જંબુસર તાલુકાના કહાનવા ગામમાં મોહર્રમના પવિત્ર તહેવાર નિમિત્તે આજે 7મા ચાંદનો દિવસ છે.

જંબુસર તાલુકાના કહાનવા ગામમાં મોહર્રમના પવિત્ર તહેવાર નિમિત્તે આજે 7મા ચાંદનો દિવસ છે.

વડોદરા શહેરના મકરપુરા વિસ્તારમાં આવેલા એક ગ્રીમયાર્ડમાં તસ્કરોની એક ટોળકી સી.સી.ટી.વી. કેમેરામાં કેદ થઈ હતી.

ફતેહપુરથી એક વૃદ્ધ દંપતી ગુમ થતા ચિંતાનો માહોલ છવાયો છે. મળતી માહિતી મુજબ, આ દંપતી સવારે ખેતરે ગયા હતા, પરંતુ ત્યારથી તેઓ ઘરે પાછા ફર્યા નથી. દંપતી ગુમ થતા પરિવારજનોએ તેમની શોધખોળ માટે અને તેમને શોધી કાઢવા માટે મદદની વિનંતી કરી છે.

વડોદરાના યાકુતપુરા વિસ્તારમાંથી હફીજા મહેબૂબશા દિવાન નામની એક મહિલા કાલથી ગુમ થઈ ગઈ છે. ઉપલબ્ધ માહિતી મુજબ, તેમની ઉંમર અંદાજે 35 થી 40 વર્ષની છે, તેમનો રંગ ઘઉંવર્ણો છે, વાળ કાળા છે અને તેમનું કદ લગભગ 5 ફૂટ છે. તેમને છેલ્લે હજરત એપાર્ટમેન્ટ, યાકુતપુરા, વડોદરા વિસ્તારમાં જોવામાં આવ્યા હતા.

વડોદરાની એમ.એસ. યુનિવર્સિટી નજીક વિદ્યાર્થીઓ અને લોકોની અવરજવરવાળા માર્ગ પર એક કારચાલકે પૂરઝડપે અને બેફિકરાઈથી કાર હંકારી માનવજીવન જોખમમાં મૂક્યું હતું. આ ઘટનાનો વીડિયો સોશિયલ મીડિયામાં વાયરલ થતાં સયાજીગંજ પોલીસે તાત્કાલિક કાર્યવાહી કરી હતી. તપાસ દરમિયાન, પોલીસે કારચાલક સચીનકુમાર દહીયાભાઈ પરમારને ઝડપી પાડી તેની સામે ગુનો નોંધી કાયદેસરની કાર્યવાહી હાથ ધરી છે.

વેનેઝુએલામાં 7.1 તીવ્રતાનો ભયાનક ભૂકંપ આવ્યો છે, જેના કારણે ઘણી ઇમારતો ધરાશાયી થઈ ગઈ છે.

વલાસણ કેળવણી મંડળ ટ્રસ્ટની શાળામાં ટ્રસ્ટીઓ અને પ્રિન્સિપાલના માર્ગદર્શન હેઠળ વિદ્યાર્થીઓ પાસેથી ખુલ્લા ટ્રેક્ટરમાં ચોપડાઓ લઈ જવામાં આવ્યા હતા. આ ઘટનાને પગલે ગંભીર સવાલો ઊભા થયા છે કે જો આ પ્રવૃત્તિ દરમિયાન કોઈ વિદ્યાર્થીને અકસ્માત કે ઇજા થાય તો તેની જવાબદારી કોણ લેશે. આ સાથે, પ્રશ્ન એ પણ ઉઠાવવામાં આવ્યો છે કે શું આ કામગીરી પહેલાં બાળકોના માતા-પિતાની લેખિત મંજૂરી લેવામાં આવી હતી અને બાળકોને આવા જોખમી કાર્યમાં જોડવા અંગે કોઈ નિયમો તથા સુરક્ષાની વ્યવસ્થા કરવામાં આવી હતી કે કેમ. સ્પષ્ટપણે જણાવાયું છે કે શાળા એ શિક્ષણ અને સુરક્ષાનું સ્થાન છે, બાળકો પાસેથી મજૂરી કે જોખમભર્યા કાર્યો કરાવવાનું નહીં. દુઃખની વાત એ છે કે વારંવાર આવી ભૂલો સામે આવવા છતાં શાળા તંત્ર અને પ્રિન્સિપાલ જવાબદારી સ્વીકારવાના બદલે ઉદ્ધતાઈભર્યા જવાબો આપે છે. આ પ્રશ્ન માત્ર ચોપડાઓનો નથી, પરંતુ બાળકોની સુરક્ષા, તેમના અધિકારો અને શાળાની જવાબદારીનો છે. આથી, દરેક માતા-પિતા અને સમાજે એ વિચારવું પડશે કે તેમના બાળકો ખરેખર સુરક્ષિત હાથોમાં છે કે નહીં.

વડોદરા ખાતે હર્ષ સંઘવીએ કલેક્ટર કચેરીની મુલાકાત લીધી હતી, જ્યાં વાઇબ્રન્ટ સમિટની તૈયારીઓ અંગે એક બેઠક યોજવામાં આવી હતી. આ સમીક્ષા બેઠકમાં ઉચ્ચ અધિકારીઓ સાથે ચર્ચા કરવામાં આવી હતી. રોકાણ આકર્ષવા માટે એક રોડમેપ તૈયાર કરવા સૂચનાઓ આપવામાં આવી હતી. બેઠક દરમિયાન, ઉદ્યોગો માટે જમીન અને અન્ય સુવિધાઓનો તાગ મેળવવામાં આવ્યો હતો. કનેક્ટિવિટી અને ઇન્ફ્રાસ્ટ્રક્ચર સંબંધિત મુદ્દાઓ પર પણ વિસ્તૃત ચર્ચા થઈ હતી. ખાસ કરીને, કેમિકલ અને ફાર્મા ક્ષેત્રે રોકાણ વધારવા પર ભાર મૂકવામાં આવ્યો હતો, જ્યારે IT અને એન્જિનિયરિંગ ક્ષેત્રે પણ વિશાળ તકો હોવાનું જણાવાયું હતું. દાહેજ, સાવલી અને હાલોલ બેલ્ટમાં રોકાણ માટે વધુ સંભાવનાઓ હોવાનું નોંધવામાં આવ્યું હતું, અને રોકાણકારોના પ્રશ્નો ઉકેલવા માટે ઇન્વેસ્ટર મીટ યોજવાની પણ તાકીદ કરવામાં આવી હતી.