ্ট এলেকাত সন্দেহজনক অথবা অনাহিন্দু লোকক ভূমি বিক্ৰিত নিষেধাজ্ঞা আৰোপ কৰা হৈছে। ইফালে এই আহ্বায়ক মণ্ডলীয়ে একাংশ সংখ্যালঘুলোকৰ পৰা ভূমিৰ নামত প্ৰায় ১৫ লাখ টকা সংগ্ৰহ কৰা হৈছে বুলি অভিযোগ উঠিছে।তদুপৰি এই ভূমিৰ দৰ নিৰ্ধাৰণৰ ক্ষেত্ৰতো বৈষম্য হোৱা বুলি অভিযোগ উঠিছে।৯ লাখ ৮০ হাজাৰৰ পৰিৱৰ্তে এই ভূমিৰ দৰ ব্যক্তি বিশেষে কম বুলিও অভিযোগ কৰা হৈছে।জানিব পৰামতে এফ চি গ্ৰাণ্টৰ ভূমি ম্যাদী কৰিবলৈ চৰকাৰীভাৱে কেবিনেট সভাৰ সিদ্ধান্তমৰ্মে ৰাজ্যপালে যোৱা ২০২৪ চনৰ ২১ এপ্ৰিলত এখন নিৰ্দেশনা জাৰি কৰিলে যদিও এই সন্দৰ্ভত কোনো কাৰ্যব্যৱস্থা ৰূপায়ণ কৰা হোৱা নাই।অতি সম্প্ৰতি চৰকাৰীভাৱে এনে শ্ৰেণী ভূমিৰ জৰীপ আৰু মেপিঙৰ কাম আৰম্ভ কৰিব বুলি জানিব পৰা গৈছে।কিন্তু চৰকাৰীভাৱে কাম আৰম্ভ নৌহঁ‌ওতেই সভা পাতি ভূমিৰ ধন আদায়ৰ বাবে মধ্যভোগীয়ে লোৱা পন্থাটোকলৈ সৰৱ হৈছে একাংশ লোক।ইফালে কিস্তি আদায়ৰ বাবে সংখ্যালঘুলোকক মাইকযোগে আহ্বান জনোৱাৰ দৰে ঘটনাও বিশ্বনাথত সংঘটিত হৈছে।এই সন্দৰ্ভত আৰক্ষী জ্ঞাত যদিও সমগ্ৰ বিষয় সন্দৰ্ভত তদন্তৰো দাবী উত্থাপিত হৈছে।স্বাভাৱিকতে বিশ্বনাথত ভূমি ক্ৰয়-বিক্ৰয় মধ্যভোগীৰ অৰাজকতাকলৈয়ো প্ৰশ্ন উঠিছে। সাধাৰণ সংখ্যালঘুলোকক আভুৱা ভাৰি এনেদৰে ধন সংগ্ৰহৰ অভিযান আইন সংগত নে বুলি স্থানীয় ৰাইজে প্ৰশ্ন তুলিছে। যাৰফলত এতিয়া ৰাজ্যৰ মুখ্যমন্ত্ৰী ড° হিমন্ত বিশ্ব শৰ্মাই খিলঞ্জীয়া জনতাৰ ভূমিৰ অধিকাৰ সুৰক্ষিত কৰাৰ প্ৰচেষ্টা বিফলে যোৱাৰ উপক্ৰম হৈছে।

অঞ্জন শ‌ইকীয়া

না-দুৱাৰ, বিশ্বনাথ, অসম•

5 hrs ago

বিশ্বনাথত খিলঞ্জীয়াৰ ভূমি সন্দেহ যুক্ত ব্যক্তিক গতাই দিয়াৰ ষড়যন্ত্ৰ। ## খিলঞ্জীয়াৰ মাটি সংখ্যালঘুক গতোৱাৰ চক্ৰান্ত ## ধন সংগ্ৰহত নামিল একাংশ মধ্যভোগী ##মুখ্যমন্ত্ৰীৰ খিলঞ্জীয়াৰ ভূমি অধিকাৰৰ প্ৰচেষ্টাক প্ৰত্যাহ্বান বিশ্বনাথত প্ৰায় ২ শতাধিক বিঘা ভূমি সংখ্যালঘুক গতাবলৈ এটা চক্ৰ তৎপৰ হৈ পৰিছে।ঐতিহাসিক বিশ্বনাথ ক্ষেত্ৰত আহোম কীৰ্তিচিহ্নৰে ভৰপূৰ অঞ্চলটোত এতিয়াও বাংলাদেশীমূলৰ লোকৰ আগ্ৰাসন চলি থকা বুলি অভিযোগ উত্থাপিত হৈছে।তাৎপৰ্যপূৰ্ণ যে এই সংখ্যালঘুলোক সকলে কুক্ষিগত কৰিছে বৃহৎ পৰিমাণৰ ভূমি।বৰ্তমান বিশ্বনাথৰ এক নিদিষ্ট অঞ্চলত এফ চি গ্ৰাণ্টৰ ভূমি সংখ্যালঘুলোকক বিক্ৰিৰ ৰাজহুৱা প্ৰচেষ্টাৰ অভিযোগে স্থানীয় ৰাইজক স্তম্ভিত কৰি তুলিছে।অভিযোগ উঠামতে গড় ভিতৰ গাৱৰ ১নং এফ চি গ্ৰাণ্টৰ মাটি সংখ্যালঘু লোকক বিক্ৰিৰ বাবে ৰাজহুৱা সভা অনুষ্ঠিত কৰি দৰ নিৰ্ধাৰণ কৰা হৈছে।প্ৰায় দুশতকৈ অধিক বিঘা ভূমি বিক্ৰিৰ বাবে প্ৰতি বিঘা ভূমিৰ দৰ ৯ লাখ ৮০ হাজাৰ টকা নিৰ্ধাৰণ কৰা বুলি অভিযোগ উত্থাপিত হৈছে।এই সন্দৰ্ভত ১০ জনকৈ আহ্বায়ক মণ্ডলীৰ এটা গোটে এই ভূমি ক্ৰয়কাৰীক কিস্তি কিস্তিকৈ ধন আদায়ৰ সুবিধা দিয়াৰো ব্যৱস্থা কৰিছে।তাৎপৰ্যপূৰ্ণ যে ইতিমধ্যে দখলীকৃত ভূমিৰ স্বত্ব সাধাৰণ সংখ্যালঘু লোকক গতাই দিয়াৰ প্ৰলোভনৰে এই চক্ৰটোৱে মধ্যভোগীৰ ভূমিকাত অৱত্তীৰ্ণ হোৱা বুলিও অভিযোগ উঠিছে।ঘাইকৈ হিন্দু পট্টাদাৰৰ ভূমিৰ বৃহৎ অংশ দখল সাব্যস্ত কৰি কুক্ষিগত কৰা কাৰ্যক বৈধতা দিয়াৰ উদ্দেশ্যে এই কাৰ্যত জড়িত মধ্যভোগীৰ ভূমিকাকলৈ ৰাইজৰ মাজত প্ৰতিক্ৰিয়াৰ সৃষ্টি হৈছে।শেহতীয়াকৈ

মুখ্যমন্ত্ৰীৰ তৎপৰতাত কেতবোৰ নিদিষ্ট এলেকাত সন্দেহজনক অথবা অনাহিন্দু লোকক ভূমি বিক্ৰিত নিষেধাজ্ঞা আৰোপ কৰা হৈছে। ইফালে এই আহ্বায়ক মণ্ডলীয়ে একাংশ সংখ্যালঘুলোকৰ পৰা ভূমিৰ নামত প্ৰায় ১৫ লাখ টকা সংগ্ৰহ কৰা হৈছে বুলি অভিযোগ উঠিছে।তদুপৰি এই ভূমিৰ দৰ নিৰ্ধাৰণৰ ক্ষেত্ৰতো বৈষম্য হোৱা বুলি অভিযোগ উঠিছে।৯ লাখ ৮০ হাজাৰৰ পৰিৱৰ্তে এই ভূমিৰ দৰ ব্যক্তি বিশেষে কম বুলিও অভিযোগ কৰা হৈছে।জানিব পৰামতে এফ চি গ্ৰাণ্টৰ ভূমি ম্যাদী কৰিবলৈ চৰকাৰীভাৱে কেবিনেট সভাৰ সিদ্ধান্তমৰ্মে ৰাজ্যপালে যোৱা ২০২৪ চনৰ ২১ এপ্ৰিলত এখন নিৰ্দেশনা জাৰি কৰিলে যদিও এই সন্দৰ্ভত কোনো কাৰ্যব্যৱস্থা ৰূপায়ণ কৰা হোৱা নাই।অতি সম্প্ৰতি চৰকাৰীভাৱে এনে শ্ৰেণী ভূমিৰ জৰীপ আৰু মেপিঙৰ কাম আৰম্ভ কৰিব বুলি জানিব পৰা গৈছে।কিন্তু চৰকাৰীভাৱে কাম আৰম্ভ নৌহঁ‌ওতেই সভা পাতি ভূমিৰ ধন আদায়ৰ বাবে মধ্যভোগীয়ে লোৱা পন্থাটোকলৈ সৰৱ হৈছে একাংশ লোক।ইফালে কিস্তি আদায়ৰ বাবে সংখ্যালঘুলোকক মাইকযোগে আহ্বান জনোৱাৰ দৰে ঘটনাও বিশ্বনাথত সংঘটিত হৈছে।এই সন্দৰ্ভত আৰক্ষী জ্ঞাত যদিও সমগ্ৰ বিষয় সন্দৰ্ভত তদন্তৰো দাবী উত্থাপিত হৈছে।স্বাভাৱিকতে বিশ্বনাথত ভূমি ক্ৰয়-বিক্ৰয় মধ্যভোগীৰ অৰাজকতাকলৈয়ো প্ৰশ্ন উঠিছে। সাধাৰণ সংখ্যালঘুলোকক আভুৱা ভাৰি এনেদৰে ধন সংগ্ৰহৰ অভিযান আইন সংগত নে বুলি স্থানীয় ৰাইজে প্ৰশ্ন তুলিছে। যাৰফলত এতিয়া ৰাজ্যৰ মুখ্যমন্ত্ৰী ড° হিমন্ত বিশ্ব শৰ্মাই খিলঞ্জীয়া জনতাৰ ভূমিৰ অধিকাৰ সুৰক্ষিত কৰাৰ প্ৰচেষ্টা বিফলে যোৱাৰ উপক্ৰম হৈছে।