கல்வராயன் மலை வெள்ளிமலை டாஸ்மார்க் கடையில் மோதல்! வைரலாகும் வீடியோ! கள்ளக்குறிச்சி மாவட்டம், கல்வராயன்மலை வெள்ளிமலை அரசு மதுபானக் கடையில், மதுபிரியர்களுக்கும் கடை ஊழியர்களுக்கும் இடையே மோதல் ஏற்பட்டதாகக் கூறப்படுகிறது. இதில், கடை சூப்பர்வைசர் மதுபிரியர் ஒருவரைத் தாக்கிய வீடியோ மற்றும் புகைப்படங்கள் சமூக வலைத்தளங்களில் வைரலாகி வருகின்றன. இதற்கிடையே, இரு மதுபிரியர்களைக் காவல்துறையினர் காவல் நிலையத்திற்கு அழைத்துச் சென்றுள்ளதாகத் தகவல் வெளியாகியுள்ளது. மோதலுக்கான காரணம் மற்றும் காவல்துறையின் அடுத்தகட்ட நடவடிக்கைகள் குறித்த விவரங்கள் எதிர்பார்க்கப்படுகின்றன.

கல்வராயன் மலை வெள்ளிமலை டாஸ்மார்க் கடையில் மோதல்! வைரலாகும் வீடியோ! கள்ளக்குறிச்சி மாவட்டம், கல்வராயன்மலை வெள்ளிமலை அரசு மதுபானக் கடையில், மதுபிரியர்களுக்கும் கடை ஊழியர்களுக்கும் இடையே மோதல் ஏற்பட்டதாகக் கூறப்படுகிறது. இதில், கடை சூப்பர்வைசர் மதுபிரியர் ஒருவரைத் தாக்கிய வீடியோ மற்றும் புகைப்படங்கள் சமூக வலைத்தளங்களில் வைரலாகி வருகின்றன. இதற்கிடையே, இரு மதுபிரியர்களைக் காவல்துறையினர் காவல் நிலையத்திற்கு அழைத்துச் சென்றுள்ளதாகத் தகவல் வெளியாகியுள்ளது. மோதலுக்கான காரணம் மற்றும் காவல்துறையின் அடுத்தகட்ட நடவடிக்கைகள் குறித்த விவரங்கள் எதிர்பார்க்கப்படுகின்றன.

மீனாட்சி அம்மன் கோவிலில் வந்து திருநீர், குங்குமம் வைத்து கொண்டார் முதல்வர் அது ஒன்றே போதும் - மதுரை ஆதீனம் பேட்டி. சிவகங்கை மாவட்டம், காளையார்கோவிலில் மருதுபாண்டியர்களின் 225-வது குருபூஜை விழாவை முன்னிட்டு, மதுரை ஆதீனத்தின் 293-வது மடாதிபதி ஸ்ரீலஸ்ரீ ஹரிஹர ஸ்ரீ ஞானசம்பந்த தேசிக சுவாமிகள் மருதுபாண்டியர்களுக்கு மாலை அணிவித்து மரியாதை செலுத்தினார். இதனைத் தொடர்ந்து செய்தியாளர்களைச் சந்தித்த மதுரை ஆதீனம், மருதுபாண்டியர்கள் ஆன்மிகத்திற்காகவும், மக்களின் நலனுக்காகவும் சிறப்பாகச் செயல்பட்டவர்கள் எனத் தெரிவித்தார். தொடர்ந்து தமிழக அரசியல் மற்றும் ஆட்சி குறித்த செய்தியாளர்களின் கேள்விகளுக்குப் பதிலளித்த அவர், தமிழகத்தில் நல்லாட்சி நடைபெற்று வருவதாகத் தெரிவித்தார். குறிப்பாக, த.வெ.க. ஆட்சி சிறப்பான ஆட்சி என்றும், அனைத்து மதங்களையும் மதிக்கும் ஆட்சி என்றும் அவர் குறிப்பிட்டார். மேலும் அண்மையில் மதுரை மீனாட்சியம்மன் கோவிலுக்கு வந்த முதல்வர் திருநீர், குங்குமம் வைத்துக்கொண்டது ஒன்றே போதும் என தெரிவித்தார்.

காரிமங்கலம் பிடிஓ அலுவலகம் முன்பு சட்டத் தூண்கள் இயக்கத்தினர் கண்டன ஆர்ப்பாட்டம் காரிமங்கலம் பிடிஓ அலுவலகம் முன்பு சட்டத் தூண்கள் இயக்கத்தினர் கண்டன ஆர்ப்பாட்டம்

கரட்டுப்பட்டி முருகன் கோவிலில் 2 வது நாள்மண்டல அபிஷேகம் நடைபெற்றது திருச்சி மாவட்டம் தொட்டியம் வட்டம் கரட்டுப்பட்டி ஸ்ரீ பால தண்டாதபயணம் முருகன் கோவிலில் இன்று 2 வது நாள் மண்டல அபிஷேகம் நடைபெற்றது விநாயகர் முருகன் இடும்பன் உள்ளிட்ட தெய்வங்களுக்கு சிறப்பு அபிஷேகம் நடைபெற்றது கலந்து கொண்ட பக்தர்கள் அனைவருக்கும் முருகன் ஸ்ரீபாலசுப்பிரமணியம் வேடத்தில் அருள் பாலித்தார் கலந்து கொண்ட பக்தர்களுக்கு அன்னதானம் பிரசாதம் வழங்கினார்

சிவகங்கை மாவட்டம் காளையார்கோவிலில் நடைபெற்ற மருதுபாண்டியர்களின் 225-வது குருபூஜை விழாவில் பங்கேற்று, நினைவிடத்தில் வீரவணக்கம் செலுத்திய நாம் தமிழர் கட்சியின் தலைமை ஒருங்கிணைப்பாளர் சீமான், செய்தியாளர்களைச் சந்தித்தார். அப்போது, மருதுபாண்டியர்கள் மானத்தோடு வாழ்ந்து வீரமரணம் அடைந்த மாவீரர்கள் என்றும், அவர்களுக்கு வீரவணக்கம் செலுத்துவது நமது கடமை என்றும் தெரிவித்தார். சிவகங்கை மாவட்டத்தில் தொடர்ந்து நடைபெறும் குற்றச் சம்பவங்கள் குறித்து பேசுகையில், “மண்ணின் மகனாக ஊருக்குள் வரவே வெட்கமாகவும் அவமானமாகவும் இருக்கிறது” என்றார். தமிழக வெற்றிக் கழக ஆட்சியின் ஊழல் குறித்த கேள்விக்கு, “பணமாகக் கொடுப்பது மட்டுமல்ல, திட்டங்கள் மூலமாக மக்களுக்கு வழங்குவதும் லஞ்சம்தான்” என விமர்சித்தார். அரசு வழக்கறிஞர்கள் நியமனம், ரூ.900 கோடி லஞ்சப் புகார் உள்ளிட்ட விவகாரங்கள் குறித்து கேள்வி எழுப்பிய அவர், மக்கள் நலத் திட்டங்கள் எங்கே இருக்கின்றன என்றும் வினவினார். மின்சாரத்தை யூனிட் ரூ.35 வரை கொடுத்து வாங்கும் நிலையில், உற்பத்தியைப் பெருக்காமல் கொள்முதலில் மட்டும் கவனம் செலுத்துவது ஏன் என்றும், ஆவின் நிறுவனத்தை வலுப்படுத்தாமல் பிற மாநிலப் பால் நிறுவனங்களிடம் இருந்து வாங்குவது ஏன் என்றும் கேள்வி எழுப்பினார். “ஏற்கெனவே திமுகவைத் தீய சக்தி என்றார்கள்; ஆனால் அவர்களைவிடக் கொடிய தீம் சக்தி தவெக” என்று கூறிய சீமான், ஆட்சி மாறியிருந்தாலும் மக்களின் பிரச்சினைகளில் மாற்றம் ஏற்படவில்லை எனக் கடுமையாகச் சாடினார்.

சேலம் சிவதாபுரம் அருகே செல்போன் டவரில் ஏறி முதியவர் தற்கொலை மிரட்டல் சேலம் சிவதாபுரம் விஜயலட்சுமி நகரில் 100 அடி உயரத்தில் உள்ள ஒரு தனியார் செல்போன் டவரில் இன்று காலை 8:30 மணியளவில் முதியவர் ஒருவர் எறினார். பின்னர் அவர் செல்போன் டவரின் உச்சிப் பகுதிக்கு சென்று கோஷமிட்டார். அதை பார்த்து அந்த பகுதியை சேர்ந்த பொதுமக்கள் அதிர்ச்சி அடைந்து அவரை கீழே இறங்கி வரச் சொல்லி சத்தம் போட்டனர். ஆனால் அந்த முதியவர் அது கேட்காமல் தொடர்ந்து அங்கேயே நின்று கொண்டிருந்தார். இது எடுத்து மக்கள் கொண்டலாம்பட்டி போலீசார் மற்றும் சூரமங்கலம் தீயணைப்பு துறையினருக்கு தகவல் தெரிவித்தனர். உடனடியாக அவர்கள் விரைந்து வந்து டவரில் நின்று கொண்டிருந்த முதியவரை கீழே இறங்கி வருமாறு மைக் மூலம் அழைத்தனர். ஆனால் அவர் வர மறுத்தார். இதனையடுத்து போலீசார் நடத்திய விசாரணையில் செல்போன் டவரில் நின்று கொண்டிருப்பது சிவதாபுரம் பெரியபுத்தூர் பகுதியை சேர்ந்த சகாதேவன் என தெரியவந்தது. மேலும் இவர் தனது மகன் ராமசாமியை போலீசார் வழக்கு தொடர்பாக விசாரணைக்கு அழைத்துச் சென்றுள்ளனர். அவரை உடனடியாக விடுவிக்க வேண்டும், விடுவித்தால் தான் செல்போன் டவரில் இருந்து கீழே இறங்குவேன் என்று கூறினார். இதை அடுத்து போலீசார் சகாதேவனின் மகன் ராமசாமியை அழைத்து வந்து செல்போன் மூலம் சகாதேவனிடம் பேச வைத்தனர். பின்னர் மதியம் ஒரு மணியளவில் செல்போன் டவரில் இருந்து கீழே இறங்கினார். இந்த சம்பவம் அந்த பகுதியில் பெரும் பரபரப்பை ஏற்படுத்தி உள்ளது.

முசிறி அரசு ஆண்கள் மேல்நிலைப் பள்ளியில் போக்ஸோ சட்டம் குறித்த விழிப்புணர்வு முகாம் முசிறி அரசு ஆண்கள் மேல்நிலைப் பள்ளியில் வட்டச் சட்டப் பணிக குழு சார்பில் போக்ஸோ பற்றிய விழிப்புணர்வு முகாம் . முசிறியில் அரசு ஆண்கள் மேல்நிலைப் பள்ளியில் உச்ச நீதிமன்றம் மற்றும் சென்னை உயர்நீதிமன்ற வழிகாட்டுதலின்படி திருச்சிராப்பள்ளி மாவட்ட முதன்மை நீதிபதியின் அறிவுறுத்தலின் படி முசிறி சார்பு நீதிபதி முருகானந்தி தலைமையில் வட்ட சட்டப் பணிகள் ஆணைகள் குழுவின் ஏற்பாட்டின் படி, மாணவர்களுக்கு, பாதுகாப்பு சம்பந்தப்பட்ட சட்ட விழிப்புணர்வு மற்றும் போக்சோ சட்ட விழிப்புணர்வு முகாமும் நடைபெற்றது. நிகழ்ச்சியில் குற்றவியல் நடுவர் சுரேஷ்குமார், முசிறி பள்ளி தலைமை ஆசிரியர் பல்த்சார், ஆசிரியர் சிவராஜ் உள்ளிட்ட ஆசிரியர்கள் மற்றும் வழக்கறிஞர் சங்கத் தலைவர் மருதையா, வழக்கறிஞர்கள் காமராஜ்,பொன்குமார், ரெங்கராஜ். ஆகியோர்கள் கலந்து கொண்டனர். மேலும் மாணவர்கள் ஏதாவது பிரச்சனை நேரம் சமயத்தில் சைபர் க்ரைம் நம்பர் 1930,ஐம்,இலவச சட்ட உதவிக்கு 15100 என்ற எண்ணுக்கு தொடர்பு கொண்டு பயனடையலாம் என மாணவர்களுக்கு அறிவுறுத்தப்பட்டது .மாணவர்கள் பங்கேற்று பயனடைந்தனர்.

கணவன் - மனைவி தகராறு: மாமனாரை சுத்தியால் அடித்து, கத்தியால் குத்திய மருமகன் - போலீஸ் வலைவீச்சு! கிருஷ்ணகிரி மாவட்டம், மத்தூர் காவல் எல்லைக்குட்பட்ட கண்ணடஹள்ளி கிராமத்தை சேர்ந்தவர் ஆனந்தன் (49). இவருடைய மகள் கீர்த்தனா (28). இவருக்கும் பர்கூர் பகுதியைச் சேர்ந்த சந்திரசேகரன் (32) என்பவருக்கும் கடந்த 6 ஆண்டுகளுக்கு முன்பு திருமணம் நடைபெற்றது. இந்நிலையில், கணவன் - மனைவி இடையே ஏற்பட்ட கருத்து வேறுபாடு காரணமாக, கடந்த 6 மாதங்களாக கீர்த்தனா தனது கணவரை பிரிந்து தந்தை வீட்டில் வசித்து வந்த நிலையில் கடந்த இரண்டு நாட்களுக்கு முன்பு கீர்த்தனாவின் வீட்டிற்கு வந்த சந்திரசேகரன், தனது குழந்தையைத் தன்னிடம் அனுப்பி வைக்குமாறு வாக்குவாதத்தில் ஈடுபட்டுள்ளார். அப்போது ஏற்பட்ட மோதலில், ஆத்திரமடைந்த சந்திரசேகரன் வீட்டில் இருந்த சுத்தியலை எடுத்து மாமனார் ஆனந்தனின் முதுகில் பயங்கரமாகத் தாக்கியுள்ளார். மேலும், தான் வைத்திருந்த சூரிக்கத்தியால் ஆனந்தனின் வலது கண் புருவத்தின் மேல் குத்தியுள்ளார். இதில் ரத்த வெள்ளத்தில் சரிந்த ஆனந்தனுக்கு, கண் புருவத்தில் பலத்த காயம் ஏற்பட்டு 6 தையல்கள் போடப்பட்டன. மத்தூர் அரசு மருத்துவமனையில் முதலுதவி சிகிச்சை அளிக்கப்பட்டதைத் தொடர்ந்து, அவர் மேல் சிகிச்சைக்காக கிருஷ்ணகிரியில் உள்ள தனியார் மருத்துவமனையில் அனுமதிக்கப்பட்டு சிகிச்சை பெற்று வருகிறார். இது குறித்து ஆனந்தன் கொடுத்த புகாரின் பேரில் மத்தூர் போலீஸார், வழக்குப் பதிவு செய்து, தலைமறைவாக உள்ள மருமகன் சந்திரசேகரனை தீவிரமாகத் தேடி வருகின்றனர். மேலும் இந்த இடத்தில் இருந்த கேமராவில் இந்த தாக்குதல் சம்பவம் பதிவாகி உள்ள நிலையில் அந்த வீடியோ காட்சி தற்பொழுது சமூகவலைதளங்களில் வைரலாக பரவி வருகிறது.