சேலம் மாவட்டத்தின் பல்வேறு பகுதிகளில் இன்று பலத்த மழை பெய்தது. பல நாட்களாக வாட்டி வதைத்த வெயில் தணிந்து, திடீர் மழையால் பொதுமக்கள் மகிழ்ச்சியடைந்துள்ளனர்.

சேலம் மாவட்டத்தின் பல்வேறு பகுதிகளில் இன்று பலத்த மழை பெய்தது. பல நாட்களாக வாட்டி வதைத்த வெயில் தணிந்து, திடீர் மழையால் பொதுமக்கள் மகிழ்ச்சியடைந்துள்ளனர்.

தருமபுரி மாவட்டம், பாலக்கோடு அருகே மாரண்டஅள்ளியில் 18 ஆண்டுகளாக செயல்படும் டாஸ்மாக் கடையை மூடக் கோரி பொதுமக்கள் போராட்டம் நடத்தினர். பள்ளி, கடைவீதி அருகில் உள்ளதால் பெண்கள், மாணவிகள் அச்சத்துடன் சென்று வருவதாகவும், மதுப்பிரியர்கள் ஆபாசமாக பேசுவதாகவும் அவர்கள் குற்றம் சாட்டினர். இக்கடையை நிரந்தரமாக மூட அல்லது இடமாற்றம் செய்யக்கோரி மாவட்ட ஆட்சியரிடம் மனுவும் அளிக்கப்பட்டுள்ளது.

இளம்பகவத் ஐஏஎஸ் இன்று சேலம் மாவட்டத்தின் புதிய ஆட்சியராக முறைப்படி பொறுப்பேற்றார். ஆட்சியர் அலுவலகத்தில் அரசிதழில் கையொப்பமிட்ட அவருக்கு அதிகாரிகள், ஊழியர்கள் மற்றும் பத்திரிகையாளர்கள் எனப் பலரும் வாழ்த்து தெரிவித்தனர்.

தர்மபுரி மாவட்டம் கடத்தூரில் உள்ள புகழ்பெற்ற வாராந்திர வெற்றிலை சந்தையில் நேற்று ஒரே நாளில் ₹10 லட்சத்திற்கு மேல் வெற்றிலை விற்பனையானது. மாவட்டத்தின் பல்வேறு பகுதிகளில் இருந்தும், வெளிமாவட்டங்களிலிருந்தும் வந்த விவசாயிகள், வியாபாரிகள் உற்சாகமாக பங்கேற்றனர். 128 வெற்றிலைக் கட்டுகள் கொண்ட ஒரு மூட்டை ₹12,000 முதல் ₹16,000 வரை விற்பனையாகி, விவசாயிகளுக்கு பெரும் லாபத்தை ஈட்டித் தந்தது.

கிருஷ்ணகிரி பர்கூர் அருகே கந்திகுப்பத்தில் வாழ்வை மாற்றும் வேல்மாறல் மற்றும் திருப்புகழ் வழிபாடு நடைபெற்றது. வேல்மாறல் சேவா அறக்கட்டளைத் தலைவர் விஜயகுமார் வேலுக்கு சிறப்பு பூஜைகள் செய்து வழிபாட்டை நடத்தினார். மாலை மற்றும் அர்த்தஜாம பூஜைகளும் அங்கே செய்யப்பட்டன.

திருப்பத்தூர் மாவட்டம் நாட்ராம்பள்ளியில் மழைநீர் வடிகால் சாக்கடை கலந்து ஓடுகிறது. ஊராட்சி மன்ற தலைவர் இந்த பிரச்சனையை கண்டுகொள்ளவில்லை என பொதுமக்கள் குற்றம் சாட்டுகின்றனர். இதனால் அப்பகுதியில் சுகாதாரச் சீர்கேடு ஏற்படும் அபாயம் உருவாகியுள்ளது.

கள்ளக்குறிச்சி மாவட்டம், திருக்கோவிலூர் அரசு தலைமை மருத்துவமனையில் எம்எல்ஏ பழனிச்சாமி திடீர் ஆய்வு நடத்தினார். அப்போது, அங்கிருந்த பொதுமக்களிடம் அவர்களின் கோரிக்கைகளை நேரடியாகக் கேட்டறிந்தார்.

தர்மபுரி பாலக்கோடு திருமல்வாடி அரசு மேல்நிலைப் பள்ளியின் 2000-2001 முன்னாள் மாணவர்கள் 25 ஆண்டுகளுக்குப் பிறகு ஒன்றிணைந்தனர். அவர்கள் பழைய நினைவுகளைப் பகிர்ந்து கொண்டு, தங்களுக்கும் தற்போதைய ஆசிரியர்களுக்கும் பொன்னாடை அணிவித்து கௌரவித்தனர்.