નર્મદા જિલ્લાના સાગબારા તાલુકાના પાટી ગામે 22 જૂન, 2026 ના રોજ ખેડૂતો સાથે એક મહત્વપૂર્ણ પરિસંવાદ મિટિંગનું આયોજન કરવામાં આવ્યું હતું. આ કાર્યક્રમ એગ્રીક્લચર ટેક્નોલોજી મેનેજમેન્ટ એજન્સી, આગખાન સમર્થ કાર્યક્રમ અને ગુજરાત પ્રાકૃતિક કૃષિ વિકાસ બોર્ડના સંયુક્ત ઉપક્રમે યોજાયો હતો. મિટિંગનો મુખ્ય ઉદ્દેશ્ય ખેડૂતો અને આયોજક સંસ્થાઓ વચ્ચે ખેતી વિષયક ગોષ્ટીની આપલે કરવાનો હતો, જેમાં તમામ વક્તાઓએ પ્રાકૃતિક કૃષિ વિકાસ પર વિશેષ ભાર મૂક્યો હતો. કાર્યક્રમ દરમિયાન, આગખાન સંસ્થાના હરપાલસિંહે ખેડૂતોને પોતાના વાડાઓમાં પ્રાકૃતિક શાકભાજી ઉગાડીને પોષ્ટિક શાકભાજી વાપરવા અને ખર્ચમાં બચત કરવા જણાવ્યું હતું. જગદીશભાઈ ગામિતે મહિલાઓના જૂથોમાં જોડાવાથી થતા ફાયદાઓ વિશે માહિતી આપી હતી. મહિલા સશક્તિકરણ માટે રાષ્ટ્રપતિ પુરસ્કારથી સન્માનિત પ્રગતિશીલ ખેડૂત ઉષાબેને મહિલા જાગૃતિ પર ખાસ ભાર મૂક્યો હતો. આત્મા પ્રોજેક્ટના સાગબારા તાલુકા બ્લોક મેનેજર જયસિંગ બારીયાએ દેશી ગાય આધારિત ખેતી અને તેના વિવિધ ફાયદાઓ સમજાવ્યા હતા. GPKVB ના CRP આનંદભાઈ વસાવાએ ખેડૂતોને પ્રાકૃતિક ખેતી અપનાવી પોતાનો અનુભવ મેળવવા પ્રોત્સાહિત કર્યા, જ્યારે કૃષિ સખી લત્તાબેને પ્રાકૃતિક ખેતી અંતર્ગત ખેડૂતોના રજીસ્ટ્રેશન માટે ચાલી રહેલી ફોર્મ ભરવાની કામગીરીમાં સહકાર આપવા માર્ગદર્શન પૂરું પાડ્યું હતું. આજના આ કાર્યક્રમમાં મોટી સંખ્યામાં ખેડૂતોએ ભાગ લીધો હતો અને કેટલાક પ્રગતિશીલ ખેડૂતોએ તેમને મુંઝવતા સવાલોના જવાબો પણ મેળવ્યા હતા. આમ, આત્મા, આગખાન સમર્થ કાર્યક્રમ અને ગુજરાત પ્રાકૃતિક કૃષિ વિકાસ બોર્ડ દ્વારા આયોજિત આ પરિસંવાદ પાટી ગામે સફળતાપૂર્વક સંપન્ન થયો.

Anand vasava

Voice of people સાગબારા, નર્મદા, ગુજરાત•

3 hrs ago

નર્મદા જિલ્લાના સાગબારા તાલુકાના પાટી ગામે 22 જૂન, 2026 ના રોજ ખેડૂતો સાથે એક મહત્વપૂર્ણ પરિસંવાદ મિટિંગનું આયોજન કરવામાં આવ્યું હતું. આ કાર્યક્રમ એગ્રીક્લચર ટેક્નોલોજી મેનેજમેન્ટ એજન્સી, આગખાન સમર્થ કાર્યક્રમ અને ગુજરાત પ્રાકૃતિક કૃષિ વિકાસ બોર્ડના સંયુક્ત ઉપક્રમે યોજાયો હતો. મિટિંગનો મુખ્ય ઉદ્દેશ્ય ખેડૂતો અને આયોજક સંસ્થાઓ વચ્ચે ખેતી વિષયક ગોષ્ટીની આપલે કરવાનો હતો, જેમાં તમામ વક્તાઓએ પ્રાકૃતિક કૃષિ વિકાસ પર વિશેષ ભાર મૂક્યો હતો. કાર્યક્રમ દરમિયાન, આગખાન સંસ્થાના હરપાલસિંહે ખેડૂતોને પોતાના વાડાઓમાં પ્રાકૃતિક શાકભાજી ઉગાડીને પોષ્ટિક શાકભાજી વાપરવા અને ખર્ચમાં બચત કરવા જણાવ્યું હતું. જગદીશભાઈ ગામિતે મહિલાઓના જૂથોમાં જોડાવાથી થતા ફાયદાઓ વિશે માહિતી આપી હતી. મહિલા સશક્તિકરણ માટે રાષ્ટ્રપતિ પુરસ્કારથી સન્માનિત પ્રગતિશીલ

ખેડૂત ઉષાબેને મહિલા જાગૃતિ પર ખાસ ભાર મૂક્યો હતો. આત્મા પ્રોજેક્ટના સાગબારા તાલુકા બ્લોક મેનેજર જયસિંગ બારીયાએ દેશી ગાય આધારિત ખેતી અને તેના વિવિધ ફાયદાઓ સમજાવ્યા હતા. GPKVB ના CRP આનંદભાઈ વસાવાએ ખેડૂતોને પ્રાકૃતિક ખેતી અપનાવી પોતાનો અનુભવ મેળવવા પ્રોત્સાહિત કર્યા, જ્યારે કૃષિ સખી લત્તાબેને પ્રાકૃતિક ખેતી અંતર્ગત ખેડૂતોના રજીસ્ટ્રેશન માટે ચાલી રહેલી ફોર્મ ભરવાની કામગીરીમાં સહકાર આપવા માર્ગદર્શન પૂરું પાડ્યું હતું. આજના આ કાર્યક્રમમાં મોટી સંખ્યામાં ખેડૂતોએ ભાગ લીધો હતો અને કેટલાક પ્રગતિશીલ ખેડૂતોએ તેમને મુંઝવતા સવાલોના જવાબો પણ મેળવ્યા હતા. આમ, આત્મા, આગખાન સમર્થ કાર્યક્રમ અને ગુજરાત પ્રાકૃતિક કૃષિ વિકાસ બોર્ડ દ્વારા આયોજિત આ પરિસંવાદ પાટી ગામે સફળતાપૂર્વક સંપન્ન થયો.